NEHEMIA 6:12 - Sura Magali Nuntu Ngkatuwu

¹² Butu kumonawa-nawa, kurata ndayamo, pesale i Semaya setu banya ungka ri Pue Ala, paikanya ungka ri Tobia pai Sambala. Tau seʼe roo mawaika i Semaya doi da naka napokono masale yaku.

NEHEMIA 6:12 Referans Kwoze

YEHESIKIELI 13:22

Waʼa ntau madago anu bareʼe napokono ndipowia ewanceʼe, ndipakakodi rayanya pai waʼa mbambami. Waʼa ntau anu majaʼa ndipakabangke rayanya da naka salaa mpaliu pai bareʼe ndasorepaka.

Pangkita 18:13

pela ngkayu manisi, waʼa rampa, setanggi, mire, pai dupa, anggoro pai lana, tarigu pai gandu; japi pai bimba, nyara pai kareta, waʼa anamayunu, sakopa inosa ntolino woʼu.

2 Petrus 2:3

Maka tau seʼe mangoa, painaka waʼa guru anu kambamba-mbamba setu da mampauka komi waʼa laolita anu napowia ntau seʼe ngkalionya da naparata rasi ungka ri komi. Paikanya pobotusi huku tila ntau seʼe lawi tokamo, pai kagero anu da tila ntau seʼe metaʼa-taʼamo.

1 Petrus 5:2

da naka ndiporewu kojo ri kamonco-monconya dompu bimba anu ndapesarumakaka i mPue Ala ri komi. Ri kabuya ndayami da ndikambi waʼa bimba silulu pai pepokono i mPue Ala, neʼe podo ua ndariso. Neʼe woʼu ndiwianaka ua mampomata-mata rasi; paikanya da mopuʼu ua ri kawongko ndayami mamporiokoi.

Titus 1:7

Maka topombawanaka dompu inceʼemo tau anu mampasilolongani tetala i mPue Ala, bareʼe maya da reʼe posarinya. Siʼa bareʼe mekiunde bara pasengke, bara topoyangu-yangu, bara makasara bara manyanya doi.

1 Timotius 3:3

neʼe tau topoyangu-yangu bara topombeluku. Paikanya, siʼa sangaya-ngaya da malulu raya pai napokono kasimadago. Siʼa bareʼe maya manyanya doi.

1 Korintus 12:10

Ri tau sambaʼa ndawaika kuasa mantuju tanda ngkuasa anu ndapojingki, ri anu ntaninya ndawaika kuasa da maincani waʼa rencana mPue Ala. Ri tau ntaninya woʼu Inosa setu mawai anu da mangkoto mampaposisala anu mbeʼi pombai Inosa mPue Ala pai anu mbeʼi banya. Reʼe anu ndawaika pangkoto da mampasowa mpengaya-ngaya basa anu ndapojingki, pai reʼe woʼu anu ndawaika kuasa da mantotoraka posoki waʼa basa anu ndapojingki setu.

1 Korintus 2:15

Tau anu napeari Inosa mPue Ala da maincani posokinya pura-pura setu, pai bereʼe tau anu mangkoto da maincani bangani ndaya-A.

Palaong mPomakau i mPue Yesu 20:33

Bareʼepa reʼe kupampodaraya doi bara rengko ungka ri sema ntano.

Mikha 3:11

Waʼa ntau makuasa ri raya ngkota moparenta ua da naparata doi lekoaje, waʼa ntadu mpanyomba mampepaguruka padika i mPue da naparata gaji, pai waʼa nabi merapi patada ungka ri Pue Ala podo da naparata doi – painaka tau seʼe pura-pura masarumaka i Pue njau mancambiranaka tau seʼe. Natoʼo ntau seʼe: “I Pue reʼe ri oyota; kita bareʼe da napere ngkapari.”

YEHESIKIELI 13:19

Komi mampetikodimo Yaku ri suara waʼa ntau-Ku podo da ndiparata yau bara tesangkuja ngkaku gandu pai tesangkuja ogu roti. Waʼa ntau anu bareʼe masalaa ndipepate, ntanoka waʼa ntau anu sintinaja da mate ndipapaliuka tuwu. Nepa ndimbambasi waʼa ntau-Ku, pai naaya ntau seʼe komi.’ ”

YEHESIKIELI 13:7

Yaku Pue Anu Ndate ri Peawanya mantoʼo ri tau seʼe, ‘Waʼa mpepatongawa setu mbamba pai waʼa wati setu lopu. Komi mangantoʼo pura-pura setu nuntu-Ku, ntanoka bereʼe pompauku pai komi! Inceʼe painaka Yaku da sampototomu.

Yeremia 28:15

Pura-pura setu kuparataka i Hananya, nepa kutoʼoka woʼu, “Pedongeka ee Hananya! I Pue bareʼe mampokau siko mampowiamo banca seʼi maaya pau mbamba.

Yeremia 23:25

Pura-pura anu natoʼo waʼa nabi setu paka kuincanimo. Tau seʼe mombamba mamposabi toʼoku, mantoʼo tau seʼe maratamo nuntu ungka ri yaku mampojaya pangipi.

Yeremia 23:16

Tila waʼa ntau ri Yerusale, i Pue Anu Makuasa mangantoʼo, “Neʼe ndipedongeka pompau waʼa nabi anu podo mampau-mpau kono pampomata-mata anu soa. Tau seʼe podo mantoʼo nawa-nawanya ngkalionya anu banya pepokauku.

Yeremia 14:14

Paikanya mesono i Pue ndatoʼo, “Waʼa nabi mangkeni bambari mbamba mamposabi Toʼoku; bareʼe kupokau tau seʼe, pai bareʼe woʼu kusongka tau seʼe bara kumompau pai tau seʼe. Waʼa mpepatongawa anu napau ntau seʼe banya ungka ri Yaku; tau seʼe mampowatika waʼa anu bereʼe yowenya anu napareʼe ntau seʼe ngkalionya.

Yesaya 56:11

Tau seʼe ewa asu manyanya anu bereʼe kabosunya. Waʼa nto pombawanaka setu bareʼe nakoto marata ndaya. Sambaʼa-sambaʼa seʼe mowia gori mpepokononya pai podo mampepali rasinya ngkalionya.

1 Yohanes 4:1

Waʼa ngkasangkompo anu ndapomawo! Neʼe ndiaya pura-pura tau anu mangaku mampotumpu Inosa mPue Ala, paikanya ndiparesa riunya da ndipaincani bara monco kojo inosa anu lau ri tau setu ungka ri Pue Ala, bara banya. Maka maria nabi anu kambamba-mbamba anu tesebu wainjoʼu waimaʼi.

NEHEMIA 6:11

Paikanya mesono yaku, kutoʼo, “Yaku seʼi banya tau anu dangga anu da molonco mesambuni. Pai yaku seʼi podo anggota biasa bareʼe maya mesua ri Banua i mPue, yaku da mate. Bareʼe kupokono!”

NEHEMIA 6:13

Tinako ndaya ntau seʼe da naka merataeka ndayaku, painaka da kululu pau ntau seʼe da mampowia salaa. Ane mewali ewanceʼe, reʼemo perontada ntau seʼe da mampakajaʼa toʼoku, yaku da napau-paumo ntau.