NEHEMIA 2:6 - Sura Magali Nuntu Ngkatuwu

⁶ Sindara setu i Datu motunda moawe-awe pai i Datu weʼa, ndaiokamo perapiku setu. Meoasi sira ndatoʼo, sangkuja ngkasae da kanjoʼumo pai impia da pewalilimu, inceʼe painaka kutoʼoka sira eo mbuya anu lawi roomo kupakanoto.

NEHEMIA 2:6 Referans Kwoze

NEHEMIA 13:6

Pewalinya ewanceʼe yaku bareʼe njau ri Yerusale, maka ri taʼu katatogo mpuyu pai radua poparenta i Aritasasa datu nto Babeli setu, yaku ndeku ri Babeli momberata pai datu mampetumbu potetalaku ri datu. Yaku ndataʼamaka masae sakodi nepa ndawai,

Yesaya 65:24

Ri kabareʼepanya naperapi ntau seʼe, Kusonomo; ri kabareʼepanya tau seʼe roo mekakai, kubanganimo pekakai ntau seʼe.

NEHEMIA 5:14

Sampuyu pai radua ntaʼu kasaenya pewaliku petoro ri Yahuda, inceʼe montepuʼu ungka ri taʼu karuampuyu rata ri taʼu katogo mpuyu pai radua poparenta i Datu Aritasasa. Sangkasae setu yaku pai waʼa ngkasangkompoku bereʼe kupantima gaji kapetoroku.

Yesaya 58:12

Kota anu masaemo pewalinya awu da ndiwali wangu muni ri potundanya owi. Komi da ndatoʼo, ‘Banca anu mawali wangu muni waʼa bente pai mampakoroka waʼa banua anu malesamo.’ ”

NEHEMIA 2:4

Meoasi i Datu, ndatoʼo, “Mewali nunjaa anu nutangara ndaya?” Mekakai ri rayaku yaku ri Pue Ala anu makuasa ri suruga,

Yesaya 61:4

Tau seʼe da mangabaresi waʼa bente anu masaemo karuanya pai mangawangu waʼa ngkareʼe mpeari anu masaemo kasoanya.

NEHEMIA 1:11

Ndisabemo pekakaiku pai pekakai pura-pura watua-Mi anu ntaninya, anu mampokono mantubunaka Komi. Ndipelaemo da naka ri sandeme seʼi, watua-Mi seʼi da mangarata kapuru ndaya ungka ri datu.” Ri tempo setu yaku mewali topompasilolongani panginu i datu.

NEHEMIA 2:5

nepa kumompau ri Datu, kutoʼo, “Ane mabuya rayami Datu mampoʼioka perapiku, ndipokaumo yaku njoʼu ri tana Yahuda da mangawangu muni kota kanjau dayo waʼa ntau piamoku.”

DANIELI 9:25

Ukimo pai parindayamo inceʼi: Papitu ngkani papitu ntaʼu, da liumo, montepuʼu ungka ri tempo pampapesuwu songka da mangawangu muni Yerusale, rantani rata sambaʼa tadulako anu ndapilisi i mPue Ala. Sangkasae papitu ngkani ono mpuyu pai radua ntaʼu waʼa jaya pai waʼa bente Yerusale da ndawali wangu muni, paikanya tempo setu buke pai kapari.