NEHEMIA 2:7 - Sura Magali Nuntu Ngkatuwu

⁷ Ungka lairia kuperapi sura anu da rata ri waʼa petoro anu njau ri poropinci Eparata tondo Kasoyoa da naka natulungi ntau seʼe pelinjaku rata ri tana Yahuda.

NEHEMIA 2:7 Referans Kwoze

ESIRA 7:21

Ri pura-pura tau anu mampakoroka doi negara anu njau ri poropinci Eparata tondo Kasoyoa, kusongka da naka nunjaa ntano anu naperapi i Tadu mPanyomba Esira tau anu loʼe ri Padika i mPue Ala anu makuasa ri suruga, sangaya-ngaya da maliga-liga ndiwaika siʼa,

NEHEMIA 2:9

Malaimo kojo yaku njoʼu ri poropinci Eparata tondo Kasoyoa, nayunuki bara tesangkuja tadulako ncurodado pai surodado anu monyara anu ndasongka i datu. Rata njairia kuparata ri waʼa petoro sura i datu.

ESIRA 8:36

Roo setu sura songka i datu anu ndawaika tau seʼe, ndaparata ri petoro pai waʼa ntopoparenta ri poropinci Eparata tondo Kasoyoa. Inceʼe painaka nawai waʼa ntoponcongka setu petulungi ri waʼa ntau sondo da naka nakoto ntau seʼe bareʼe bali-bali manyomba ri Banua i mPue.

ESIRA 6:6

Ungka lairia napakatu i Dariusi sili ncura setu ewaseʼi: “Da rata ri Tatinai petoro poropinci Eparata tondo Kasoyoa pai i Setari-Bosinai, sangkani pai waʼa ntoponcongka Eparata tondo Kasoyoa. Neʼe boi ndirendosi waʼa nto Yahudi setu,

ESIRA 8:22

Manee rayaku da mamperapi surodado anu monyara ri datu anu da mangkantawi kami ungka ri iwali ri raya mpelinja. Maka roomo kutoʼoka sira, i Pue Ala pue mami da mangadonco pura-pura tau anu manyomba ri Sira, pai mampobanciika pai mangahuku waʼa ntau anu bareʼe todo ri Sira.