Mikha 7:7 - Sura Magali Nuntu Ngkatuwu

⁷ Paikanya kita montambusaka ri Pue; ri peaya ndayata kita mampetaʼa Pue Ala pueta. Sira da mampedongeka pekakaita pai da mancorepaka kita.

Mikha 7:7 Referans Kwoze

Masmur 37:7

Popeamo i Pue ri karodo ndaya, petaʼamo ri kayombu ndaya rantani rata Sira. Neʼe boi berodo rayamu ua tau anu gana-gana katuwunya, bara ua tau anu topotengko batu.

Yesaya 45:22

Ee, waʼa ntau anu mampeari lino, ndipewalili ri Yaku da naka komi ndasorepaka, maka podo Yaku Pue Ala, bereʼe anu ntaninya.

Yesaya 25:9

Sindara setu da natoʼo ntau, “Monco kojo, Siramo Pue Ala pueta; Siramo anu tapopopea, da naka kita ndasorepaka. Monco kojo, inceʼimo Pue; Siramo anu tapopopea. Seʼi-seʼi kita manggora mawongko raya, maka Sira mancorepakamo kita.”

Masmur 25:5

Ndipaguru pai ndininimo yaku, da naka tuwu malulu pepokonomi, maka Komimo Pue Ala anu mancorepaka yaku, bareʼe bali-bali kupantanje Komi.

Masmur 130:5

Yaku mampopea pompelae ungka ri Pue, pojanjia kusarumaka.

Masmur 109:4

Tau seʼe mantuluri yaku, mau yaku mampotowe tau seʼe, pai roomo mampekakaika tau seʼe.

Yesaya 12:2

Monco kojo, i Pue Ala inceʼe toponcorepakaku, yaku meaya ri Sira. Yaku bareʼe maeka, maka Sira anu mampakaroso yaku. Toponcorepakaku inceʼe i Pue Ala yaku mongayu tilaa.

Masmur 65:2

Sintinaja kami da mangaunde Komi ri Sioni, boo Pue Ala, pai mangabangani janji mami ri Komi.

Pomulanya 49:18

Boo Pue, katesorepaka anu ndiwai, inceʼemo anu kupopopea.

Masmur 38:15

Monco kojo, yaku jamo ewa tau bena donge raoa, inceʼe painaka bareʼe kumesono.

Yesaya 8:17

I Pue bareʼemo mampapamara koroa ri waʼa muli i Yako, waʼa ntau-A, paikanya yaku meaya pai mampesarumakaka ri Sira.

Masmur 50:15

Ndipeboomo ri Yaku ri tempo ngkapari, Yaku da malapasaka komi, pai komi da mangaunde Yaku.”

Yesaya 17:7

Ri eo setu tau da mewalili merapi pompelae ri anu Mampapewali siʼa, i Pue Ala Anu Magali pue nto Isaraeli.

DANIELI 3:17

Ane ri Pue Ala anu kapanyomba mangkoto mancorepaka kami ungka ri dampu anu mareka-reka apunya setu pai ungka ri kuasami pueku, manoto da ndapawianaka inceʼe.

Hosea 12:6

I Pue Ala setu inceʼemo Pue Anu Makuasa. Toʼo-A inceʼemo Pue. Pai toʼo setumo Sira mantangara ndaya tau da manyomba ri Sira.

YOELI 1:19

Yaku merapi tulungi ri Komi, boo Pue maka waʼa mpada mpongkambi puramo mangau, waʼa mpuʼu ngkaju woʼu puramo mangau, mate jamo ewa anu nasuwe apu.

HABAKU 2:1

Yaku da mepone ri menara mpojagaku, mampopea nunjaa anu da ndatoʼo i mPue ri yaku, pai ewambeʼi sononya ungka ri Sira kono peʼodeku.

Pombilang 5:28

Paikanya ane rapanya weʼa setu bareʼe masala, siʼa bareʼe da nakono ntadea pai ntongo da moanapa.

Masmur 85:5

Ndiwali mpakadondemo kami, boo Pue Ala toponcorepaka mami, neʼemo ndipokarau kami.

Ratapan 3:24

Waʼanyamo podo i Pue petaka ndayaku. Inceʼe painaka, yaku mampomata-mata Sira.

HABAKU 2:3

Ukimo incetu, maka seʼi-seʼi banyapa temponya. Paikanya tempo setu da ratamo maliga-liga, pai nunjaa anu Kupatongawaka siko manoto da tepewali. Mau ndakita ewa da masaepa, paikanya popeamo! Tempo setu manoto da rata pai bareʼemo da teencu.