Mikha 7:4 - Sura Magali Nuntu Ngkatuwu

⁴ Tau anu maʼai ngkadago pai maʼai ngkayoa ri oyo ntau seʼe ntano ewa yopo ndui anu bereʼe yowenya. Ratamo temponya i Pue Ala mangahuku waʼa ntau-A silulu pai anu roomo ndapatiendoka tau seʼe mampoliu waʼa nabia. Seʼi-seʼi mebetemo kaguaga ri oyo ntau seʼe.

Mikha 7:4 Referans Kwoze

Yesaya 22:5

Lawinya, i Pue Anu Ndate ri Peawanya pai Makuasa mampakanoto sandeme seʼi mewali reme kaguaga, kasigaliganggo pai kabareʼenya tumoro ri Rato mPepatongawa. Waʼa bente ngkota puramo ndaruasi. Peboo merapi tulungi ndadonge liwowonya ri waʼa pongku ntana.

YEHESIKIELI 2:6

Paikanya siko, ee tolino anu podo awu ntana, neʼe maeka siko ri waʼa ntopeewa setu, bara nunjaa ntano anu natoʼo ntau seʼe. Tau seʼe da mangaewa pai mampetikodi siko, painaka siko da nuepe ewa tuwu ri oyo ntaʼanganga. Mau ewanceʼe neʼe maeka.

Yesaya 10:3

Nunjaa da ndipowia ri eo mpangahuku i mPue Ala komi? Ewambeʼi da pelikomu sindara Sira mampatudu kapari ungka ri tana anu lawa? Ri seme da pekipelaemi? Ri mbeʼi da ndipampesambunika kakoreʼemi setu?

Ibrani 6:8

Paikanya, ane tana setu juku-juku nakaʼuwi ndui pai lee, tana setu bareʼe da moyowe pai tana setu da ndatadeasi i mPue Ala pai ri kapusanya podo da ndapanowa naka pura.

Lukas 21:25

“Da reʼe woʼu ndakita petondoni ri ogu eo, wuya pai betuʼe; waʼa ntau ri lino da maeka pai da ipu rayanya madonge pewakuu pai kaposo-poso balumba ndopo ntasi.

NAHU 1:10

Siko da ndatunju ewa deami anu mangau da ewa yopo ndui anu mokenta-kenta.

AMOSI 8:2

Meoasi i Pue ndatoʼo, “Nunjaa anu nukita Amosi?” Mesono yaku kutoʼo, “Sambaʼa karanji anu buke-buke pai wua ngkaju anu matasamo.” Ndatoʼo i mPue, “Matasamo temponya tila waʼa ntau-Ku Isaraeli. Yaku bareʼemo da mawalisaka rencana-Ku pai manoto kojo da mangahuku tau seʼe.

Yeremia 10:15

Waʼa lamoa setu bereʼe olinya, sintempo ndapanggeoni pai ndapetikodi. Ane ratamo temponya, tau seʼe da magero.

Yeremia 8:12

Ee waʼa ntauku, sintinaja kojo komi da maea, ua ndipawianaka anu karika setu! Paikanya komi mapeni talinga bareʼe ndiincani maea. Inceʼe painaka komi da manawu ewa kanawu ntau ntaninya anu manawumo; da puramo tuntukanya komi ane Kuhukumo kami.

Yesaya 55:13

Cemara da mancawani yopo ndui, waʼa ncese da mancawani yopo ngura. Incetu da tepewali ua da ndapampo-bambarika Yaku; da mewali petondoni anu bereʼe kapusanya pai bareʼe da paya.”

Yeremia 11:23

Roomo kupakanoto temponya da karata ngkapari ri waʼa nto Anato, pai ane ratamo temponya pahuku tau seʼe, bereʼe mau sambaʼa tau anu da lapa.”

Yeremia 46:21

Ewanceʼe seʼe waʼa ncurodado anu maroso bareʼe nakoto molengko jamo ewa ana japi anu maʼai ngkabokonya. Bareʼe nakoto ntau seʼe mombetoto. Pura-pura molonco naka neʼe mate. Eo mpahuku tau seʼe ratamo, temponyamo tau seʼe da napere ngkapari.

YEHESIKIELI 28:24

Ndatoʼo i mPue, “Waʼa lemba anu samposorinya anu reʼemo napampetikodi Isaraeli, bareʼemo da mewali ewa rui anu da mampakajuʼa Isaraeli. Da narata ndayamo ntau seʼe kayakunya Pue Anu Ndate ri Peawanya.”