NEHEMIA 13:1 - Sura Magali Nuntu Ngkatuwu

¹ Sindara mpabasa padika i Musa ri waʼa ntau sondo, ndaratamo totoraka anu ewaseʼi katetoʼonya: ‘to Amoni pai to Moabi manoto bareʼe maya kojo mompasigalo pai tau i mPue Ala;

NEHEMIA 13:1 Referans Kwoze

NEHEMIA 9:3

Tempo-temponya tatogo jaa kasaenya Sura mPadika i mPue, Pue Ala pue ntau seʼe ndabasaka tau seʼe pai tatogo jaa woʼu tau seʼe mampangakuka waʼa ncalaanya. Roo setu nepa mombukotu tau seʼe manyomba ri Pue, Pue Ala puenya.

NEHEMIA 13:23

Ri tempo setu kukita woʼu to Yahudi maria anu mamporongo waʼa mbeʼa ungka ri banca Asido, Amoni pai Moabi.

2 RAJA-RAJA 23:2

Nepa njoʼu tau seʼe pura-pura sangkani-ngkani ri Banua i mPue, melulu woʼu waʼa ntadu mpanyomba, waʼa nabi pai waʼa ntau sondo madago anu kaasi-asi bara anu koreʼe. Mekakoremo i mokole ri suara ntau seʼe pura-pura nepa nabasa mpakarimbo bangani ncura mpojanji anu ndarata ri raya Banua i mPue. Roo setu napowia i Mokole pojanji ri Pue anu mantoʼo siʼa da mepoʼinaya ri Sira pai da mawianaka ri kaliogu ndayanya pai ri gori mpangkoto ntanoananya pura-pura songka pai waʼa mpadika-A. Mojanji woʼu i Mokole da mabangani pojanji ri Pue pai waʼa ntau silulu pai anu lau ndaʼuki ri raya ncura setu. Pura-pura waʼa mpalilinya woʼu mojanji da mepoʼinaya ri pojanji setu.

Palaong mPomakau i mPue Yesu 15:21

Maka songka i mPue Ala anu naparata i Musa montepuʼu ungka ipiamo, ndabasa sangkani-sangkani eo Umapo ri waʼa banua mpekakai, pai ndapobambarika ri pura-pura kota.”

Palaong mPomakau i mPue Yesu 13:15

Roo ndabasa sura i Nabi Musa pai sura waʼa nabi, napokau waʼa ntadulako banua mpekakai tau mampeoasi ri Paulu pai waʼa yununya, “Bara da reʼe ri tau seʼe anu da mawai totoraka ri waʼa ntau seʼe, ndawai tempo da mompau.”

Lukas 10:26

Mesono i Yesu ndatoʼo, “Nunjaa anu ndaʼuki ri Sura Magali? Pai ewambeʼi parata ndayamu kono inceʼe?”

AMOSI 1:13

Ndatoʼo i mPue, “Banca Amoni, papongkani-ngkanimo mampowia salaa, inceʼe painaka Yaku sangaya-ngaya da mangahuku tau seʼe. Ri tempo mpoʼiwali da mampakabini wilayanya, tau seʼe mangabonci kompo waʼa mbeʼa anu tiana ri Gilea,

Yeremia 48:1

Ewaseʼimo ndatoʼo i mPue Anu Makuasa, Pue Ala pue nto Isaraeli kono Moabi, “Marugimo tau anu maroo-roo ri Nebo, bentenya maruamo! Kiriatai ndarampa, pai bentenya anu maroso ndaruasi, painaka maea waʼa ntau banganinya;

Yesaya 34:16

Pepalimo pai basamo ri raya Ncura i mPue: Bereʼe mau sangaya ri pura-pura anu moʼinosa anu da tetaji bara anu bereʼe totonya. Maka ewanceʼemo songka i mPue, pai Sira ngkalioa anu roo mampasambaka tau seʼe.

NEHEMIA 4:3

Mekakore i Tobia ri sorinya, mompau siʼa natoʼo, “Peole, bente anu nawangu ntau seʼe setu! Mauja podo asu yopo masemba liu-liu marua!”

NEHEMIA 2:19

Butu tedonge ri Sambala pai Tobia pai Gesemi sambaʼa to Ara, rencana mami setu, napopogeleka pai napanggeoni kami. Natoʼo ntau seʼe, “Nunjaa anu da ndipowia seʼi? Ara komi seʼi da maewa i datu?”

NEHEMIA 2:10

Paikanya butu nadonge i Sambala to Beta-Horoni pai i Tobia sambaʼa tau ndalanti ungka ri Amoni, karataku setu da mangantulungi to Isaraeli, maʼai kojo kalente ndayanya.

Pombilang 22:5

mampokau tau njoʼu mampeboo i Bila, ana i Beori, tau anu maroo-roo i kota Petoro mosu ri Koro Eparata ri daera Emau. Tau seʼe napokau i Bala da mamparata patuu ewaseʼi, “Da nupaincani reʼe sambaʼa banca anu rata ungka ri tana Masiri; waʼa ntau setu maʼai kasondonya pai tikalimo da maungku tana mami.

NEHEMIA 8:2

Roo setu natima i Esira sura setu nakeni ri suara ntau sondo, njau waʼa ntuama, weʼa pai ananggodi anumangkotomo marata ndaya padika setu.