NEHEMIA 1:7 - Sura Magali Nuntu Ngkatuwu

⁷ Kami meewamo ri Komi ua kalewamo waʼa ncongka-Mi. Pai bareʼe melulu ri waʼa mpadika anu roo ndiwai ri kami mampoliu watua-Mi i Musa.

NEHEMIA 1:7 Referans Kwoze

DANIELI 9:11

Pura-pura to Isaraeli malewamo waʼa mpadikami pai bareʼe napokono mampedongeka oni ngangami. Kami masalaamo ri komi, inceʼe painaka ndipapakoyoka kami puloru anu teʼuki ri raya ncura i Musa, watuami setu.

DANIELI 9:13

Mpengaya-ngaya kapepa anu reʼe teʼuki ri raya Mpadika i Musa ndapapakoyokamo kami. Paikanya mau ewanceʼe, boo Pue Ala pue mami, ntongo bareʼepa kapokono da mampakawongko rayami. Kami bareʼekapokono mampalaika waʼa ncalaa mami pai bareʼe kapokono woʼu mamparindaya waʼa pompagurumi.

Masmur 106:6

Kami masalaamo ewa waʼa ntau tuʼa mami, kami mampowiamo jaʼa pai mobangke-bangke.

Pangkita 19:2

Pobotusi-A mayoa pai loʼe! Sira anu mabotusimo huku ri toposalara anu bangke, anu majaʼatimo lino pai posalaranya. I Pue Ala mahukumo toposalara setu, maka siʼa mampepate waʼa mbatua i mPue Ala.”

MALEAKI 4:4

Da ndiendomo waʼa pompaguru mbatua-Ku i Musa, endomo waʼa mpadika pai waʼa ncongka anu Kuwaika komi ri Buyu Sinai anu da nalulu nto Isaraeli pura-pura.

SEPANYA 3:7

Kunawa-nawa, ‘Seʼi-seʼi manoto waʼa ntau-Ku da mantubunaka Yaku pai da mampedongekamo peseko-Ku. Manoto da naendo ntau seʼe.’ Paikanya katongawanya, tau seʼe jakako teranga-rangani pampowianya jaʼa.

Hosea 9:9

Maʼai ngkajaʼa kojo powiami ewa anu reʼemo napawianaka ntau ri Gibea. I Pue Ala da mampepalisi kasalami, pai mangahuku komi ua salaami.

ESIRA 7:6

I Esira seʼi sambaʼa tau loʼe pai gana paincaninya kono Padika anu ndawai i mPue Ala pue nto Isaraeli ri Musa. Ua Esira ndadonco i mPue Ala puenya siʼa, painaka ndawai i datu ri siʼa nunjaa anu naperapi. Ri taʼu kapapitu poparenta i Datu Aritasata, malaimo i Esira ungka ri babeli njoʼu ri Yerusale sangkani-ngkani pai to Isaraeli anu sondo, karianya waʼa ntadu mpanyomba, to Lewi, topongayu pai topojaga baa-baa ri Banua i mPue sangkani pai topotetala.

2 Tawarikh 27:2

I Yota mampakawongko raya i mPue ewa papanya i Usia. Paikanya siʼa bareʼe mantunju dupa ri Banua i mPue ewa powia mpapanya. Paikanya waʼa ntau sondo ntongo mawianaka salaa.

2 Tawarikh 25:4

Paikanya waʼa ana mpegawai setu bareʼe napepate, maka siʼa malulu songka i mPue ri sura i Musa anu mantoʼo, “Neʼe ndapepate tau tuʼa ua kajaʼa mpowia waʼa ananya, pai neʼe ndapepate waʼa ana ua kajaʼa mpowia waʼa ntau tuʼa ntau seʼe. Sambaʼa-sambaʼa tau seʼe podo maya ndapepate ua jaʼa anu napowia ngkalionya.”

1 RAJA-RAJA 2:3

Wianaka nunjaa anu ndapesongkaka i mPue Ala puemu ri siko. Siko da mepoʼinaya ri waʼa mpadika pai waʼa ncongka-A ewa anu ndaʼuki ri raya Ncura i Musa, da naka ri mbeʼi-mbeʼi palaimu siko da ndadonco ri pura-pura anu nuwianaka.

Ulang 6:1

“I Pue Ala puemi mampokau yaku da mampaguruka komi pura-pura waʼa mpadika seʼi, da naka ndiwianaka ri katuwumi ri tana anu bareʼemo masae da ndipearimo.

Ulang 5:1

Napasingkanduru i Musa waʼa nto Isaraeli, nepa natoʼoka tau seʼe, “Ee waʼa ngkasangkompo ndipedongekamo waʼa mpadika anu da kuwaika komi sandeme seʼi. Da ndipeguru pura-pura waʼa mpadika seʼi, pai komi da todo mepoʼinaya.

Ulang 4:5

Pura-pura padika setu kupaguruka komi silulu pai anu ndasongka i mPue Ala pueku. Ndilulumo pura-pura setu ri tana anu da ndisuaki pai da ndipeari setu.

Ulang 4:1

Nepa mompau i Musa ri waʼa nto Isaraeli natoʼo tau seʼe, “Ndilulumo pura-pura padika anu roomo kupaguruka komi, da naka ndikoto tuwu rantani ndipeari tana anu da ndawaika komi i mPue Ala pue ntau piamomi.

TADUMPANYOMBA 27:34

Inceʼemo waʼa ncongka anu ndawai i mPue ri wawo Buyu Sinai ri Musa tila nto Isaraeli.

Yesaya 1:4

Marugimo komi banca anu masalaa, waʼa ntau anu moruta pai majaʼa! Komi manawumo ua waʼa ncalaami. Komi bareʼemo mantarima i Pue pai mantalikusimo i Pue Ala Anu Magali anu kamonconya da ndipanyomba.

Masmur 89:31

Paikanya ane waʼa mulinya malewa Padikaku, pai bareʼe tuwu malulu songkaku,

Masmur 89:32

ane bareʼe nalulu ntau seʼe nunjaa anu roo kupakanoto pai bareʼe mapoʼinaya ri waʼa ncongkaku,