NEHEMIA 13:23 - Sura Magali Nuntu Ngkatuwu

²³ Ri tempo setu kukita woʼu to Yahudi maria anu mamporongo waʼa mbeʼa ungka ri banca Asido, Amoni pai Moabi.

NEHEMIA 13:23 Referans Kwoze

NEHEMIA 10:30

Kami montando koro bareʼe da mamporongo waʼa banca anu mencua anu meari ri tana mami.

ESIRA 10:10

Mekakoremo i Esira ri suara ntau seʼe mompau siʼa natoʼo, “Komi seʼi lawi masalaamo, pai ndiranganimo woʼu salaa nto Isaraeli ua ri pamporongomi waʼa mbeʼa banca ntaninya.

2 Korintus 6:14

Neʼemo komi mewali yunu ntau anu bareʼe meaya ri Yesu, maka inceʼe bareʼe singkana. Ewambeʼi da pewalinya kadago da sangkani-ngkani pai kajaʼa! Bareʼe da mewali reme pai wengi da ndapasambaʼa-mbaʼa.

NEHEMIA 13:1

Sindara mpabasa padika i Musa ri waʼa ntau sondo, ndaratamo totoraka anu ewaseʼi katetoʼonya: ‘to Amoni pai to Moabi manoto bareʼe maya kojo mompasigalo pai tau i mPue Ala;

ESIRA 10:44

Pura-pura tau setu mamporongo waʼa mbeʼa banca ntaninya. Waʼa rongonya setu napogaʼaka nepa ndairi sangkani-ngkani pai waʼa ana ntau seʼe.

NEHEMIA 4:7

Butu nadonge i Sambala pai i Tobia pai waʼa nto Amoni pai Asido sangkani pai waʼa nto Ara, pampakoroka bente ngkota Yerusale malinja mpaliu, waʼa ngkabolo bente ndatepuʼumo mampigati, maʼai kajaʼa ndaya ntau seʼe.

1 Samuel 5:1

Ri palaimo nto Pelisiti marampa Peti mPojanji mPue Ala, nakeni ntau seʼe Peti setu ungka ri Eboni-Haesori njoʼu ri kota ntau seʼe Asido.

Posuwunya 34:11

Ndipepoʼinayamo ri waʼa mpadika anu kuwaika komi ri sandeme seʼi. Yaku anu da mangairi to Kanaʼa, to Amori, to Heti, to Parisi, to Hewi pai to Yebusi ri da pasuakimi tananya.

Ulang 7:1

“I mPue Ala puemi da mampoyunu komi njoʼu ri tana anu da ndipeari pai maria banca anu da ndairi ungka njairia. Ri suarami da ndapairi papitu banca anu bangke pai anu meruu ngkarosonya pai komi, inceʼe to Heti, to Girigasi, to Amori, to Kanaʼa, to Perisi, to Hewi pai to Yebusi.

1 RAJA-RAJA 11:1

Maria kojo waʼa weʼa ntopolamoa anu naporongo i Mokole Salomo. Banya podo ana i datu nto Masiri anu naporongo paikanya waʼa weʼa to Heti, Moabi, Amoni, Edomi pai Sidoni.

NEHEMIA 13:24

Santila ri waʼa ana ntau seʼe bareʼemo naincani basa nto Yahudi, tau seʼe mampakemo basa Asido bara basa ntau mencua ntaninya.

NEHEMIA 13:27

Mewali maʼai ngkajaʼa kojo powiami seʼi! Makoje komi maewa i Pue Ala ri pamporongomi waʼa mbeʼa ungka ri tau mencua!”

RUTI 1:4

Ananya radua setu mamporongo anaweʼa nto Moabi, sambaʼa mampotoʼo i Oropa sambaʼa woʼu mampotoʼo i Ruti. Pusa sampuyu ntaʼu,

NEHEMIA 10:31

Ane reʼe banca anu mencua da mampobalu gandu bara aga-aga njaa ntano ri kami ri eo Umapo bara ri eo anu magali ntaninya, bareʼe da kaoli. Ri sangkani-sangkani taʼu anu kapapitu, kami bareʼe da momuya pinamuya ri bonde mami pai bareʼe da mampesingaraka inda.