NEHEMIA 13:26 - Sura Magali Nuntu Ngkatuwu

²⁶ Kutoʼoka tau seʼe, “Ara banya salaa anu ewanceʼi anu napowia i Mokole Salomo? Bereʼe mokole ri wawo lino seʼi anu meruu ngkabangkenya pai siʼa, siʼa ndapokapuru i mPue Ala, siʼa ndapapewali mokole nto Isaraeli pura-pura. Paikanya mau ewanceʼe siʼa naleʼo waʼa mbeʼa banca ntaninya mangkanarasi mowia salaa.

NEHEMIA 13:26 Referans Kwoze

1 RAJA-RAJA 3:13

Ewanceʼe seʼe ua kamonco mperapimu setu da Kuwaika woʼu siko anu bareʼe nuperapi, sangkarate ntinuwumu da kuwaika siko kakoreʼe pai katetubunaka pai bereʼe mokole ntaninya mau ri mbeʼimbeʼi anu da maliunaka siko.

TOPOTUNTU 7:26

Kurata ndayamo weʼa setu meruu ngkaparinya pai kapate. Towe mbeʼa ewa jala pai patambo anu ndataʼa anu mantarangkaku sinokonya. Pesokowakanya ewa pungu anu mekowa mainti. Tau anu mawianaka pepokono i mPue Ala tewawence ungka ri tolianya, paikanya tau masalaa manoto napantawani.

2 Tawarikh 1:12

Inceʼe painaka kaloʼe ndaya pai pangaincani da Kuwaika siko. Pai da mampapewali siko meruu ngkatetoʼo, pai gana-gana pai da tetoʼo meruu ri waʼa mokole anu mbeʼi ntano, madago waʼa mokole anu liumo bara waʼa mokole anu nepa da rata.”

2 Tawarikh 9:22

Inceʼe painaka tongawamo i Mokole Salomo anu meruu ngkakoreʼe pai kaloʼe ndayanya ungka ri waʼa mokole anu reʼe ri sambawo lino.

PATADA 31:3

Neʼe nupapurasi rosomu bara mamposebuka rosomu ri weʼa. Ariamo mokole malesa ua weʼa.

1 RAJA-RAJA 3:12

inceʼe puʼunya painaka perapimu setu da kubangani. Siko da Kupapewali tau anu meruu kaloʼe ndayamu, meruu woʼu paincanimu ri waʼa ntau pura-pura, madago ri tempo anu liumo madago ri tempo anu nepa darata.

1 RAJA-RAJA 4:1

I Salomo mewali mokole, mamparenta pura-pura lemba nto Isaraeli.

1 RAJA-RAJA 21:25

Maka bareʼepa reʼe tau anu ewancetu kakojenya mampowia jaʼa ri suara i mPue Ala ewa powia i Aha. Pura-pura jaʼa setu napowia ua pepokau ndongonya Isebeli.