NEHEMIA 2:8 - Sura Magali Nuntu Ngkatuwu

⁸ Kuperapi woʼu sura anu da rata ri Asapi anu majagai yopo negara da naka siʼa mampatoka kaju anu da ndapowiaka waʼa baa-baa bente ngkota pai banua da peariku. Ndabangani i Datu pura-pura perapiku setu, maka i Pue Ala anu mantulungi yaku.

NEHEMIA 2:8 Referans Kwoze

ESIRA 7:6

I Esira seʼi sambaʼa tau loʼe pai gana paincaninya kono Padika anu ndawai i mPue Ala pue nto Isaraeli ri Musa. Ua Esira ndadonco i mPue Ala puenya siʼa, painaka ndawai i datu ri siʼa nunjaa anu naperapi. Ri taʼu kapapitu poparenta i Datu Aritasata, malaimo i Esira ungka ri babeli njoʼu ri Yerusale sangkani-ngkani pai to Isaraeli anu sondo, karianya waʼa ntadu mpanyomba, to Lewi, topongayu pai topojaga baa-baa ri Banua i mPue sangkani pai topotetala.

Yesaya 66:14

Mangkita incetu, da mawongko rayami, da maroso pai madonde ewa ewo anu mangura. Waʼa mbatua-Ku da mangaepe kakuasa-Ku pai iwali-Ku da mangaepe karau ndayaku.”

NEHEMIA 7:2

Tila pampapelinja songka ri Yerusale, kupesaraʼuka ri kasangkompoku i Hanani pai i Hananya anu mewali tadulako bangke ri bente ngkota, maka siʼa tongawa maria peruunya ri tau ntaninya, siʼa mampokaeka i Pue Ala pai sintinaja ndasarumaka.

ESIRA 5:5

Paikanya i Pue anu mampetiro pai mangkariani waʼa ntadulako nto Yahudi, painaka waʼa ntopoparenta Parisia setu bareʼe napowia bara nunjaa-njaa ri tau seʼe ri kabareʼepanya napakatu ntau seʼe sura ri Dariusi pai natarima sononya.

Pomulanya 32:28

Natoʼo ntau setu, “Toʼomu banyamo i Yako. Maka siko mombelukumo pai Pue Ala pai tolino pai tongawa siko menangi; inceʼe painaka toʼomu ndasawanika Isaraeli.”

2 Korintus 8:16

Bangke kapaunde i Pue Ala maka Sira mamponinika i Titu painaka madoyo rayanya sangkani-ngkani pai kami da mantulungi komi.

Palaong mPomakau i mPue Yesu 26:22

Paikanya nakarataka sandeme seʼi yaku ndakariani i mPue Ala, painaka kukoto mekakore ireʼi mamparata posabiku ri pura-pura – waʼa ntau anu bangke bara waʼa ntau anu kodi katuwunya. Nunjaa anu kupau seʼi bareʼe ntaninya ewa anu nawati waʼa nabi pai i Musa;

Palaong mPomakau i mPue Yesu 7:10

I Pue malapasaka siʼa ungka ri kaparinya, ndawai i mPue Ala loʼe ndaya ri siʼa ri kanjoʼunya mancuaraki i Pirao datu nto Masiri; painaka nalanti i mPirao siʼa mewali Ampulemba ri tana Masiri pai mangkuasai langkanae i mPirao.

PATADA 21:1

Ewa ndapampasilolongani i mPue poili ue ri koronya malulu pepokonoa, ewanceʼe woʼu ndapamponinika ponawa-nawa i mokole.

ESIRA 6:22

Papitu ndeme kasaenya pamposusaka ntau seʼe Posusa Roti Anu Bareʼe Ndaragi. Maʼai kawongko ndaya ntau seʼe maka i Pue anu malikesi raya i datu nto Asuri painaka pande mporaya ri tau seʼe mantulungimo tau seʼe ri tetala pombangunaka muni Banua i mPue Ala pue nto Isaraeli.

TOPOTUNTU 2:6

Kukae waʼa ntibubu anu da mangauesi waʼa bonde au madolidi pai waʼa bonde anggoro setu.

ESIRA 6:8

Pampakatuku sura seʼi kusongka komi da naka mantulungi tau seʼe ri pombangunaka setu, ewaseʼi: Pura-pura ongkoso mpombangunaka setu da ndabayari pai waʼa asele anu tepasambaka ri poropinci Eparata tondo Kasoyoa pai da ndibayarika waʼa ntau setu neʼe ndipoia-iaka.