NEHEMIA 2:16 - Sura Magali Nuntu Ngkatuwu

¹⁶ Bereʼe mau sambaʼa tau ri oyo waʼa ntopombawanaka ntau sondo anu mangaincani ri mbeʼi palaiku, pai nunjaa anu ntongo kunawa-nawa. Maka rata ri tempo setu bareʼepa reʼe bara nunjaa-njaa anu kutoʼoka waʼa ntau anu kasambaʼa-mbaʼa bancaku, madago waʼa ntadu mpanyomba pai waʼa ntau loʼe, bara waʼa mpegawai pai waʼa ntau anu da mamposiwangu bente Yerusale setu.

NEHEMIA 2:16 Referans Kwoze

NEHEMIA 2:15

Inceʼe painaka mobalungke kami ri Yombo ngKidero, mampaliu pelinja mami sambengi setu, seʼi mamparesa bente ngkota setu. Roo setu kapilesaka pelinja mami mewalili ri kota mojaya ri Baa-Baa Bangke Rato.

NEHEMIA 2:17

Ripurinya nepa mompau yaku ri tau seʼe kutoʼo, “Ndipeolemo ewambeʼi katedikanakata anu mapari seʼi! Yerusale jamo awunya, waʼa baa-baa pura nakoni apu. Ndimaʼimo tapawali wangu muni bente ngkota Yerusale da naka neʼe ndapetikodi woʼu kita.”

Posuwunya 24:11

Waʼa ntadulako nto Isaraeli setu mangkitamo i Pue Ala; paikanya bareʼe ndaʼopisaka tau seʼe. Roo setu nepa mangkoni pai manginu tau seʼe.

PATADA 12:23

Tau anu loʼe bareʼe napekiundeka pangaincaninya; tau anu tengo mampetoʼo-toʼoka katengonya.