NEHEMIA 13:13 - Sura Magali Nuntu Ngkatuwu

¹³ Kudika bara tesangkuja tau majagai waʼa lincu padika waʼa mpangkoni setu tau seʼe setu inceʼemo: i Tadu mPanyomba Selemia, i Sadoki tau anu loʼe ri Padika setu pai i Pedaya siʼa to Lewi, i Hanani ana i Sakuri makumpu i Matanya kudika mantulungi tau seʼe. Maka kusarumaka waʼa ntau setu timama da mangantila-ntila waʼa mpangkoni ri waʼa junu sampotetalanya ri kamonconya.

NEHEMIA 13:13 Referans Kwoze

NEHEMIA 7:2

Tila pampapelinja songka ri Yerusale, kupesaraʼuka ri kasangkompoku i Hanani pai i Hananya anu mewali tadulako bangke ri bente ngkota, maka siʼa tongawa maria peruunya ri tau ntaninya, siʼa mampokaeka i Pue Ala pai sintinaja ndasarumaka.

2 RAJA-RAJA 22:7

Waʼa ntau anu majagai potetala setu paka mayoasi kojo rayanya, mewali mau bareʼe ndaparesa pampake ntau seʼe doi setu.”

1 Korintus 4:2

Anu kaʼisa-isanya ndaperapi ri waʼa ntoporioko inceʼemo pepoʼinaya ri puenya.

Palaong mPomakau i mPue Yesu 6:3

Mewali, moruana waʼa ngkasangkompo da ndipilisi ri oyomi papitu tau anu tetubunaka pai anu napeari Inosa mPue Ala pai anu loʼe. Tau seʼe da ndipapakoyoka tetala mampasilolongani pangkoni.

Palaong mPomakau i mPue Yesu 6:1

Kakoteranga-rangani imba ntau anu malulu i Yesu. Sindara setu waʼa nto Yahudi anu melulu ri Yesu anu mobasa Garika, malente raya ntau seʼe ri waʼa nto Yahudi mpuʼu. Maka natoʼo ntau seʼe anu mobasa Garika, “Waʼa mbeʼa anu bemba ri oyo mami bareʼe wungka ri ndapantila-ntila petulungi anu da nakatuwuka sandeme-sandeme ewa anu roomo ndatilaka waʼa ntau.”

NEHEMIA 12:44

Ri tempo setu seʼe reʼe bara tesangkuja tau anu ndadika majagai waʼa lincu kareʼe anu ndakoni kanjau mpadika waʼa mpombai anu ndapanyombaka ri Banua i mPue, tesuamo waʼa mpanyomba sampotila sampuyu pai panyomba uyu mbua santaʼu-santaʼu. Waʼa ntopojaga setu sangaya-ngaya da mampasambaka waʼa mpombai setu ri kareʼe mpojamaa anu mantolilimi waʼa ngkota setu. Waʼa mpombai setu da napapombaika ntau seʼe ri waʼa ntadu mpanyomba pai waʼa nto Lewi silulu pai anu ndapakanoto ri Padika. Waʼa nto Yahuda mantubunaka waʼa ntadu mpanyomba pai waʼa nto Lewi setu.

2 RAJA-RAJA 12:15

Waʼa ntopojaga setu paka mayoa kojo rayanya, mau bareʼe ndaperapi sura mpodoi ri tau seʼe.

1 Timotius 3:10

Tau seʼe da ndaʼuji riunya, pai ane tongawa tau seʼe bereʼe posarinya, nepa da maya tau seʼe mantulungi peporioko ri raya dompu.

1 Timotius 1:12

Kupasowa unde pai tarima kase ri Pueta i Yesu Kerisitu, Sira mawaimo ri yaku karoso da mamporiokoi Sira, pai anu mampasingkana yaku da mawianaka tetala setu.

Palaong mPomakau i mPue Yesu 4:35

napepombaika ri waʼa ncuro. Nepa doi setu ndatila-tilaka ri sambaʼa-sambaʼa tau da mampoyoweka.

Lukas 12:42

Mesono i Yesu ndatoʼo, “I sema ntano topopagampi anu mepoʼinaya pai loʼe painaka ndadika siʼa mewali tadulako ri waʼa ntiporioko anu ntaninya da mampasilolongani pangkoni ntau seʼe ri temponya?

NEHEMIA 11:22

Waʼa nto Lewi anu meari ri Yerusale najagai i Usi ana i Bani makumpu i Hasabiya. Ngkai ntau seʼe inceʼemo i Matanya ana i Mika. Siʼa tesua ri muli i Asapi, anu mampasilolongani musiki ri tempo mpanyomba ri Banua i mPue.

NEHEMIA 8:4

I Esira mekakore ri mimbari kaju anu ndapowia da ndapake ri pompasambaka setu. Ri tondo mokananya mekakore i Matica, i Sema, i Anaya, i Uria, i Hilikia pai i Maaseya, pai ri tondo mokaiinya mekakore: i Pedaya, i Misaeli, i Malikia, i Hasumi, i Hasibadana, i Sakaria pai i Mesula.

NEHEMIA 10:38

Paikanya sambaʼa tadu mpanyomba muli i Haruni anu da mampoyunuki to Lewi setu ane njoʼu tau seʼe mampasambaka panyomba setu. Pai sampotila sampuyu ungka ri pura-pura panyomba setu, sangaya-ngaya da nakeni nto Lewi ri raya mponiu kanjau waʼa mpangkoni ri Banua i mPue.

2 RAJA-RAJA 12:16

Doi mpanyomba kono pancawani rugi pai panyomba kabareʼenya ndakitanaka salaa bareʼe ndapapesua ri peti mpombangunaka. Maka doi setu da ndawaika waʼa ntadu mpanyomba.