NEHEMIA 7:1 - Sura Magali Nuntu Ngkatuwu

¹ Butu roo ndawangu pura-pura bente ngkota setu, kupokauka napataka ntau seʼe waʼa dampo baa-baa. Roo setu kusongkamo waʼa ntopojaga baa-baa, waʼa ntopongayu pai waʼa nto Lewi mawianaka tetalanya sambaʼa-sambaʼa seʼe.

NEHEMIA 7:1 Referans Kwoze

NEHEMIA 6:15

Pawali mpakoroka bente ngkota setu 52 eo kasaenya, nepa roo ri rua mpuyu pai alima eo mbuya Eluli.

NEHEMIA 6:1

Nadongemo i Sambala, i Tobia, Gesemi pai waʼa iwali mami anu ntaninya, karoomo mami mampakoroka bente ngkota, pura-pura kabolonya roomo kapigati, mau ri tempo setu bareʼepa kupataka waʼa dampo ri baa-baa ngkota.

2 Tawarikh 31:2

Nawali mpakanoto i Mokole Sikia waʼa ntibura ntadu mpanyomba pai to Lewi malulu katetila-tila ntetala ntau seʼe. Ewaseʼi katetila ntetala ntau seʼe: anu mampasilolongani pampanyombaka panyomba anu ndaʼombasi pai panyomba ngkasimadago pai mamporiokoi panyomba ri Banua i mPue; pai da mawianaka peunde pai pontarima kase ri Pue ri waʼa ntampa anu ndapakanoto ri raya Banua i mPue.

NEHEMIA 12:24

Ri pawawanaka i Hasabiya, i Serebiya, i Yesua, i Binui pai i Kadimeeli, waʼa nto Lewi ndatila bara tesangkuja kolompo. Sangkani-sangkani pawianaka panyomba reʼe radua kolompo anu mawianaka peunde ri Pue pai montarima kase ri Sira, tau radua kolompo setu mombesono-sono, silulu pai songka i Mokole Daudi, watua i mPue Ala setu.

NEHEMIA 11:3

Ri waʼa ngkota ntaninya setu, waʼa ntau sondo, waʼa ntadu mpanyomba, waʼa nto Lewi, waʼa ntopotetala ri Banua i mPue pai muli waʼa ntoporioko i Ncalomo, mampeari tana ntau seʼe ri waʼa ngkota ntau seʼe ngkalionya.

NEHEMIA 10:39

Waʼa ntau sondo pai to Lewi sangaya-ngaya da mangkeni pombai anu bareʼe bali-bali ewa anggoro pai lana saitu ri waʼa lincu padika pangkoni ri kareʼe mpadika waʼa mparewa anu ndapake ri Banua i mPue. Njairia woʼu kareʼe mpeari waʼa ntadu mpanyomba anu ntongo mawianaka tetalanya, waʼa ntopojaga baa-baa Banua i mPue pai waʼa ntopongayu. Bareʼe da bali-bali kami da mamporewu pai da majagai Banua i mPue mami.

ESIRA 3:8

Inceʼe painaka ri wuya karadua ri taʼu karadua ungka ri pewalili nto Isaraeli ungka ri Babeli rata ri Yerusale, natepuʼumo ntau seʼe mawangunaka muni Banua i mPue. I Serubabeli, i Yesua pai waʼa yununya, waʼa ntadu mpanyomba, waʼa nto Lewi, kamonconya pura-pura tau anu mewalili ungka ri pantawani motetala pura-pura. Waʼa nto Lewi anu tinuwu 20 ntaʼu waindeku ndatuju mewali topojaga ri potetala mpombangunaka Banua i mPue setu.

2 RAJA-RAJA 7:10

Inceʼe painaka mewalili tau seʼe ri Samaria, meboo-boo tau seʼe ri topojaga baa-baa ngkota, natoʼo, “Kami mewalilimo ungka ri kema nto Siria, tongawa bareʼemo reʼe tau njairia. Nyara pai kalide ntau seʼe karata ntongo njaupa ri pontaka. Kema ntau seʼe soamo napalaika waseʼemo.”

NEHEMIA 6:19

Bareʼe naowe-owe i nTobia mampakatu sura ri yaku, tinako ndayanya maeka-ekasi yaku, pai waʼa ntadulako nto Yahudi woʼu maimba-imba kaku kadago i nTobia. Pai pura-pura nunjaa anu kutoʼo njoʼu napetumbuka ntau seʼe i Tobia.