NEHEMIA 5:2 - Sura Magali Nuntu Ngkatuwu

² Reʼe anu mantoʼo, “Yaku maria anaku. Kami bareʼemo reʼe gandu anu da kakatuwuka.”

NEHEMIA 5:2 Referans Kwoze

MALEAKI 2:2

Nditubunakamo Yaku anu da ndipatongawa ri powiami. Ane bareʼe ndipokono mampedongeka pau-Ku, komi da Kutadeasi. Mpengaya-ngaya anu nditarima ewa sambaʼa rasi da kuwalisaka mewali tadeasi, maka komi bareʼe mampedongeka songka-Ku.

Pomulanya 43:8

Nepa natoʼo i Yahuda ri papanya, “Ndiwaimo ananggodi setu da kapoyunu, pai yaku anu da mangajagai siʼa. Kami da ronga malai da naka neʼe reʼe tau bangani ncomborita anu da mate yoga.

Pomulanya 42:2

Kudongemo kareʼe gandu ri tana Masiri; ndikanjoʼumo njairia maoli gandu pai neʼe kita da mate yoga.”

Pomulanya 41:57

Ungka ri sambawo lino rata tau ri tana Masiri da maoli gandu ri Yusupu, maka kaoro setu maʼai kojo ri mbeʼi-mbeʼi.

Ulang 23:19

Ane komi mampapasaboka doi ri tau mencua inceʼe maya ndipapoana. Paikanya ane komi mampapasaboka doi bara pangkoni bara aga-aga anu ntaninya ri tau anu kasambaʼa-mbaʼa bancami, bareʼe maya ndipapoana. Da ndilulu songka setu, maka i Pue Ala puemi madonco pura-pura anu ndiwianaka ri tana anu ndipeari.

2 RAJA-RAJA 4:1

Ri anu sandeme njoʼumo sambaʼa bemba nabi madadu i Elisa, natoʼo, “Da ndipaincani langkaiku matemo! Pai ndiincani woʼu siʼa sambaʼa tau anu mepoʼinaya ri Pue Ala, pai siʼa moinda ri tau sambaʼa. Seʼi-seʼi tau poinda langkaiku setu maʼi da mantima anaku radua da napowatua, da mewali sandari inda langkaiku anu matemo setu.”

NEHEMIA 5:3

Reʼe woʼu anu mangantoʼo, “Ua kaparinya, yaku kugademo bonde gandu, bonde anggoro pai banua mami da nakareʼe ndaolika gandu da naka neʼe mate yoga kami.”

HAGAI 1:6

Mariamo inii anu ndisawu paikanya pandatami podo sakodi. Komi reʼe pangkonimi paikanya bareʼe gana mampakabosu komi. Komi mampotumpu anggoro paikanya bareʼe gana mampakaʼosa karangangami. Komi mampotumpu rengko paikanya bareʼe gana mampakaramu koromi. Pai saro anu natarima ntopotetala bareʼe gana nakatuwuka.

Pomulanya 47:19

Neʼe ndipapaliu kami da mate yoga! Neʼe ndipapaliuka tana mami da mewali pada. Ndiolimo kami pai tana mami da ndabayarika gandu. Kami pai tana mami da napotumpumo i datu. Ndiwaimo gandu da katuwu kami pai inii anu da kapomuya ri jamaa mami!”