NEHEMIA 7:3 - Sura Magali Nuntu Ngkatuwu

³ Kutoʼoka tau seʼe, “Baa-baa ngkota Yerusale nepa maya ndaloka ane mokaamo karemenya pai sangaya-ngaya da ndadampo pai da ndarancongi ri kabareʼepanya mombesawani topojaga ri kangkinowianya. Pai sangaya-ngaya da ndapakanoto tau anu todo mojaga ungka ri oyo waʼa ntau anu meari ri Yerusale, santila da njau mpaliu ri banua mpojaga pai santila woʼu da malinja mamparesa daera anu mantolilimi waʼa banua ntau seʼe.”

NEHEMIA 7:3 Referans Kwoze

Matius 10:16

“Da ndipaincani: Komi seʼi kupokau ewa bimba njoʼu ri oyo ncarigala, inceʼe puʼunya painaka komi da moncoro-ncoro ewa ule pai da maruna-runa ewa tonci tokuku.

Masmur 127:1

Ngayu i Salomo. Ane banya i Pue anu mawangu banua, podo ngkabongo potetala waʼa mpande. Ane banya i Pue anu mangkariani kita, podo ngkabongo pojaga waʼa ntopojaga.

NEHEMIA 13:19

Inceʼe painaka kusongka tau seʼe da naka sangkani-sangkani eo Umapo, montepuʼu ungka ri eo Jumaa mawengi, waʼa baa-baa ngkota da ndarancongi ane ngkinowiamo, pai bareʼe maya ndaloka ane bareʼepa liu eo Umapo ri eo Saatu mawengi. Kudika bara tesangkuja tauku ri baa-baa setu da mampepeoleka da naka ri eo Umapo bereʼe balu-balu anu ndakeni mpesua ri raya ngkota.

NEHEMIA 7:2

Tila pampapelinja songka ri Yerusale, kupesaraʼuka ri kasangkompoku i Hanani pai i Hananya anu mewali tadulako bangke ri bente ngkota, maka siʼa tongawa maria peruunya ri tau ntaninya, siʼa mampokaeka i Pue Ala pai sintinaja ndasarumaka.

NEHEMIA 7:4

Yerusale sambaʼa kota anu bangke paikanya podo sakodija tau anu mampeari, pai bareʼepa sondo banua anu ndawangu.

Masmur 147:13

Maka Sira anu mampakaroso waʼa baa-baamu, pai madonco bangani lipumu.