NEHEMIA 4:2 - Sura Magali Nuntu Ngkatuwu

² Mompau siʼa ri suara waʼa yununya pai waʼa ncurodado nto Samaria, natoʼo, “Nunjaa anu ntongo nawianaka nto Yahudi tengo setu, pai bareʼe naincani raoa setu? Tau seʼe da mawali wangu muni kota seʼi? Nasarumaka ntau seʼe tetala setu bara da roo ri raya anu sandeme, podo ua ndapampanyombaka panyomba? Nasarumaka ntau seʼe amaa anu mobuyu-buyu sinjau bara da napapewali ntau seʼe watu bente?”

NEHEMIA 4:2 Referans Kwoze

1 Korintus 1:27

Maka lawi ewanceʼemo pepokono mPue Ala mampilisi anu natoʼo ntolino tengo da naka mampakaea waʼa ntau anu loʼe. Pai ewanceʼe pepokono mPue Ala mampilisi anu ndatoʼo ntolino malente da naka mampakaea anu natoʼo ntolino maroso pai makoje.

Sakharia 12:8

Ri eo setu Yaku da mantatondoi tau bangani Yerusale; pai anu maʼai ngkalente ntano ri oyo ntau seʼe da mewali maroso ewa i Daudi. Tau seʼe da naponinika nu muli i Daudi da ewa malaekaku, bara da ewa yaku ngkalioku.

HABAKU 3:2

Boo Pue Kudonge bambari mpowia-Mi, painaka kuepe madonde rayaku. Tuarapa powiami anu bangke setu da Ndiwali ntuju woʼu pai da ndipowia woʼu ri sindara kami seʼi. Mbolimo Ndipokapuru kami mau rapanya mapane raya-Mi.

NEHEMIA 12:43

Ri eo setu maria panyomba anu ndapasambaka pai ndapanyombaka ri Pue. Mawongko-wongko raya ntau sondo maka i Pue Ala anu mampakawongko raya ntau seʼe. Waʼa mbeʼa pai ananggodi tesua mosusa, painaka oni nganga ntau seʼe ua mawongko rayanya ndadonge ntongo lawa-lawa.

NEHEMIA 4:10

Paikanya to Yahuda montepuʼumo mampongayuka ngayu ngkalelu ndaya, ewaseʼi natoʼo, “Puramo roso mami maungkulaka waʼa mparewa, ntanoka waʼa nyoo ntongo mowawo-wawo. Bareʼe kapoli motetala ewanceʼi, mawangu bente ngkota seʼi.”

NEHEMIA 12:27

Ri tempo da ndapamposusaka karoomo bente ngkota Yerusale, ndapeboomo pura-pura to Lewi da mampakadoro katewianaka mposusa setu, tau seʼe da mongayu-ngayu maunde-unde i Pue mantingko gambusu pai kecapi.

NEHEMIA 6:15

Pawali mpakoroka bente ngkota setu 52 eo kasaenya, nepa roo ri rua mpuyu pai alima eo mbuya Eluli.

Yeremia 26:18

“Sindara i Sikia mewali mokole ri Yahuda, i Nabi Mika ungka ri Morese, mamparata ri waʼa ntau sondo pau ewaʼi ungka ri Pue Anu Makuasa. ‘Sioni da ndapajeko ewa bonde, Yerusale da mewali pobuyu-buyu banua malesa, pai pongkuntana Banua i mPue da mewali yopo!’

Yeremia 33:24

“Bara roomo nunawa-nawa nunjaa anu natoʼo ntau kono to Isaraeli pai to Yahuda? Natoʼo ntau seʼe yaku mantajimo radua banca anu roo kupilisi setu. Inceʼe painaka tau seʼe mampetikodi waʼa ntauku setu, pai bareʼemo mampeole tau seʼe ewa sambaʼa banca.

ESIRA 4:4

Ungka lairia, waʼa ntau anu masaemo pearinya ri tana setu natepuʼumo malela raya nto Yahudi, naekati ntau seʼe da naka napeʼontoka pombangunaka setu.

Masmur 83:4

Tau seʼe mampowia tinako ndaya majaʼa maewa waʼa ntau-Mi; pai mogombo da maewa waʼa ntau anu Komi ndikariani.

DANIELI 9:25

Ukimo pai parindayamo inceʼi: Papitu ngkani papitu ntaʼu, da liumo, montepuʼu ungka ri tempo pampapesuwu songka da mangawangu muni Yerusale, rantani rata sambaʼa tadulako anu ndapilisi i mPue Ala. Sangkasae papitu ngkani ono mpuyu pai radua ntaʼu waʼa jaya pai waʼa bente Yerusale da ndawali wangu muni, paikanya tempo setu buke pai kapari.