NEHEMIA 7:5 - Sura Magali Nuntu Ngkatuwu

⁵ Inceʼe painaka ndapapaepe i mPue Ala yaku da naka kupasambaka waʼa ntau sondo pai waʼa ntadulako sangkani pai waʼa ntau loʼe, da naka kuimba tau seʼe malulu posuncu anu mampomulika. Ri tempo setumo kuparata sura paʼuki toʼo ntau anu uyu-uyunya mewalili ungka ri pantawani. Ewanceʼi kono totoraka anu kurata ri raya ncura setu:

NEHEMIA 7:5 Referans Kwoze

Yakobus 1:16

Ee waʼa ngkasangkompo anu kupotowe, neʼe boi manawu komi ri pompebutuka.

Kolose 1:29

Da naka kukoto jela njairia kupari-pari kojo motetala. Kumompari-mpari kojo ri gori mpakotoku anu ndawai i ngKerisitu ri yaku, anu motetala ri rayaku ewa sambaʼa kuasa.

2 Korintus 8:16

Bangke kapaunde i Pue Ala maka Sira mamponinika i Titu painaka madoyo rayanya sangkani-ngkani pai kami da mantulungi komi.

2 Korintus 3:5

Bereʼe bara nunjaa-njaa ri kami anu da mampapakotoka kami mawianaka tetala seʼi, paikanya i Pue Ala anu mawai pangkoto ri kami.

1 Korintus 15:10

Paikanya ua kapuru ndaya i mPue Ala painaka yaku tedikanakamo ewa katedikanakaku seʼi. Paikanya banya jangkabongo kapuru ndaya i mPue Ala ri yaku. Maka yaku anu manee tetalaku painaka pura-pura suro anu ntaninya. Paikanya inceʼe kamonconya banya ua kayakunya, inceʼe ua i Pue Ala anu mampokapuru yaku pai anu motetala sangkani-ngkani pai yaku.

NEHEMIA 6:14

Mekakai yaku kutoʼo, “Boo Pue Ala, ndipetiromo Pue nunjaa anu napowia i nTobia pai i Sambala setu. Ndihukumo Pue tau seʼe! Ewanceʼe seʼe nabi weʼa anu mampotoʼo i Noaja pai waʼa nabi ntaninya anu mangaeka-ekasi yaku.”

NEHEMIA 5:19

Kuperapi boo Pue Ala, ndiendomo waʼa anu roo kuwianaka pai ndidoncomo yaku.

ESIRA 7:27

Mompau i Esira, “Undemo i Pue, Pue Ala anu napanyomba ntau piamota! Sira anu malikesi raya i Datu painaka ndapokono mampariwawo Banua i mPue ri Yerusale.

NEHEMIA 7:4

Yerusale sambaʼa kota anu bangke paikanya podo sakodija tau anu mampeari, pai bareʼepa sondo banua anu ndawangu.

PATADA 2:6

I Pue anu mangawai kaloʼe ndaya; ungka ri Sira parata ntau pangaincani loʼe pai parata ndaya.

PATADA 3:6

Da nutanjemo i Pue ri mpengaya-ngaya anu nuwianaka, da naka Sira mantujuka siko jaya ngkatuwu anu madago.