NEHEMIA 4:13 - Sura Magali Nuntu Ngkatuwu

¹³ Inceʼe painaka kupotilaka, penai, tawala pai pana ri waʼa ntau sondo, nepa kudika tau seʼe malulu tinanya sambaʼa pai sambaʼa ri sambaliku waʼa bente, anu bareʼepa roo ndapakoroka.

NEHEMIA 4:13 Referans Kwoze

1 Korintus 14:20

Ee waʼa ngkasangkompo! Komi neʼe monawa-nawa ewa ananggodi. Ri powia anu majaʼa mbolimo komi da ewa ntongo ananggodi anu kodi-kodi. Paikanya kono ponawa-nawa mbolimo komi da ewa tau anu bangkemo.

Matius 10:16

“Da ndipaincani: Komi seʼi kupokau ewa bimba njoʼu ri oyo ncarigala, inceʼe puʼunya painaka komi da moncoro-ncoro ewa ule pai da maruna-runa ewa tonci tokuku.

Masmur 112:5

Yontonya kalindo ndaya ntau anu pande mporaya pai mabuya raya mawai tau moncabo ri siʼa pai mayoa ri mpengaya-ngaya anu napasilolongani

NEHEMIA 4:12

Paikanya to Yahudi anu maroo-roo mosu ri tau seʼe, papongkani-ngkani rata mantoʼoka kami kono rencana waʼa iwali setu.

NEHEMIA 6:3

Inceʼe painaka kupakatuka tau seʼe silinya, mantoʼo, “Yaku bareʼe jajiku da njoʼu maka maria tetala anu da kuparoo. Tetala setu bareʼe da mewali ane njoʼu yaku momberata pai komi.”