Mikha 7:12 - Sura Magali Nuntu Ngkatuwu

¹² Waʼa ntaumu da mewalili ri siko ungka ri mbeʼi-mbeʼi – ungka ri Asuri tondo pebetea, ungka ri Masiri tondo selata, ungka ri daera Koro Eparata, ungka ri sambote ntasi pai ungka ri waʼa buyu anu lawa.

Mikha 7:12 Referans Kwoze

Hosea 11:11

Ungka ri Masiri da maliga karata ntau seʼe ewa poyoko ntonci, pai ungka ri Asuri da ewa putiʼa sadompu. Nepa da kukeni muni tau seʼe mewalili ri banuanya. Yaku Pue anu mompaumo seʼi.”

Yesaya 11:16

Tila ntau anu totaʼa setu da reʼe jaya bangke da pesuwunya ungka ri Asuri, da ewa tempo mpesuwu nto Isaraeli ungka ri tana Masiri.

YEHESIKIELI 37:21

Nepa da nutoʼoka tau seʼe, Yaku Pue Anu Ndate ri Peawanya da mangantima pura-pura bancaku ungka ri suo-suo ntana mbeʼi ntano kanjau ntau seʼe. Tau seʼe da kupasambaka pai da kukeni mpewalili ri tana ntau seʼe.

YEHESIKIELI 29:21

Ane tepewalimo inceʼe, Yaku da mampapewali to Isaraeli sambaʼa banca anu maroso, pai inceʼe popuʼunya siko Yehesikieli, da mompau mpodago ri pura-pura tau painaka da napokono mampedongeka siko. Da naincanimo ntau seʼe ka-Yakunya Pue.”

Yeremia 31:8

Ungka ri utara tau seʼe kukeni mpewalili; Kupasambaka tau seʼe ungka ri waʼa ntando lino. Tau buta pai tau pungku da sangkani-ngkani pai tau seʼe ewanceʼe seʼe weʼa anu nepa roo mpinca moʼongaa pai anu matuʼamo komponya. Tau seʼe pura-pura da rata muni ri gori ngkasondo imbanya ri tana seʼi.

Yeremia 23:3

Paikanya waʼa yabi ntauku da kupasambaka ungka ri waʼa ntana kupantaji tau seʼe. Tau seʼe da kukeni mpewalili ri tana mpebete ntanoananya, pai mulinya da terangani kasondonya.

Yeremia 3:18

Isaraeli da mompasambaʼa-mbaʼa pai Yahuda, pai da sangkani-ngkani karatanya ungka ri tana pantawani ri tondo utara. Tau seʼe da mewalili ri tana anu roo kuwaika da mewali tana panta ri tau piamomi.”

Yesaya 49:12

Ungka ri kalawanya da karata waʼa ntauku, ungka ri utara, kasoyoa pai ungka ri Sini ri selata.”

Yesaya 43:6

Kusongkaka utara pai selata, da naka maliga-liga ndalapasaka tau seʼe. Da naka waʼa anamu tuama mewalili ungka ri kalawanya, pai waʼa anamu anu weʼa mewalili ungka ri waʼa ntando lino.

Yesaya 11:11

Ri eo setu i Pue sangkani woʼu da mantuju kuasaa pai da mangkeni mpewalili yabi waʼa ntaua ri tana nto Asuri pai to Masiri, ri waʼa lemba nto Patarosi, Sudani pai Elami, ri Babeli, Hamati pai waʼa ntogongi anu lawa.

Yeremia 46:27

“Waʼa ntau-Ku Isaraeli, neʼemo maeka! Watua-Ku i Yako, neʼe kandende-ndende! Komi pai waʼa mulimi da Kusorepaka ungka ri tana anu lawa, ri kareʼe mpantawani komi. Komi da mewalili pai da meari ri tanami ri kaʼuononya. Komi da tuwu ri kalindo ndaya bareʼemo da reʼe anu ndipokaeka.