NEHEMIA 5:9 - Sura Magali Nuntu Ngkatuwu

⁹ Nepa kutoʼoka woʼu tau seʼe, “Powiami setu bareʼe madago! Kamonconya komi da tuwu mampokaeka i Pue Ala. Maka ane ewanceʼe waʼa iwalita anu bereʼe puenya setu bareʼe ndiwaika tempo da mampetikodi kita.

NEHEMIA 5:9 Referans Kwoze

TADUMPANYOMBA 25:36

Neʼe boi ndipapoana nunjaa anu ndipapasaboka siʼa, paikanya mbolimo ndipokaeka i Pue Ala, pai ndiwaika da naka tuwu tau setu ri oyomi. Neʼe woʼu ndipepali rasi ungka ri pangkoni anu ndipobalu ri siʼa.

1 Petrus 2:12

Ri oyo ntau anu bareʼe maincani i Pue da madago-dagonya poʼengkomi, da naka ane nanuntuki ntau seʼe komi ewa waʼa ntau majaʼa, sangaya-ngaya da naʼaku ntau seʼe waʼa mpowiami anu madago, painaka da naunde ntau seʼe i Pue Ala ri eo ngkarata-A.

2 Samuel 12:14

Paikanya ua komi Mokole mampetikodimo i Pue ri powiami setu, inceʼe painaka anami tuama anu ndapoana setu da mate.”

Titus 2:5

da naincani mantodosaka rayanya, pai da tuwu magali, da mewali ine ri raya ncombori anu madago pai medonge ri langkainya. Ane ewanceʼe poʼengkonya bareʼe da reʼe jaya ntau da mamposari nuntu i mPue Ala.

1 Timotius 5:14

Inceʼe painaka pepokonoku da naka waʼa bemba anu mangurapa da molangkai, naka moana pai mampasilolongani somborinya; da naka bereʼe jayanya waʼa iwalita da mangajaʼati toʼota.

Roma 2:24

Lau ndaʼuki ri Sura Magali ewaseʼi, “Ua kakominya to Yahudi painaka toʼo i mPue Ala ndaposari ri oyo waʼa banca ntaninya.”

Palaong mPomakau i mPue Yesu 9:31

Mewali rodomo raya waʼa anggota dompu i mPue ri samalele ntana Yudea, Galilea pai Samaria; ua popanini Inosa mPue Ala mewonggamo katuwu dompu, kakoteranga-rangani imba ntau seʼe, maka tau seʼe tuwu ri pampokaeka i Pue.

YEHESIKIELI 36:20

Ri mbeʼi ntano kanjoʼu ntau seʼe, bareʼe napeʼontoka ntau seʼe mampakakarika toʼo-Ku anu magali. Maka ewaseʼi pantoʼo ntau, ‘Banca seʼi inceʼe tau i mPue Ala paikanya sangaya-ngaya da mampalaika tana anu ndawaika i mPue Ala tau seʼe.’

PATADA 24:23

Waʼa ntau anu loʼe mangantoʼo ewaseʼi: Topobotusi bareʼe maya manee ncambali.

PATADA 19:2

Kadoyo anu bareʼe nayunuki ngkaloʼe bareʼe madago; tau anu moncoruru da mampowia kasala.

PATADA 18:5

Bareʼe madago mancambiranaka tau anu baleparu, pai majeani tau anu bareʼe masalaa.

PATADA 17:26

Bareʼe sintinaja da ndagiwu tau anu bareʼe masalaa; bareʼe sintinaja ndajeani tau anu madago engkonya.

PATADA 16:29

Tau anu masii mambabasi waʼa yununya, pai mangkeni tau seʼe ri raya ngkapari.

NEHEMIA 5:15

Waʼa petoro anu moriu, mampapakoyoka tau sondo 40 doi salaka anu da mewali pangkoni pai panginunya ri raya anu sandeme. Pai waʼa mpegawai ntau seʼe mamparini tau sondo. Paikanya yaku bareʼe kumowia ewanceʼe maka yaku mampokaeka i Pue Ala.

NEHEMIA 4:4

Ungka lairia mekakai yaku, kutoʼo, “Boo Pue Ala, ndidongemo Pue ewambeʼi napampetikodi kami! Ndipapasuʼukamo tau seʼe ri wawo ntanoananya waʼa mpau pompetikodi setu. Mbolimo pura-pura aga-aganya da napamuru ntau pai tau seʼe da ndakeni mewali tawani ri tana ntau.

1 Samuel 2:24

Neʼe ewanceʼe powiami anaku. Maʼai kojo kajaʼanya napampau-mpau waʼa ntau i mPue kono komi!

Pomulanya 42:18

Ri eo anu katatogo natoʼo i Yusupu ri tau seʼe, “Yaku seʼi tau anu maeka pai mepoʼinaya ri Pue Ala. Komi da kulapa paikanya da ndilulu anu kutoʼo seʼi.

Pomulanya 20:11

Mesono i Burahima natoʼo, “Malulu kupanawa-nawa ireʼi bareʼe reʼe tau anu mampokaeka i Pue Ala, inceʼe painaka yaku da napepate ntau anu mampodaraya rongoku.

NEHEMIA 5:10

Yaku ngkalioku paiwaʼa ngkasangkompoku pai waʼa yunuku mampapasaboka doi pai gandu ri tau sondo. Pai bareʼe da kuperapi sawaninya.

Masmur 90:11

Isema anu da mangaincani ewambeʼi kaʼai ngkarau ndayami, bara anu da mangaendo ndaya wuwunya karau ndayami?