NEHEMIA 12:43 - Sura Magali Nuntu Ngkatuwu

⁴³ Ri eo setu maria panyomba anu ndapasambaka pai ndapanyombaka ri Pue. Mawongko-wongko raya ntau sondo maka i Pue Ala anu mampakawongko raya ntau seʼe. Waʼa mbeʼa pai ananggodi tesua mosusa, painaka oni nganga ntau seʼe ua mawongko rayanya ndadonge ntongo lawa-lawa.

NEHEMIA 12:43 Referans Kwoze

ESIRA 3:13

painaka bareʼemo ndaincani mampaposisala oni mpekiu ri wongko ndaya pai potumangi. Marimbo kojo oninya painaka ndadonge mau ntongo lawapa.

Masmur 92:4

Sangakni pai mantongko gitari anu sampuyu wayaanya, nayunuki gambusu pai kecapi.

Yeremia 31:13

Sindara setu waʼa anaweʼa da motaro ri wongko ndayanya. Tau tuʼa pai mangura sangkani-ngkani lindo rayanya, maka Yaku da mampalindo raya ntau seʼe. Pari ndaya ntau seʼe da kuwalisaka mewali wongko ndaya, susa ndaya da kuwalisaka mewali kalindo ndaya.

Yakobus 5:13

Ane reʼe ri oyomi anu napere ncusa, mbolimo siʼa da mekakai. Ane mawongko rayanya, mbolimo siʼa da mongayu maunde i Pue.

Epesus 5:19

Ri pompasimbajumi ndipakemo waʼa basa peunde, pai pongayu anu maunde-unde Pue. Mbolimo ri kawongko-wongko ndayami komi da mongayu maunde-unde i Pue.

Yohanes 16:22

Ewanceʼemo woʼu komi: Seʼi-seʼi mapari rayami, paikanya Yaku da momberata muni pai komi, da mawongko muni rayami. Pai wongko ndayami seʼe bareʼemo reʼe tau anu mangkoto da mantima.

Matius 21:15

Paikanya butu nakita waʼa ntadulako ntadu mpanyomba pai waʼa guru agama powia i Yesu ewanceʼe maʼai kajaʼa ndayanya. Majaʼa woʼu raya ntau seʼe madonge waʼa ananggodi meboo-boo natoʼo, “Tuwu Ana i Daudi!” Maʼaimo kojo kajaʼa ndaya ntau seʼe.

Matius 21:9

Santila tau sondo setu mamporiuka, pai santila woʼu anu mantondaraka, meboo-boo tau seʼe natoʼo, “Tuwu Ana i Daudi! Ndadoncomo Sira anu rata ri toʼo i mPue! Undemo i Pue Ala Anu Ndate ri Peawanya!”

Yeremia 33:11

Paikanya ri waʼa ngkareʼe setu da ndadonge muni oni nganga ngkawongko ndaya pai kadoro mposusa mpopawawa. Da ndadonge muni ngayu waʼa anu mangkeni panyomba mpeunde njoʼu ri banua-Ku. Da natoʼo ntau seʼe, ‘Pontarima kasimo ri Pue Anu Makuasa, ua Sira pande mporaya pai towea bereʼe kapusanya.’ Tana seʼi da kupapewali gana-gana ewa ri tepuʼunya. Yaku Pue anu mompaumo seʼi.”

Yesaya 61:3

da mawai wongko ndaya pai donde ndaya, ri waʼa ntau anu mapari raya pai masusa raya; da mangabalisaka kapari ndaya ntau seʼe mewali ngayu mpeunde. Tau seʼe da ewa puʼu ngkaju anu ndapomuya i mPue ngkalioa. Tau seʼe da mangawianaka anu madago pai monco, painaka i Pue ndapapeawa.

Masmur 28:7

I Pue mangkantawi pai to pompelaeku, yaku meaya ri Sira. Sira anu mantulungi pai mampakawongko rayaku, yaku maunde Sira pai ngayu ri wongko ndaya.

Masmur 27:6

Seʼi-seʼi yaku menangi ungka ri iwali anu mantolilimi yaku. Inceʼe painaka kumeboo ri wongko ndayaku kupanyombaka panyomba pontarima kase ri Banua-Mi; yaku mongayu maunde-unde i Pue.

AYUBI 34:29

Ane rapanya i Pue Ala mabotusi da monjii-njiimo, bereʼe tau anu mantaha mampojangai. Ane rapanya Sira da mancambunika lioa, bereʼe mau sambaʼa tau anu da mangarata.

2 Tawarikh 20:27

Roo setu nepa nawawanaka i Yosapa pura-pura surodadonya mewalili ri Yerusale ri kawongko-wongko ndaya ua i Pue manangimo iwali ntau seʼe.

2 Tawarikh 20:13

Sindara setu pura-pura tuama nto Yahuda sangkani pai rongonya pai ananya njau mekakore ri suara Banua i mPue.

2 Tawarikh 7:10

bangke reme ri 23 eo mbuya kapapitu, napokaumo i Ncalomo waʼa ntau setu mewalili. Mawongko raya ntau seʼe mangkita waʼa anu madago ndapowia i mPue ri taua to Isaraeli, ri Daudi pai ri Salomo.

1 Samuel 4:5

Karata Peti mPojanji setu ri kareʼe mpokema nto Isaraeli, waʼa nto Isaraeli manggora-nggoramo gori ngkarimbonya painaka ewa da moenggo tana.

Pombilang 10:10

Ewanceʼe ri eo ngkawongko ndayami, inceʼemo ewa mpamposusakan Wuya Dawoʼu pai waʼa ncusa anu ntaninya, surupeta setu sangaya-ngaya da ndatawuisi ri sindara komi mampanyombaka panyomba anu ndaʼombasi pai panyomba ngkasimadago. Maka yaku da mangkadudungi komi. Yakumo Pue Ala Puemu.”

NEHEMIA 12:42

mantonda tau seʼe melinja: i Maaseya, i Semaya, i Eleasa, i Usi, i Yohanani, i Malikia, i Elami pai i Eseri. Waʼa ntopongayu setu nawawanaka i Yisirahiya.

Masmur 9:2

Ri kaliogu ndayaku kupontarima kase ri Komi, Pue, pai kupobambarika powiami anu ndapojingki.

NEHEMIA 12:27

Ri tempo da ndapamposusaka karoomo bente ngkota Yerusale, ndapeboomo pura-pura to Lewi da mampakadoro katewianaka mposusa setu, tau seʼe da mongayu-ngayu maunde-unde i Pue mantingko gambusu pai kecapi.