NEHEMIA 2:10 - Sura Magali Nuntu Ngkatuwu

¹⁰ Paikanya butu nadonge i Sambala to Beta-Horoni pai i Tobia sambaʼa tau ndalanti ungka ri Amoni, karataku setu da mangantulungi to Isaraeli, maʼai kojo kalente ndayanya.

NEHEMIA 2:10 Referans Kwoze

NEHEMIA 4:7

Butu nadonge i Sambala pai i Tobia pai waʼa nto Amoni pai Asido sangkani pai waʼa nto Ara, pampakoroka bente ngkota Yerusale malinja mpaliu, waʼa ngkabolo bente ndatepuʼumo mampigati, maʼai kajaʼa ndaya ntau seʼe.

NEHEMIA 2:19

Butu tedonge ri Sambala pai Tobia pai Gesemi sambaʼa to Ara, rencana mami setu, napopogeleka pai napanggeoni kami. Natoʼo ntau seʼe, “Nunjaa anu da ndipowia seʼi? Ara komi seʼi da maewa i datu?”

PATADA 27:4

Kasengke ndaya setu majaʼa pai mampakagero, paikanya isema anu mangkoto mancuaraki katumopo?

NEHEMIA 13:4

Ri kabareʼepanya nawianaka i Nehemia pompakadawoʼuni setu, i Tadu mPanyomba Eliyasi anu ndadika majagai waʼa lincu kanjau mpadika waʼa mpangkoni ri Banua i mPue, mobale maramu pai i Tobia.

NEHEMIA 6:1

Nadongemo i Sambala, i Tobia, Gesemi pai waʼa iwali mami anu ntaninya, karoomo mami mampakoroka bente ngkota, pura-pura kabolonya roomo kapigati, mau ri tempo setu bareʼepa kupataka waʼa dampo ri baa-baa ngkota.

Palaong mPomakau i mPue Yesu 5:24

Ri padonge ntadulako ntopojaga Banua i mPue pai waʼa ntadulako ntadu mpanyomba anu napetumbu waʼa ntau anu ndapokau seʼe, lingu raya ntau seʼe manawa-nawa kono waʼa ncuro pai maeka raya ntau seʼe boi da reʼe nunjaa anu da mewali.

Palaong mPomakau i mPue Yesu 4:2

Majaʼa raya ntau seʼe maka i Peturu pai i Yohane mampaguru waʼa ntau sondo anu mantoʼo i Yesu membangu muni ungka ri kapate. Inceʼe sambaʼa katongawanya tau mate da ndapatuwu muni.

Yeremia 48:34

Tau ri Hesiboni pai Eleale motumangi pai oni mpotumanginya ndadonge rata ri Yahasi, pai nadonge woʼu waʼa ntau ri Soari rata ri Heranai pai Egelo-Selisia. Tau seʼe motumangi maka ue anu ri panga ngkoro Nimiri woʼu otimo.

Yeremia 48:5

Pedongeka oni mpotumangi ri jaya mandake ri Luhi pai oni mpokukuou ri jaya mpobalungke ri Horonai.

Yesaya 15:5

Mapuru rayaku Moabi! Banganinya melimba njoʼu ri kota Soari pai ri Egela-Salisia. Reʼe anu mandake ndeku ri Luhiti seʼi motumangi; reʼe anu molonco njoʼu ri Horonaimi seʼi meʼode-ode ua napere rugi.

TOPOTUNTU 10:7

Reʼe kupangkita waʼa mbatua melamba ri nyara, pai waʼa ngkabosenya malinja ntana ewa anamayunu.

PATADA 30:22

Sambaʼa anamayunu mewali mokole, sambaʼa tau tengo anu marata mpengaya-ngaya anu napodaraya,

Masmur 112:10

Tau majaʼa mangkita incetu merata jaʼa ndayanya; kakoʼi-koʼi ngisinya ua kasina ndayanya. Nepa mageri tau seʼe; pampomata-mata ntau seʼe pura rantani masae-sae.

NEHEMIA 13:1

Sindara mpabasa padika i Musa ri waʼa ntau sondo, ndaratamo totoraka anu ewaseʼi katetoʼonya: ‘to Amoni pai to Moabi manoto bareʼe maya kojo mompasigalo pai tau i mPue Ala;

NEHEMIA 6:16

Butu nadonge waʼa iwali mami anu ri oyo waʼa banca anu mantolilimi kami, maeka raya ntau seʼe boi majaʼa toʼonya, maka naincani ntau pura-pura kapawianaka waʼa ntetala setu pue Ala anu mantulungi kami.

NEHEMIA 13:28

I Yoyada siʼa ana i nTadu mPanyomba Bangke Eliyasi, paikanya reʼe sambaʼa ana i Yoyada anu mewali mania i Sambala ungka ri kota Beta-Horoni. Inceʼe painaka i Yoyada kuiri ungka ri kota Yerusale.

SETERI 10:3

I Modekai to Yahudi setu, todo mangkekeni lanti bangke setu ri ara mparenta i Datu Ahasiwero ngkalionya. I Modekai natubunaka pai napokono waʼa ntau anu kasambaʼa-mbaʼa bancanya. Siʼa mampari-mpari da naka tesorepaka, pai naka dago ngkatuwu bancanya sangkani pai waʼa muli ntau seʼe.

Yeremia 41:10

Roo setu nasoko i Sumaila waʼa ana mokole anu weʼa pai pura-pura tau anu njaupa ri Misipa anu napepombaika i Nebusarada da najagai i Gedalia. Tau seʼe natawani i Sumaila nepa malai sangkani pai tau seʼe mantotoka lemba nto Amoni.