NEHEMIA 1:4 - Sura Magali Nuntu Ngkatuwu

⁴ Madonge pompetumbu ntau seʼe, motunda yaku tumangi. Bara sangkuja ndeme kasaenya kapari ndayaku. Kumopuasa pai kumekakai ri Pue Ala kutoʼo,

NEHEMIA 1:4 Referans Kwoze

DANIELI 9:3

Nepa mekakai yaku rikaliogu ndayaku ri Pue Ala, merapi kapuru ndayaa. Yaku woʼu mopuasa pai mampake rengko karu nepa kumotunda ri awu.

Masmur 137:1

Ri wingke waʼa ngkoro ue ri Babeli, motunda kami tumangi ane kaendo Sioni.

ESIRA 10:1

Ntongo pekakai i Ezra seʼi motumangi siʼa mampangakuka salaa ri suara Banua i mPue, maria kojo to Isaraeli anu mompasambaka madago tuama, weʼa pai ananggodi. Tau seʼe mantolilimi i Ezra seʼi motumagi, marimbo oni nganga ntau seʼe.

NEHEMIA 2:4

Meoasi i Datu, ndatoʼo, “Mewali nunjaa anu nutangara ndaya?” Mekakai ri rayaku yaku ri Pue Ala anu makuasa ri suruga,

Roma 12:15

Da mawongko rayami ane sangkani-ngkani pai tau anu mawongko-wongko rayanya, pai ndipotumangi sangkani-ngkani pai tau anu motumangi.

SEPANYA 3:18

Ua komi, Sira mongayu mawongko raya ewa tau anu ntongo mposusa.” Ndatoʼo i mPue, “Karugi anu da mampakapari komi Kupalisimo Katedikanakamu roomo Kupalisi.

DANIELI 2:18

Napokau tau seʼe da mekakai ri Pue Ala anu ri suruga, da naka mapuru rayaa ri tau seʼe da mangantotoraka rahasia mpangipi setu. Maka ane ewanceʼe tau seʼe bareʼe da ndahuku mate sangkani pai waʼa ntau loʼe anu ntaninya.

ESIRA 9:3

Maʼai kojo kamalente ndayaku madonge, kusiati rengkoku, kurabusi wuyuaku pai janggoku, nepa kumotunda nakeni ngkapari ndayaku.

Yunus 1:9

Mesono i Yona natoʼo, “Yaku seʼi to Ibarani. Yaku manyomba ri Pue Ala anu ri suruga anu mampapewali tasi pai karatana.”

2 Samuel 12:16

Inceʼe painaka mekakai i Daudi nerapi puru ri Pue da naka osa ananggodi setu. Mopuasa siʼa pai sambengi-sambengi siʼa moturu-turu ri joia lincu ngkayorenya.

Masmur 136:26

Pontarima kasemo ri Pue Ala anu mangkuasai yangi; towe-A bereʼe kapusanya.

DANIELI 10:2

Sindara setu yaku ntongo mobaratapa muntu-muntu tatogo minggu.

2 RAJA-RAJA 22:19

moncosoi rayamu, nupakalauka koromu ri suara-Ku. Roomo kutoʼo da mangahuku kota Yerusale pai waʼa ntau banganinya. Kota Yerusale da kujaʼati rantani meruku raya ntau mangkita, pai toʼo Yerusale da Kupapewali toʼo anu tetadeasi. Paikanya ua ri padongemu waʼa mpopahuku setu, motumangi siko pai nusiati rengkomu tanda ngkapari ndayamu. Kupedongekamo pekakaimu,

ESIRA 1:2

“Seʼimo songka i Koresi datu nto Parisia, i Pue, Pue Ala Anu Makuasa ri suruga, mampapewalimo yaku datu anu makuasa ri sambawo lino, Sira anu mampokau yaku da mangawanguka Sira banuaa ri Yerusale ri tana Yahuda.

ESIRA 9:5

Sindara pawianaka panyomba ri ngkinowia, meoko yaku ungka ri potunda-tundaku ri kapari ndayaku, sangkani rengkoku anu masia setu kumombukotu pai kumekangkabe ri Pue Ala pueku, mompau yaku kutoʼo,

NEHEMIA 2:20

Mesono yaku, kutoʼo, “I Pue Ala anu makuasa ri suruga inceʼe anu da mampapewali tetala seʼi. Kami seʼi waʼa mbatuaa inceʼe painaka kami mantepuʼu pombangunaka. Paikanya komi bereʼe kuasami bara aga-agami ri Yerusale. Pai ane kono napau ntau Yerusale, bareʼe da kono natoʼo-toʼo ntau toʼomi.”

Masmur 102:15

Maka waʼa mbatuami mampomawo siʼa, mau siʼa malesamo. Tau seʼe marata puru ndaya ri siʼa, mau siʼa mewalimo awu.