Mikha 6:8 - Sura Magali Nuntu Ngkatuwu

⁸ Bareʼe! I Pue mantujukamo kita nunjaa anu madago. Anu ndapedandaka ungka ri kita inceʼemo da naka mayoa powiata, bareʼe bali-bali tuwu ri pombepomawo, pai ri kalauka ndaya kita da tuwu ri kasambaʼa-mbaʼa pai Pue Ala pueta.

Mikha 6:8 Referans Kwoze

PATADA 21:3

Powia anu mayoa pai monco inceʼe anu maʼai pampokawongko i mPue, meruu ungka ri mpengaya-ngaya panyomba.

Kolose 3:12

Komi tau i mPue Ala, i Pue Ala mampotowe komi pai mampilisimo komi mewali tau anu ndapatani, inceʼe painaka da ndituju kapande ndaya, kalulu ndaya, kalauka ndaya, maʼalusu pai todo ri raya ngkapari.

Yeremia 22:3

“Ndiwianakamo dago pai yoa. Ndilapamo waʼa ntau anu ndajeani ungka ri pale ntau anu majeani. Neʼe mejeani bara mampiwia jaʼa ri tau mencua, ana ilu bara bemba. Neʼemo ndipepate tau anu bareʼe masala ireʼi.

Hosea 6:6

Anu kupokono inceʼe komi mangaincani Yaku pai da mampotowe Yaku, painaka komi maʼombasi pai mampanyombaka panyomba ri Yaku.

1 Samuel 15:22

Paikanya pompau i Semueli, natoʼo, “Anu mbeʼi da ndapokono i mPue, pedonge ri songkaa bara pawai panyomba? Pepoʼinaya ri Pue inceʼemo anu meruu mpeawanya painaka pombai panyomba. Medonge inceʼe anu meruu ngkadogonya painaka lori bimba.

Yesaya 66:2

Sambawo lino seʼe powia mpale-Ku, Yaku mampapewali pura-pura setu. Paikanya anu kupokawongko ndaya inceʼemo tau anu lauka raya, anu mamponcosoi waʼa ncalaanya, anu maeka pai mepoʼinaya ri Yaku.

1 Petrus 3:8

Kamonconya ewaseʼi: Komi pura-pura da siuju-uju pai da siwia raya. Komi da mombepokapuru sambaʼa pai sambaʼa da ewa tau sangkompo. Mbolimo komi da pande mporaya ri kalauka ndaya.

Lukas 6:36

Mbolimo komi da tuwu ri kapande mporaya ewa Papami woʼu kapande ndaya-A!”

Lukas 11:42

Marugimo komi waʼa to Parisi! Ndipepombaikamo sampotila sampuyu ungka ri solasi pai inggu pai waʼa rampa anu ntaninya ndipanyombaka ri Pue Ala, paikanya kamonco pai towe ri Pue Ala inceʼe bareʼe ndiwianaka. Ntanoka inceʼe anu sangaya-ngaya da ndiwianaka, pai anu ntaninya woʼu bareʼe ndikalingani.

AMOSI 5:24

Moruana, ndipari-parimo da naka yoa moili ewa ue, pai kayoa ndaya da ewa koro ue anu bereʼe kaʼotinya.

Matius 5:7

Yontomo kalindo ndaya ntau anu mampokapuru tau ntaninya; Maka i Pue Ala da mampokapuru tau seʼe!

Epesus 4:32

Paikanya, tuarapa komi da pande mporaya pai maʼalusu sambaʼa pai sambaʼa, bareʼe mombekitanaka sala ewa i Pue Ala bareʼemo mangkitanaka salaami mampoliu i Kerisitu.

Pomulanya 18:19

Siʼa roomo kupilisi da mangancongka waʼa ananya pai waʼa mulinya da mepoʼinaya ri yaku pai da mangawianaka nunjaa anu madago pai mayoa. Ane nawianaka ntau seʼe inceʼe, pura-pura anu roo kujanjika i Burahima da kubangani.”

TOPOTUNTU 12:13

Ri karoonya pura-pura kutimba-timba, seʼimo potandonya anu kurata. Pokaekamo i Pue Ala pai pepoʼinayamo ri waʼa ncongka-A, maka ua podo kaʼinceʼenya ndapapewali tolino.

Hosea 12:6

I Pue Ala setu inceʼemo Pue Anu Makuasa. Toʼo-A inceʼemo Pue. Pai toʼo setumo Sira mantangara ndaya tau da manyomba ri Sira.

Yesaya 57:15

Maka ewaseʼi pau i mPue Ala Anu Ndate ri Peawanya pai Magali anu makuasa rantani masae-sae, “Yaku meari ri kareʼe anu ndateka pai magali, pai ri oyo ntau anu lauka raya, pai mamponcosoi waʼa ncalaanya, da mawali mpakaroso muni pai mawai pampomata-mata ri tau seʼe.

Matius 5:3

“Yontomo kalindo ndaya ntau anu maepe bereʼe pangkotonya pai podo montambusaka ri Pue; Maka i Pue Ala da mamponinika tau seʼe!

SEPANYA 2:3

Ndipewalilimo ri Pue, ee komi anu lauka raya ri tana seʼi, pai pura-pura tau anu mepoʼinaya ri waʼa ncongkaa. Ndipowiamo silulu pai pepokono i mPue, pai ndipakalaukamo rayami ri suaraa. Tuarapa komi da lapa ungka ri popahuku ri eo i Pue da mantuju karau ndayaa.

