NEHEMIA 1:5 - Sura Magali Nuntu Ngkatuwu

⁵ “Boo Pue Ala anu makuasa ri suruga. Komi Pue Ala Anu Bangke. Ri kakandende-ndende mami kami mancuara komi. Komi todo mangkekeni janjimi ri waʼa ntau anu mampotowe komi pai mepoʼinaya ri songkami.

NEHEMIA 1:5 Referans Kwoze

Posuwunya 20:6

Paikanya Yaku mampatongawa towe-Ku ri moncowu-ncowu lapi waʼa ntau anu mampotowe Yaku pai mapoʼinaya ri songka-Ku.

Ulang 7:21

Mewali, neʼe boi ndipokaeka waʼa banca setu. I Pue Ala puemi da mangkariani komi. Sira inceʼemo Pue Ala anu bangke pai ndapokaeka.

NEHEMIA 4:14

Butu kukita waʼa ntau sondo maeka rayanya, kutoʼoka tau seʼe pai waʼa ntau loʼe pai waʼa ntadulako, “Neʼe maeka rayami ri iwali! Neʼe ndikalingani i Pue anu maroso pai makuasa, ndipombetotomo maendo waʼa ngkasangkompomi, waʼa anami, rongomi pai banuami!”

Ulang 7:9

Neʼe ndikalingani i Pue Ala puemi podo Sira Pue Ala pai Sira Pue Ala anu todo. I Pue mabangani janjia pai mampatongawa katowe ndaya anu bareʼe bali rantani sancowu lapi tau ri tau anu mampotowe Sira pai mepoʼinaya ri waʼa ncongkaa.

NEHEMIA 9:32

Boo, Pue Ala pue mami anu maroso! Pue Ala anu bangke pai bereʼe kasiwianya! Ua katodomi ndikekeni mpaliu janji-Mi; waʼa janji-Mi Ndibangani pai Ndiwia-naka. Montepuʼu ungka ri tempo mpajeani mokole nto Asuri kami, rantani wawaseʼi maria kapari anu kaepe. Waʼa mokole mami, tadu mpanyomba, nabi pai waʼa ntau loʼe, ewanceʼe seʼe waʼa ngkai mami pai waʼa ntau sondo maepemo pari pura-pura. Neʼe Ndikalingani waʼa ngkapari setu! Neʼe boi Ndikalingani!

1 RAJA-RAJA 8:23

natoʼo, “Boo Pue, Pue Ala pue nto Isaraeli! Ri wawo yangi pai ri wawo lino seʼi bereʼe anu da mangkasiwiaka komi! Komi mangabangani janjimi pai ndipatongawamo ndipampotowe waʼa ntaumi anu todo pai mepoʼinaya ri kaliogu ndayanya ri komi.

1 Tawarikh 17:21

Ri sambawo lino seʼi bereʼe banca anu ewa to Isaraeli. Podo to Isaraeli banca anu ndilapasaka ungka ri kawatuanya pai ndipapewali taumi. Mpengaya-ngaya tanda ngkuasa anu ndipowiaka tau seʼe anu mangkeni kabangke ngkatebambari ntoʼomi ri sambawo lino. Komi anu malapasaka waʼa ntaumi ungka ri tana Masiri. Komi seʼe anu mairi waʼa banca ntaninya ri tempo ngkanjoʼu ntaumi mombetoto.

Masmur 47:2

Nditopomo palemi ri wongko ndaya, ee waʼa banca! Ndipakadoromo maunde-unde i Pue Ala ri panggora-nggora!

Masmur 89:2

Ua kapuru ndayami, boo Pue, bareʼe da kuowe mampongayuka. Katodomi da kupobambarika ri muliku popalapi-lapi.

Masmur 89:3

Maka kuincani katowemi bereʼe kapusanya, katodomi bareʼe tegencu ewa yangi.

Ulang 7:12

“Ane ndiparindaya waʼa ncongka setu, pai timama ndipawianaka, i Pue Ala puemi woʼu todo mangkekeni janjia anu ndapareʼe pai komi. Sira da mantuju kapuru ndaya anu bareʼe bali-bali ri komi, ewa anu ndajanji ri waʼa ntau piamomi.

ESIRA 1:2

“Seʼimo songka i Koresi datu nto Parisia, i Pue, Pue Ala Anu Makuasa ri suruga, mampapewalimo yaku datu anu makuasa ri sambawo lino, Sira anu mampokau yaku da mangawanguka Sira banuaa ri Yerusale ri tana Yahuda.

NEHEMIA 2:4

Meoasi i Datu, ndatoʼo, “Mewali nunjaa anu nutangara ndaya?” Mekakai ri rayaku yaku ri Pue Ala anu makuasa ri suruga,

NEHEMIA 4:8

Mogombo tau seʼe da maungku Yerusale da naka tewuraga kami.

Masmur 76:8

Monco kojo kaʼai ngkuasa-Mi! Ane marau Komi isema anu da toa ri suarami?

Masmur 89:8

Komi ndatubunaka ri oyo waʼa anu magali, meruu ndapampokaeka ungka ri waʼa anu mantolilimi Komi.