NEHEMIA 13:9 - Sura Magali Nuntu Ngkatuwu

⁹ Roo setu kupokau ndawianaka upacara pampakagali waʼa lincu setu, nepa kudika muni waʼa mpanyomba anu kamonconya da ndadika njairia, ewa gandu, dupa pai waʼa mparewa Banua i mPue.

NEHEMIA 13:9 Referans Kwoze

2 Tawarikh 29:5

mompau siʼa ri waʼa ntau seʼe njairia, natoʼoka tau seʼe, “Komi to Lewi sangaya-ngaya da mampakagali koromi tila i mPue, pai da mampakagali Banua i mPue Ala pue ngkaimi. Pura-pura anu mampaka karika Banua i mPue setu sangaya da ndataji.

NEHEMIA 12:45

Maka tau seʼemo anu mawianaka upacara pampakagali pai waʼa upacara ntaninya anu roo ndasongka i mPue Ala. Waʼa ntopomusiki pai waʼa ntopojaga baa-baa Banua i mPue, tau seʼe woʼu mawianaka waʼa ntetalanya, silulu pai songka i Mokole Daudi pai ananya i Salomo.

NEHEMIA 10:37

Kami da mangkeni ri waʼa tadu mpanyomba ri Banua i mPue adona ungka gandu anu uyu mpota santaʼu-santaʼu, ewanceʼe seʼe waʼa mpanyomba ntaninya ewa anggoro, lana saitu pai mpengaya-ngaya wua mpinamuya mami. Panyomba anu sampotila sampuyu ungka pandata ri pojamaa mami da kakeni ri waʼa nto Lewi anu mampasambaka waʼa mpanyomba sampotila sampuyu ri waʼa ngkota ntopojamaa.

YEHESIKIELI 40:38

Ri tambale anu ri sambalikunya reʼe sambaʼa lincu ndatombika ri baa-baa ri rayanya tondo utara. Ungka ri lincu ndatombika setu reʼe sambaʼa monbo anu da njoʼu ri lincu bangke. Njairiamo ndapawusoʼi waʼa mpinatuwu anu da mewali panyomba anu ndaʼombasi.