NEHEMIA 6:11 - Sura Magali Nuntu Ngkatuwu

¹¹ Paikanya mesono yaku, kutoʼo, “Yaku seʼi banya tau anu dangga anu da molonco mesambuni. Pai yaku seʼi podo anggota biasa bareʼe maya mesua ri Banua i mPue, yaku da mate. Bareʼe kupokono!”

NEHEMIA 6:11 Referans Kwoze

Palaong mPomakau i mPue Yesu 21:13

Paikanya mesono siʼa natoʼo, “Nunjaa yowenya komi motumangi ewanceʼi podo marangani kapari ndayaku! Da ndipaincani yaku lawi tokamo banya podo da ndasoko ndatiria, paikanya da mate mamponcuruka i Yesu.”

PATADA 28:1

Tau majaʼa molonco seʼi bereʼe nu maduduki, paikanya tau mayoa, makoje ewa singa.

Pilipi 2:17

Bara katuwuku seʼi sangaya-ngaya da kupanyombaka ri Pue Ala da mampagana panyomba anu ndipanyombaka ua peaya ndayami ri Pue Ala. Pai ane lawi da ewanceʼe ntano, kuunde i Pue Ala, pai mawongko rayaku sangkani-ngkani pai komi.

Palaong mPomakau i mPue Yesu 20:24

Paikanya pura-pura setu bareʼe kupepurungi katuwuku, podoia kupari-pari mamparoo tetala anu ndapesarumakaka i Yesu ri yaku, pai yaku da todo rantani rata ri kapusa ngkatuwuku da mampobambarika Nuntu ngKatuwu kono puru ndaya i mPue Ala.

Masmur 112:8

Bareʼe da ipu pai maeka rayanya, maka manoto ri rayanya iwalinya da ndanangi.

Masmur 112:6

Tau anu madago da marata anu natunggai; siʼa da ndaendo rantani masae-sae.

Ibrani 11:27

Ua peaya ndayanya, i Musa mampalaika tana Masiri ri kabareʼepanya napokarau i datu. Paikanya jaʼewa yosamo nakita i Pue Ala anu bareʼe ndakita mata setu.

Pilipi 2:30

Ua tila ntetala i ngKerisitu, sakodi kojo da mate siʼa; siʼa bareʼe mampepurungi inosanya da mantulungi yaku mamponcarungkoroka komi.

TOPOTUNTU 10:1

Yale mate mampakaʼoso lana wongi sabutolo, mau podo sakodi katengo da mampapaya kaloʼe anu bangke.

NEHEMIA 6:9

Napebutuka ntau seʼe maekasi kami da naka kupeʼontoka tetala setu. Mekakai yaku kutoʼo, “Boo Pue Ala ndipakaroso rayaku!”

NEHEMIA 6:3

Inceʼe painaka kupakatuka tau seʼe silinya, mantoʼo, “Yaku bareʼe jajiku da njoʼu maka maria tetala anu da kuparoo. Tetala setu bareʼe da mewali ane njoʼu yaku momberata pai komi.”

1 Samuel 19:5

Ndipeole papa, bareʼe napepurungi inosanya mampepate i Golia, pai ndawaimo i mPue penangi anu bangke ri to Isaraeli mampoliu siʼa. Komi ngkaliomi ndikita waʼa mpewalinya setu, mawongko rayami ri tempo setu. Mewali wenu painaka seʼi-seʼi komi majeani siʼa, ndipari-pari da mampepate siʼa, seʼi bereʼe bara nunjaa puʼunya?”

Yesaya 10:18

Waʼa yopo bose pai waʼa njamaa anu malimbokori ri tana nto Asuri da ndagero mpaliu da ewa tau majuʼa anu kampule-mpule rantani mate.

NEHEMIA 6:12

Butu kumonawa-nawa, kurata ndayamo, pesale i Semaya setu banya ungka ri Pue Ala, paikanya ungka ri Tobia pai Sambala. Tau seʼe roo mawaika i Semaya doi da naka napokono masale yaku.

Pombilang 3:10

Paikanya iHaruni pai waʼa ananya da nulanti mawianaka tetala ntadu mpanyomba; ane reʼe tau ntaninya anu da mampebutuka mawianaka tetala ntadu mpanyomba sangaya-ngaya da kupepate.”