NEHEMIA 2:13 - Sura Magali Nuntu Ngkatuwu

¹³ Pesuwu mami ungka ri kota moliu ri Baa-Baa Bangke Yombo tondo ri kasoyoa. Pelinja mami katotoka Baa-Baa Bangke Nyoo, moliu ri Mata Ue Naga. Ri pelinja mami setu yaku mamparesa waʼa ngkajaʼa bente ngkota, pai kukita woʼu waʼa baa-baa anu puramo nakoni apu.

NEHEMIA 2:13 Referans Kwoze

NEHEMIA 1:3

Napau kaku ntau seʼe kono waʼa ntau anu mewalilimo ri tananya ungka ri pantawani, katuwu ntau seʼe mapari pai maka napetikodi waʼa banca ntaninya anu reʼe mantolilimi tau seʼe. Ewanceʼe seʼe bente ngkota Yerusale ntongo bareʼepa ndapakoroka sangkani pai waʼa baa-baanya, ntongo ewa taʼanya ri karoonya ndatunju owi.

NEHEMIA 2:17

Ripurinya nepa mompau yaku ri tau seʼe kutoʼo, “Ndipeolemo ewambeʼi katedikanakata anu mapari seʼi! Yerusale jamo awunya, waʼa baa-baa pura nakoni apu. Ndimaʼimo tapawali wangu muni bente ngkota Yerusale da naka neʼe ndapetikodi woʼu kita.”

NEHEMIA 2:3

mesono yaku kutoʼo, “Tuwu komi Datu rantani masae-sae! Wenu painaka bareʼe da mapari rayaku ane kota kanjau dayo waʼa ntau piamoku rantani wawaseʼi jamo awunya anu ndakita, waʼa baa-baanya puramo nakoni apu.”

2 Tawarikh 26:9

Ua da mampakaroso kota Yerusale, nawangu i Usia menara ri Baa-baa ri Sunonya, ri Baa-baa ri Yombo pai ri posiku bente.

NEHEMIA 12:31

Kupokau waʼa ntadulako nto Yahuda mepone ri wawo bente, da mampapodede radua kolompo tau anu da modede pai da melinja mantolilimi kota da mongayu-ngayu maunde i Pue Ala. Kolompo anu kaʼisa malinja ri wawo bente lili ngkana mantagodi Baa-baa Nyoo.

NEHEMIA 2:15

Inceʼe painaka mobalungke kami ri Yombo ngKidero, mampaliu pelinja mami sambengi setu, seʼi mamparesa bente ngkota setu. Roo setu kapilesaka pelinja mami mewalili ri kota mojaya ri Baa-Baa Bangke Rato.

Yeremia 5:10

Yaku anu mampokau iwali da mangajaʼati bonde anggoro ntau seʼe, paikanya banya malesaki. Yaku mampokau iwali setu mantandosi waʼa raʼa anggoro ntau seʼe, maka waʼa raʼanya setu banya anuku.

NEHEMIA 2:12

Ri raya anu tatogo ndeme setu bereʼe mau sambaʼa tau anu kutoʼoka kayakunya marata totoraka ungka ri Pue Ala da mangawangu muni kota Yerusale. Ri karua mbenginya, ntongo mbengi membangu yaku, kusale bara tesangkuja yunuku njoʼu ri sambali bente. Podo yaku anu melamba ri kalide, bareʼe kakeni pinatuwu ntaninya anu ndapelamba.