NEHEMIA 5:12 - Sura Magali Nuntu Ngkatuwu

¹² Mesono waʼa ntadulako setu, natoʼo, “Totorakami seʼi da kalulu. Da kapapewalili muni pura-pura pai bareʼe da kaperapi pombayari bara nunjaa-njaa ri tau seʼe!” Nepa kupeboo waʼa ntadu mpanyomba nepa kupokau waʼa ntadulako setu montando koro ri suara waʼa ntadu mpanyomba setu, mangantoʼo nunjaa anu roo natoʼo ntau seʼe setu monco-monco kojo da nawianaka ntau seʼe.

NEHEMIA 5:12 Referans Kwoze

ESIRA 10:5

Natepuʼumo kojo i Ezra mampapelinja songka setu. Nasongka waʼa ntadulako ntadu mpanyomba, waʼa nto Lewi pai waʼa nto Isaraeli anu njau njairia montando koro, tau seʼe da mawianaka ewa anu natoʼo i Sekanya setu.

Lukas 19:8

Rodomo potunda i Yesu ri banuanya, metimosukimo i Sakeu natoʼo, “Pue, santila radua ungka ri aga-agaku da kutilaka waʼa ntau kaasi-asi pai waʼa ntau anu roo kutima anunya ri jaya mpetengosi da kuwaika muni aopo ngkani kasondonya ri anu roo kutima!”

Matius 26:63

Paikanya janjii i Yesu. Sangkani woʼu napeoasi i nTadu mPanyomba Bangke ri Sira, natoʼo. “Ri raya ntoʼo i mPue Ala anu tuwu toʼokamo kami bara monco kojo siko Mokole Tadungkadago Ana i mPue Ala?”

NEHEMIA 13:25

Kupokarau pai kutadeasi waʼa ntau seʼe. Reʼe nau kutabasi, reʼe anu kuwinta ri wuyuanya. Nepa kupokau tau seʼe montando koro ri toʼo i mPue Ala, katau seʼenya pai waʼa ananya bareʼemo da mamporongo tau mencua.

NEHEMIA 10:31

Ane reʼe banca anu mencua da mampobalu gandu bara aga-aga njaa ntano ri kami ri eo Umapo bara ri eo anu magali ntaninya, bareʼe da kaoli. Ri sangkani-sangkani taʼu anu kapapitu, kami bareʼe da momuya pinamuya ri bonde mami pai bareʼe da mampesingaraka inda.

NEHEMIA 10:29

Kami pura-pura mompasambaʼa-mbaʼa pai waʼa ntadulako mami montando koro da tuwu malulu Padika i mPue Ala anu roo ndawaika kami mampoliu watuaa i Musa. Mbolimo i Pue Ala da mantadeasi kami ane bareʼe kabangani janji mami seʼi. Kami montando koro da mepoʼinaya ri songkami, padika pai pepokonomi Pue, Pue Ala pue mami.

ESIRA 10:12

Mesono waʼa ntau seʼe marimbo oni nganganya natoʼo, “Da kalulu totorakamu setu!”

NEHEMIA 5:11

Mewali komi woʼu da mampalisi waʼa inda ntau sondo ri komi, bara motaʼa doi bara motaʼa gandu, bara anggoro bara lana saitu. Pai maliga-liga ndipapewalili bonde gandu, bonde anggoro, bonde saitu bara banua ntau seʼe!”

NEHEMIA 10:30

Kami montando koro bareʼe da mamporongo waʼa banca anu mencua anu meari ri tana mami.