NEHEMIA 5:5 - Sura Magali Nuntu Ngkatuwu

⁵ Ara banya kami seʼe woʼu to Yahudi? Ara banya ana mami woʼu siwia pai waʼa ana nto Yahudi anu ntaninya? Paikanya mau ewanceʼe bareʼemo reʼe jaya ntaninya kapepombaikamo ana mami mewali watua. Pai reʼemo ana mami anu anaweʼa anu kapobalu mewali watua. Bareʼemo reʼe roso mami, maka bonde gandu pai bonde anggoro mami roomo kagade.”

NEHEMIA 5:5 Referans Kwoze

2 RAJA-RAJA 4:1

Ri anu sandeme njoʼumo sambaʼa bemba nabi madadu i Elisa, natoʼo, “Da ndipaincani langkaiku matemo! Pai ndiincani woʼu siʼa sambaʼa tau anu mepoʼinaya ri Pue Ala, pai siʼa moinda ri tau sambaʼa. Seʼi-seʼi tau poinda langkaiku setu maʼi da mantima anaku radua da napowatua, da mewali sandari inda langkaiku anu matemo setu.”

Yesaya 58:7

Potilamo pangkonimu pai tau anu maoro, tarimamo waʼa ntau anu kaasi-asi ri banuamu. Waikamo rengko tau anu melambe-lambe, pai neʼe nuiri kasangkompomu anu merapi tulungi.

Pomulanya 37:27

Moruana tapobalumo siʼa ri to Sumaila setu. Neʼe tajeani siʼa. Mau bara ewambeʼi siʼa setu tuaʼita ngkaliota.” Nasintuwunaka waʼa ngkasangkomponya,

Matius 18:25

Manotomo bareʼe da nakoto mabayari indanya. Inceʼe painaka ndapesongkaka i Mokole setu danaka anamayunu anu sondo indanya seʼe ndapobalu pai pura-pura aga-aganya sangkani rongo pai ananya, da naka reʼe doi ndabayarika indanya.

Pomulanya 29:14

natoʼo i Laba, “Lawi monco, siko tinaku anu mosu kojo pai yaku.” Maroo-roomo i Yako ri banua setu muntu-muntu sambuya.

Yesaya 50:1

Ndatoʼo i mPue ri to Isaraeli, “Ee waʼa ntauku, nusarumaka Yaku anu mangairi siko, ewa sambaʼa langkai mairi rongonya? Ane ewancetu, mbeʼimo sura mpogaʼanya? Nusarumaka Yaku mampobalu siko, ewa sambaʼa papa mampobalu ananya ri tau anu masingara indanya? Banya ewanceʼe! Siko ndatawani pai ndataji ua salaa pai kajaʼamu ngkaliomu!

PATADA 22:7

Tau anu kaasi-asi da nakuasai ntau anu koreʼe; tau anu moncabo da kuasai ntau poncabonya.