NEHEMIA 7:2 - Sura Magali Nuntu Ngkatuwu

² Tila pampapelinja songka ri Yerusale, kupesaraʼuka ri kasangkompoku i Hanani pai i Hananya anu mewali tadulako bangke ri bente ngkota, maka siʼa tongawa maria peruunya ri tau ntaninya, siʼa mampokaeka i Pue Ala pai sintinaja ndasarumaka.

NEHEMIA 7:2 Referans Kwoze

NEHEMIA 1:2

Ri tempo setu kasangkompoku i Hanani pai bara tesangkuja yununya nepa jela ungka ri Yahuda, kupeoasi ri siʼa ewambeʼi katedikanaka ngkota Yerusale pai kono waʼa nto Yahudi anu mewalilimo ungka ri pantawani ri Babeli.

Matius 25:21

Mesono puenya, ‘Madago, sikomo anamayunu anu madago pai todo. Ua siko ndasarumaka mampakoroka anu sakodi, da kupesarumakaka ri siko anu maria. Pesuamo mosusa pai yaku!’

Masmur 101:6

Kupokono tau anu todo ri Pue Ala; tau seʼe maya meari ri banuaku. Tau anu tuwu ri kabareʼenya reʼe posarinya maya mamporiokoi yaku.

NEHEMIA 2:8

Kuperapi woʼu sura anu da rata ri Asapi anu majagai yopo negara da naka siʼa mampatoka kaju anu da ndapowiaka waʼa baa-baa bente ngkota pai banua da peariku. Ndabangani i Datu pura-pura perapiku setu, maka i Pue Ala anu mantulungi yaku.

1 RAJA-RAJA 18:3

Inceʼe painaka napeboo i Aha i Obaja (i Obaja setu tadulako ncombori langkanae. Siʼa sambaʼa tau anu todo manyomba ri Pue.

2 Timotius 2:2

Waʼa mpatada owi anu nudongemo ungka ri yaku ri suara ntau sondo, tuarapa da nupepombaika ri waʼa ntau anu sintempo da ndasarumaka pai anu loʼe mampaguru tau ntaninya.

1 Korintus 4:2

Anu kaʼisa-isanya ndaperapi ri waʼa ntoporioko inceʼemo pepoʼinaya ri puenya.

DANIELI 6:4

Bareʼe masae tongawamo potetala i Danieli anu meruu ngkadago painaka potetala waʼa petoro pai yununya anu radua setu. Inceʼe painaka da raya i datu mangalanti siʼa mewali anu makuasa ri samalele mpoparentanya.

AYUBI 1:1

Ri tana Usi, tuwumo sambaʼa tuama i Ayubi toʼonya. Siʼa manyomba ri Pue Ala pai todo mepoʼinaya ri Sira. Siʼa madago raya pai bereʼe jaʼa napowia mau sakodi.

NEHEMIA 13:13

Kudika bara tesangkuja tau majagai waʼa lincu padika waʼa mpangkoni setu tau seʼe setu inceʼemo: i Tadu mPanyomba Selemia, i Sadoki tau anu loʼe ri Padika setu pai i Pedaya siʼa to Lewi, i Hanani ana i Sakuri makumpu i Matanya kudika mantulungi tau seʼe. Maka kusarumaka waʼa ntau setu timama da mangantila-ntila waʼa mpangkoni ri waʼa junu sampotetalanya ri kamonconya.

NEHEMIA 5:15

Waʼa petoro anu moriu, mampapakoyoka tau sondo 40 doi salaka anu da mewali pangkoni pai panginunya ri raya anu sandeme. Pai waʼa mpegawai ntau seʼe mamparini tau sondo. Paikanya yaku bareʼe kumowia ewanceʼe maka yaku mampokaeka i Pue Ala.

1 RAJA-RAJA 18:12

Ane ri tempo mpalaiku ungka ireʼi, tingkarasaka Inosa i mPue mangkeni komi ungka ireʼi njoʼu ri tana anu bareʼe kuincani! Seʼi da kutoʼoka i Aha komi reʼe ireʼi, paikanya ane bareʼe narata komi, manoto kojo da napampepate yaku. Da ndipaincani yaku todo manyomba ri Pue montepuʼu ungka ri kakodi-kodiku!

2 Samuel 23:3

I Pue Ala pue i Yako mompau; Sira anu mangkariani to Isaraeli mantoʼo ri yaku, “Mokole anu mayoa pamparentanya waʼa mpalilinya, anu mawawanaka pepoʼinaya ri Pue.

Pombilang 12:7

Paikanya, banya ewanceʼe pai watua-Ku i Musa. Siʼamo tau anu todo ri oyo waʼa ntau-Ku.

Posuwunya 18:21

Paikanya, da nupilisi bara tesangkuja tuama anu loʼe, da nupakanoto tau seʼe mewali to pombawanaka ti tau sancowu, ri tau saatu, ri tau lima mpuyu pai ri tau sampuyu. Waʼa ntau setu inceʼemo waʼa ntau anu mampokaeka i mPue, tau ndasarumaka pai bareʼe napokono mantarima doi mpodampo nguju.

Pomulanya 42:18

Ri eo anu katatogo natoʼo i Yusupu ri tau seʼe, “Yaku seʼi tau anu maeka pai mepoʼinaya ri Pue Ala. Komi da kulapa paikanya da ndilulu anu kutoʼo seʼi.

Matius 24:45

Ndatoʼo woʼu ri Yesu, “Isema ntano toporioko anu todo pai manoto rayanya? Siʼamo anu da nadika mpuenya mewali tadulako ri waʼa yununya, siʼamo anu ndasarumaka da mampasilolongani pangkoni waʼa yununya ane jelamo temponya.

NEHEMIA 7:3

Kutoʼoka tau seʼe, “Baa-baa ngkota Yerusale nepa maya ndaloka ane mokaamo karemenya pai sangaya-ngaya da ndadampo pai da ndarancongi ri kabareʼepanya mombesawani topojaga ri kangkinowianya. Pai sangaya-ngaya da ndapakanoto tau anu todo mojaga ungka ri oyo waʼa ntau anu meari ri Yerusale, santila da njau mpaliu ri banua mpojaga pai santila woʼu da malinja mamparesa daera anu mantolilimi waʼa banua ntau seʼe.”