NEHEMIA 2:18 - Sura Magali Nuntu Ngkatuwu

¹⁸ Nepa kutuntuka tau seʼe ewambeʼi pantulungi i mPue Ala yaku pai nunjaa anu roo ndatoʼo i datu ri yaku. Mesono tau seʼe natoʼo, “Maʼimo tapantepuʼu mombangunaka!” Mompatikalimo kojo tau seʼe da mantepuʼu potetala.

NEHEMIA 2:18 Referans Kwoze

Pilipi 2:13

maka i Pue Ala ngkalio-A anu motetala ri rayami painaka ndipokono pai ndikoto mampakawongko raya mPue Ala.

2 Tawarikh 32:5

Roo setu napakaroso i mokole bente ngkota, ndawangu waʼa menara ri wawo bente pai ndawangu woʼu bente ntaninya ri sambalikunya. Ewanceʼe seʼe napakoroka bente anu ndawangu ri wawo wune ntana anu njau ri tondo pebetea ngkota Yerusale anu masae. Maria kojo tawala pai kanta napekipowia.

1 Tawarikh 19:13

Pakaroso rayamu! Kita da mombetoto ua bancata pai ua waʼa ngkota i mPue Ala pueta. Mbolimo i Pue da mawianaka silulu pai pepokonoa.”

Epesus 6:10

Kapusanya da kutoʼoka komi, mbolimo komi da maroso ua roso anu nditarima ungka kuasa i mPue, maka komi sambaʼa-mbaʼa pai Sira.

ESIRA 6:22

Papitu ndeme kasaenya pamposusaka ntau seʼe Posusa Roti Anu Bareʼe Ndaragi. Maʼai kawongko ndaya ntau seʼe maka i Pue anu malikesi raya i datu nto Asuri painaka pande mporaya ri tau seʼe mantulungimo tau seʼe ri tetala pombangunaka muni Banua i mPue Ala pue nto Isaraeli.

2 Samuel 2:7

Ndipakarosomo rayami pai ndiponggalemo ewa powia ntau makoje! I Saulu mokolemi lawi matemo, paikanya to Yahuda roomo malanti yaku mewali mokole ntau seʼe.”

1 Tawarikh 11:10

Seʼimo toʼonya waʼa ntadulako ncurodado i Daudi anu ndapomaaka pai tebambari kojo. Tau seʼe sangkani pai pura-pura to Isaraeli mampari-mpari da naka i Daudi mewali mokole silulu pai anu ndajanji i mPue. Nasungko ntau seʼe pelinja mpoparenta i Daudi.

1 Samuel 23:16

i Yonata njoʼu mampomberataka siʼa, mampakaroso rayanya kasiʼanya ndakariani i mPue Ala.

NEHEMIA 2:8

Kuperapi woʼu sura anu da rata ri Asapi anu majagai yopo negara da naka siʼa mampatoka kaju anu da ndapowiaka waʼa baa-baa bente ngkota pai banua da peariku. Ndabangani i Datu pura-pura perapiku setu, maka i Pue Ala anu mantulungi yaku.