NEHEMIA 6:3 - Sura Magali Nuntu Ngkatuwu

³ Inceʼe painaka kupakatuka tau seʼe silinya, mantoʼo, “Yaku bareʼe jajiku da njoʼu maka maria tetala anu da kuparoo. Tetala setu bareʼe da mewali ane njoʼu yaku momberata pai komi.”

NEHEMIA 6:3 Referans Kwoze

Yohanes 9:4

Sindara ntongo maremepa da tapotetalakamo waʼa ntetala anu ndapokauka Yaku. Maka ane mawengimo bemoreʼe tau anu mangkoto da motetala.

Matius 10:16

“Da ndipaincani: Komi seʼi kupokau ewa bimba njoʼu ri oyo ncarigala, inceʼe puʼunya painaka komi da moncoro-ncoro ewa ule pai da maruna-runa ewa tonci tokuku.

Lukas 14:30

Da natoʼo ntau seʼe, ‘Kaeamata tau setu, mombangunaka bareʼe nakoto mamparoo!’

PATADA 14:15

Tau tengo naaya pura-pura waʼa mpau, tau anu loʼe nanawa-nawa mpodago anu napowia.

TOPOTUNTU 9:10

Wianakamo mpengaya-ngaya waʼa ntetalamu gori-gori ngkaroso mbukumu. Maka ripurinya bareʼemo da reʼe nawa-nawa bara tetala. Bereʼe pangaincani pai loʼe ri lino kareʼe ntau mate. Pai njairiamo da kanjoʼumu.

NEHEMIA 6:2

Napakau i Sambala pai i Gesemi sura anu mampeboo yaku da njoʼu momberata pai tau seʼe ri sambaʼa desa anu njau ri Rato Ono. Paikanya kuincani tinako ndaya ntau seʼe anu da mampakarugi yaku.

NEHEMIA 6:4

Aopo ngkani pampakatu ntau seʼe sura mampeboo yaku, paka siwia banganinya, paikanya kupakatu woʼu silinya anu siwia.

NEHEMIA 4:13

Inceʼe painaka kupotilaka, penai, tawala pai pana ri waʼa ntau sondo, nepa kudika tau seʼe malulu tinanya sambaʼa pai sambaʼa ri sambaliku waʼa bente, anu bareʼepa roo ndapakoroka.