NEHEMIA 5:13 - Sura Magali Nuntu Ngkatuwu

¹³ Ungka lairia kulede soʼo ntongoku kuwurentesaka, nepa kutoʼo, “Ewanceʼimo da ndapawurentesaka i mPue Ala tau anu bareʼe mabangani janjinya. Tau setu da mewali kaasi-asi, banua sangkani pai aga-aganya da ndatima i mPue Ala!” Pura-pura tau mogombo setu mesono, natoʼo, “Ami!” nepa naunde ntau seʼe i Pue. Nabangani kojo waʼa ntadulako setu janji ntau seʼe.

NEHEMIA 5:13 Referans Kwoze

Palaong mPomakau i mPue Yesu 18:6

Paikanya ua bareʼe naowe-owe ntau setu maewa pai maposari, painaka natanongkosi i mPaulu awu ungka ri rengkonya mewali sambaʼa petondoni ri tau seʼe kono kasalanya. Natoʼo i mPaulu, “Ane marugi komi, inceʼe salami ngkaliomi! Yaku bareʼe da kusuru! Pai montepuʼu seʼi-seʼi yaku da njoʼu ri waʼa ntau anu banya to Yahudi.”

Matius 10:14

Ane reʼe banua bara kota anu bareʼe mampokono mantarima komi, bara bareʼe napokono mampedongeka komi, ndipalaika banua bara kota setu, nditanongkosi awu anu metaka ri payaʼami.

1 Tawarikh 16:36

Undemo i Pue, Pue Ala pue nto Isaraeli, montepuʼu seʼi-seʼi rantani masae-sae. Ungka lairia mesono to Isaraeli pura-pura, “Ami”, nepa neunde ntau seʼe i Pue.

Palaong mPomakau i mPue Yesu 13:51

Ua ewanceʼe powia ntau seʼe painaka natanongkosi ncuro radua setu awu anu metaka ri payaʼanya ri suara waʼa ntau seʼe, inceʼe da mewali sambaʼa petondoni, nepa malai njoʼu i Ikoniu.

TOPOTUNTU 5:5

Neʼe boi waʼa mpaumu mampareʼeka siko salaa, painaka siko da mampasowa pau ri tadu mpanyomba anu mamporiokoi i Pue, maka banya nuoamo mampasowa janji. Ara nunjaa yowenya mangkelo-ngkelo karau ndaya i mPue Ala painaka da ndalesaki wua mpotetalamu?

Masmur 119:106

Anu kujanji ri pontandokoro, inceʼe da kubangani, da mangkeni pobotusi-Mi anu mayoa.

Masmur 76:11

Waʼa ntau anu maʼai ngkasii ntano maunde Komi, pai anu ntongo ngkasengke mamporengko karu tanda ngkasusa ndaya.

Masmur 50:14

Ndipanyombakamo panyomba mpeunde ri Pue Ala, ndibanganimo pojanjimi ri Anu Makuasa.

NEHEMIA 8:6

Natoʼo i Esira: “Undemo i Pue, Pue Ala anu bangke!” Pura-pura tau sondo mantora palenya nepa mesono: “Ami, Ami!” Nepa mombukotu tau seʼe manyomba ri Pue Ala.

1 Samuel 15:28

Pai napantoʼo i Semueli ri Saulu, “Sandeme seʼi ndasiamo i mPue kamokolemi ri waʼa nto Isaraeli, ndawaika tau ntaninya anu sangkadagonya painaka komi.

Pombilang 5:22

Ue pontadeasi seʼi da mesua ri raya ngkompomu da mampakaboro pai da mampapemore puʼu mpaʼamu.” Da mesono weʼa setu natoʼo, “Sintuwu yaku; mbolimo i Pue mampowia ewanceʼe.”

1 Korintus 14:16

Maka ane komi mampasowa pontarima kase ri Pue Ala podo pai tanoanami, pai reʼe tau ntaninya anu bareʼe marata ndaya basa rahasia anu ndapojingki ungka ri Pue Ala setu, bareʼe da nakoto ntau setu mantoʼo, “Yaku sintuwu” kono peundemi ri pekakai setu, maka bareʼe ndiincani nunjaa anu nditoʼo setu.

PATADA 28:4

Isema anu mampesaru-saru padika, mancambiranaka tau majaʼa; isema anu mepoʼinaya ri padika maewa tau baleparu.