DANIELI 4:37

Mewali seʼi-seʼi yaku, i Nebukanesa, maunde, mabangkei pai mampapeawa Datu Ncuruga. Pura-pura powia-A anu monco pai mayoa, pai Sira mangkoto mangkodisi tau anu mobangke-bangke.

Masmur 37:26

Siʼa bareʼe bali-bali mampapasaboka pai mombai ri tau, pai waʼa ananya mewali popadonco ri siʼa.

NEHEMIA 9:13

Ungka ri yangi menaʼu komi ri wawo Buyu Sinai, nepa mompau komi ngkaliomi ri waʼa ntau-Mi. Komi mawai padika, ada pai songka anu mayoa, monco pai moyowe.

Masmur 112:4

Karemenya da merara ri tongo mbani tila ntau mayoa raya; tila waʼa ntau anu mayoa, matowe pande mporaya.

Ratapan 3:26

Mewali tapopeamo ri rodo ndaya rantani rata i Pue mawai pompelae.

Masmur 112:9

Siʼa mampotilaka waʼa aga-aganya, pai mawai kabuya ndaya ri tau kaasi-asi; bareʼe bali napampowia anu madago, inceʼe painaka siʼa setu makuasa pai ndatubunaka.

Masmur 73:28

Paikanya yaku maʼai kadagonya mosu ri Komi Pue Ala, Pue Ala mewali kareʼe mpetatondoku, da naka kuleʼo mampobambarika waʼa mpowia-A.

2 Tawarikh 34:27

moncosoi siko pai nupakalauka koromu ri suaraku. Roo Kupakanoto da mahuku Yerusale sangkani pai tau banganinya, paikanya butu nudonge kono popahuku setu, motumangi siko nusiati bajumu tanda ngkapari ndayamu. Kudongemo pekakaimu,

Yakobus 2:20

Komi tengo gaga! Ara sangadi da kutujuka komi, kabareʼenya reʼe yowenya mampotumpu peaya ndaya anu bareʼe ndatuju ri powia?

Roma 7:16

Mewali, ane yaku mawianaka anu mombeewa pai pepokono ndayaku, inceʼe posokinya kuʼaku kamonco waʼa mpadika agama nto Yahudi.

2 Tawarikh 32:26

Paikanya ripurinya i Sikia pai waʼa nto Yerusale mampakalauka rayanya, painaka ri sangkasae ngkatuwu i Sikia popahuku setu bareʼepa ndawianaka.

1 Samuel 12:23

Kono ri yaku ngkalioku, tuarapa yaku bareʼe ndapaka sala i mPue ua bareʼe mampekakaika komi. Paikanya yaku da mampaguru mpaliu komi kono waʼa anu madago pai monco.

Roma 9:20

Ee waʼa ngkasangkompo! Siko podo tolino, anu bereʼe kuasamu da maewa i Pue Ala! Ara da mewali kura da mantoʼoka tapomoncu ara wenu painaka nupomoncu yaku ewanceʼi?

Lukas 10:42

ntanoka podo sangaya anu moyowe. Pai inceʼe anu napilisi i Maria, anu bareʼe da ndatima ungka ri siʼa.”

YEHESIKIELI 16:63

Bareʼemo da kupepalisi pura-pura salaamu, paikanya siko bareʼemo da nukoto da mangangkalingani pai siko da maea matamu da mangantoʼo bara nunjaa-njaa. Yaku Pue Anu Ndate ri Peawanya anu mantoʼomo seʼi.”

2 Tawarikh 33:23

Paikanya posisalanya pai papanya, i Amoni bareʼe mampakalauka koronya pai bareʼe mewalili ri Pue. Siʼa meruu woʼu kajaʼanya painaka papanya.

2 Tesalonika 2:16

Mbolimo, Pueta i Yesu Kerisitu, pai i Pue Ala Papata mampalindo pai mampakaroso rayami da ndipangkoto mampotetalaka pai mampobambarika anu madago.

Pomulanya 5:22

Roo setu i Heno tuwu ri kasambaʼa-mbaʼa pai Pue Ala ri raya anu 300 ntaʼu. Siʼ marata woʼu waʼa ananya anu ntaninya,

TADUMPANYOMBA 26:41

painaka molengkomo yaku maewa tau seʼe pai mangairimo tau seʼe natawani waʼa iwali ri tananya. Ri purinya ane waʼa mulimi medongemo ri karoonya maepe popahuku ua waʼa ncalaa pai peewa ntau seʼe,

2 Tawarikh 33:19

Ri raya nTuntuka Waʼa Nabi roo ndaʼuki woʼu pekakai i Manase pai pasono i mPue Ala pekakainya, ewanceʼe seʼe kono waʼa ncalaanya ri kabareʼepanya majea siʼa, waʼa tampa mpanyomba ri lamoa pai waʼa nturuki Dewi Asera anu napowia sangkani pai waʼa lamoa anu napanyomba.

1 Korintus 7:16

Ua komi ewa sambaʼa rongo – anu meayamo ri Pue – ewambeʼi da ndipaincani mpodago kabareʼenya ndikoto mancorepaka langkaimi? Ewanceʼe seʼe komi langkai anu to Kerisitu – ewambeʼimo da ndipaincani mpodago kabareʼenya ndikoto mancorepaka rongomi?

2 Tawarikh 30:11

Paikanya reