NEHEMIA 1:3 - Sura Magali Nuntu Ngkatuwu

³ Napau kaku ntau seʼe kono waʼa ntau anu mewalilimo ri tananya ungka ri pantawani, katuwu ntau seʼe mapari pai maka napetikodi waʼa banca ntaninya anu reʼe mantolilimi tau seʼe. Ewanceʼe seʼe bente ngkota Yerusale ntongo bareʼepa ndapakoroka sangkani pai waʼa baa-baanya, ntongo ewa taʼanya ri karoonya ndatunju owi.

NEHEMIA 1:3 Referans Kwoze

NEHEMIA 2:17

Ripurinya nepa mompau yaku ri tau seʼe kutoʼo, “Ndipeolemo ewambeʼi katedikanakata anu mapari seʼi! Yerusale jamo awunya, waʼa baa-baa pura nakoni apu. Ndimaʼimo tapawali wangu muni bente ngkota Yerusale da naka neʼe ndapetikodi woʼu kita.”

2 RAJA-RAJA 25:10

Roo setu waʼa ncurodadonya maruasi pura-pura bente ngkota setu.

NEHEMIA 7:6

Maria ri oyo waʼa ntau anu malai ungka ri poropinci Babeli mewalili ri Yerusale pai Yahuda, sambaʼa-sambaʼa seʼe njoʼu ri kotanya ngkalionya. Masaemo katuwu ntau seʼe ri kota ngkatetawaninya ri Babeli, montepuʼu ungka ri pangkeni i Datu Nebukanesa mewali tawani.

NEHEMIA 2:13

Pesuwu mami ungka ri kota moliu ri Baa-Baa Bangke Yombo tondo ri kasoyoa. Pelinja mami katotoka Baa-Baa Bangke Nyoo, moliu ri Mata Ue Naga. Ri pelinja mami setu yaku mamparesa waʼa ngkajaʼa bente ngkota, pai kukita woʼu waʼa baa-baa anu puramo nakoni apu.

NEHEMIA 2:3

mesono yaku kutoʼo, “Tuwu komi Datu rantani masae-sae! Wenu painaka bareʼe da mapari rayaku ane kota kanjau dayo waʼa ntau piamoku rantani wawaseʼi jamo awunya anu ndakita, waʼa baa-baanya puramo nakoni apu.”

ESIRA 5:8

Tuarapa ndidongemo Datu, kakaminya njoʼumo ri poropinci Yahuda pai mampeole Banua i mPue Ala Anu Makuasa, anu ntongo ndawangu muni mampake watu bose pai rindi watu anu nalapisi ngkaju. Tetala setu nawianaka ntau seʼe timama kojo pai maliga katewianakanya.

Ratapan 5:1

Ndiendomo boo Pue, nunjaa anu mewali ri kami. Ndipatomatamo kami, pai ndipeolemo kakapuru raya mami.

Ratapan 3:61

Komi, Pue, mangadonge yaku ndapetikodi; ndiincani pura-pura tunggai ndaya ntau seʼe.

Ratapan 1:7

Jabutu madungka pai mapari, naendo Yerusale katuwunya i owi ri tempo ngkagana-gana aga-aganya; ewambeʼi waʼa ntaunya manawu ri pale iwali pai bereʼe mau sambaʼa tau rata mampelae. Waʼa sampotadanya podo mogele mangkita kageronya.

Yeremia 52:14

Nepa pura-pura waʼa ntaunya maruasi waʼa bente ngkota setu.

Yeremia 42:18

Saʼewambeʼi Yaku Pue Ala pue nto Isaraeli mampatudumo karau ndayaku ri angani Yerusale, da ewanceʼe seʼe da kupampatudu kapane ndayaku ri komi anu njoʼu ri tana Masiri. Da tengiri raya ntau mangkita komi, komi da ndapetikodi, pai toʼomi da mewali parumbasa ntau ane montadeasi. Komi bareʼemo da mangkita tana mpebete ntanoanami seʼi.”

Yeremia 39:8

Sindara setu waʼa nto Babeli mantunju langkanae i mokole pai banua waʼa mpalilinya, pai maruasi waʼa ntembo bente Yerusale.

