Mikha 7:1 - Sura Magali Nuntu Ngkatuwu

¹ Marugi yaku! Jamo ewa tau anu yoga njoʼu mampupu wua ngkaju seʼi liumo turo mpowuanya. Bareʼemo reʼe wua ngkaju ri puʼunya. Wua anggoro pai wua ara anu madago puramo ndapupu.

Mikha 7:1 Referans Kwoze

Hosea 9:10

Ndatoʼo i mPue, “Ri uyu-uyu kuparata Isaraeli, mawongko rayaku ewa tau anu marata wua anggoro ri pada bone. Ri uyu-uyu kupangkita tau piamomi, mawongko rayaku ewa tau anu mangkita uyumbua puʼu ngkaju ara. Paikanya, ri tempo ngkanjoʼu ntau seʼe ri Buyu Peori, natepuʼumo ntau seʼe manyomba ri Baali, painaka mewali karika tau seʼe ewa lamoa anu napomawo ntau seʼe setu.

Yesaya 28:4

Katebambari ngkota ntau seʼe anu montepuʼu manturumo setu da pura. Katedikanakanya da ewa wua ara anu matasa banyapa ri turonya; jasampangkita, liu-liu ndapupu pai ndakoni.

Yesaya 24:13

Incetumo anu da mewali ri sambawo lino ri sambaʼa-sambaʼa banca. Siwia pai turo mpomota, sindara pampupu wua saitu rantani pura pai wua anggoro anu kapusanya ndapupu ungka rei puʼunya.

Yesaya 17:6

Da ewa puʼu saitu anu roomo ndapupu wuanya pai jamo teasa ogu wuanya ndate ri tando ndaʼanya, ewanceʼe woʼu to Isaraeli jamo da sakodi tau anu da tesorepaka. Yaku i Pue, Pue Ala pue nto Isaraeli anu mompau seʼi.”

Yeremia 45:3

siko mongkanguru ewaseʼi, ‘Ode mapari kojo yaku seʼi! Maria kapari anu kupomberataka woʼu i Pue pai waʼa mpari ndaya. Tojokumo meʼode-ode, beliu-liu reʼe karodo ndaya ri yaku!’

Yeremia 15:10

Monoto waʼa rugi anu kupomberataka! Nunjaamo yowenya ndapampoana ineku yaku? Maka, pai pura-pura tau ri tana seʼi yaku da mopaiso pai da mombebali-bali. Seʼi yaku bareʼe mampapasaboka bara moncabo ri tau, paikanya natusaki ntau pura-pura yaku.

Yeremia 4:31

Kudonge oni nganga mekakai ua majuʼa ewa weʼa anu da moana; ewa weʼa anu mangurapa da mampoana ananya anu kaʼisa, ewanceʼemo oni mpotumangi Yerusale anu subu poʼinosanya. Palenya mekangkabe pai meʼode-ode, “Marugimo yaku – yaku da napepate iwali!”

Yesaya 24:16

Ungka ri tando lino da tedonge ngayu mpeunde tila nto Isaraeli, banca anu mepoʼinaya. Paikanya marugimo Yaku! Yaku mantodosaka pari! Tau toponggoli-nggoli ntongo monggoli-nggoli mpaliu.

Yesaya 6:5

Nepa mompau yaku kutoʼo, “Marugi! Bareʼemo da tuwu yaku, maka ngujuku anu keʼonu ua salaa pai yaku seʼi meari ri oyo waʼa banca anu ewanceʼe seʼe katedikanakanya. Paikanya mau ewanceʼe, kukita matamo Mokole, i Pue Anu Makuasa!”

Masmur 120:5

Marugimo yaku ua sangaya-ngaya da tuwu pai komi; bereʼe posisalanya ewa maroo-roo ri Meseki, bara ewa mewali tau mencua ri Kedari.

Yeremia 24:2

Karanji anu kaʼisa ndabangika wua ara anu lesesi ewa taʼa wua ara uyu mbua, pai karanji anu karadua ndabangika wua ara anu ososi, painaka bareʼe madago da ndakoni.

Pombilang 18:13

Pura-pura setu paka galamu. Pura-pura tau bangani ncomborimu anu bareʼe karika maya nakoni.

PATADA 20:6

Maria tau anu mangaku siʼa sambaʼa bale, paikanya mapari ndapampepali bale anu todo kojo.

Yeremia 5:1

Ee bangani Yerusale, waʼa jaya ri raya ngkotamu! Pepalimo ri mbeʼi-mbeʼi pai da nupangkitamo ngkaliomu. Paresamo ri tana lapa ngkota bara da reʼe sambaʼa tau anu mayoa rayanya anu mompari-mpari todo ri Pue Ala. Ane reʼe ndirata. Ane reʼe ndirata, bareʼemo da ndakitanaka i mPue salaa Yerusale.