NEHEMIA 13:16 - Sura Magali Nuntu Ngkatuwu

¹⁶ Bara tesangkuja tau ungka ri Tiru anu maroo-roo ri Yerusale mangkeni bau pai mpengaya-ngaya balu-balunya ri eo Umapo, napobalu ri waʼa nto Yahudi.

NEHEMIA 13:16 Referans Kwoze

Posuwunya 23:12

Komi maya motetala aono ndeme ri raya anu saminggu, paikanya ri reme anu kapapitu komi da meosa, da naka waʼa mpinatuwumi, waʼa mbatuami pai waʼa ntau mencua anu motetala ri komi woʼu da meosa.

Ulang 5:14

paikanya ri eo anu kapapitu inceʼemo eo mpeosa anu ndapatani tila-Ku, Pue Ala puemi, ri eo setu bereʼe tau anu maya motetala, komi, waʼa anami, waʼa mbatuami, pinatuwumi bara tau mencua anu maroo-roo ri oyomi. Waʼa mbatuami sangaya-ngaya da meosa woʼu ewa komi ngkaliomi.

Posuwunya 20:10

Paikanya ri eo anu kapapitu inceʼemo eo mpeosa anu ndapatani tila-Ku. Ri eo setu bereʼe mau sambaʼa tau anu da motetala, komi, anami, waʼa anamayunumi, pinatuwumi, bara waʼa ntau mencua anu maroo-roo ri oyomi.

NEHEMIA 13:15

Ri tempo setu kukita ri eo Umapo, reʼe bara tesangkuja to Yahuda mompaa anggoro, anu saʼe woʼu maʼulaya gandu, anggoro, wua anggoro, wua ara pai anu ntaninya ri kalidenya ndakeni ri Yerusale. Kupetangani tau seʼe mobalu-balu ri Yerusale.

NEHEMIA 13:17

Kuseko woʼu waʼa ntadulako nto Yahuda, kutoʼoka tau seʼe, “Bara bareʼepa ndiepe ndaya kakominya seʼi mampowiamo anu majaʼa ri kabareʼenya ndipakagali eo Umapo?