Yeremia 29:18

Tau seʼe da kududuki pai poʼiwali, oro pai juʼa lele, da naka pura-pura banca ri sambawo lino da mengkundidi mangkita katedikanaka ntau seʼe. Ri mbeʼi ntano kupawuraga tau seʼe, tau da mengkundidi pai maeka rayanya mangkita nunjaa anu mewali ri tau seʼe. Tau seʼe ndapasinggiri, pai toʼo ntau seʼe da mewali parumbasa mpontadeasi.

Yeremia 24:9

Yaku da mampakarugi tau seʼe rantani pura-pura banca ri lino seʼi da maekanya. Ri mbeʼi ntano kupawuraga tau seʼe, tau seʼe da ndapetieli, da mewali anu ndapopogeleka pai ndapanggeoni. Toʼo ntau seʼe da mewali ewa parumbasa mpetadeasi.

Yeremia 5:10

Yaku anu mampokau iwali da mangajaʼati bonde anggoro ntau seʼe, paikanya banya malesaki. Yaku mampokau iwali setu mantandosi waʼa raʼa anggoro ntau seʼe, maka waʼa raʼanya setu banya anuku.

Yesaya 43:28

waʼa ntadu mpanyombamu mampakakarikamo Banua-Ku. Inceʼe painaka Isaraeli Kupepombaika ndapetikodi, pai muli i Yako Kupapaliuka ndaʼopisaka.”

Yesaya 5:5

Ewaseʼi da kupampowia bonde anggoroku setu; waya ncape anu mantolilimi da kuwukasi, waya tembo anu mangkantawi da kuruasi, nepa da kupapaliukamo pinatuwu masii mangalesaki pai mangalandasi.

Masmur 79:4

Kami mewali puʼu mpasinggiri waʼa banca anu mosu pai kami, tau seʼe mampopogeleka pai mamposari kami.

SETERI 1:1

Kota Susani njairia potunda i Ahasiwero datu nto Parisia moparenta. Ri ara mparentanya reʼe 127 poropinci, ungka ri India rata ri Sudani.

NEHEMIA 11:3

Ri waʼa ngkota ntaninya setu, waʼa ntau sondo, waʼa ntadu mpanyomba, waʼa nto Lewi, waʼa ntopotetala ri Banua i mPue pai muli waʼa ntoporioko i Ncalomo, mampeari tana ntau seʼe ri waʼa ngkota ntau seʼe ngkalionya.

ESIRA 2:1

Maria tau ungka ri oyo waʼa ntau anu ndatawani setu malai ungka ri tana Babeli mewalili ri Yerusale pai ri Yahuda, sambaʼa-sambaʼa seʼe simbente mewalili ri kotanya ngkalionya. Tau seʼe tuwu ri tana Babeli ewa tau ndatawani montepuʼu ungka ri tempo pangkeni i datu Nebukanesa.

1 RAJA-RAJA 9:7

inceʼe da mewali popuʼunya da kupangairi waʼa ntauku to Isaraeli ungka ri tana anu roomo kuwaika tau seʼe. Pai da kupalaika Banua seʼi mau roomo kupakanoto da mewali kareʼe da mpanyomba ri yaku. Pai ri mbeʼi-mbeʼi ntano to Isaraeli da ndapetikodi pai da napopogeleka ntau.

PATADA 25:28

Tau anu bareʼe nakoto mangkuasai koronya, ewa kota anu maruamo bentenya.

Ratapan 2:9

Waʼa baa-baanya naiwunimo ntana, pura-pura singkuaginya mapuʼa; mokole pai waʼa ntopoparenta njau ri kareʼe mpantawani. Padika i mPue bareʼemo ndapepaguruka; nabi bareʼemo marata pepatonga ungka ri Pue.

TADUMPANYOMBA 26:31

Waʼa ngkotami da kupapewali amaa, waʼa ntampa mpolamoami da kugero pai waʼa mpanyombami bareʼe da kutarima.

TADUMPANYOMBA 26:33

Yaku da mampareʼe poʼiwali ri tanami pai da mawuraga komi painaka jianja ri tana ntau. Waʼa bondemi da ndapapaliukamo, pai waʼa ngkotami da mewali amaa.

2 Tawarikh 36:19

Naruasi bente ngkota Yerusale nepa natunju kota setu tesua Banua i mPue pai pura-pura langkanae sangkani pai waʼa aga-aga anu masuli anu njaupa ri raya waʼa langkanae setu.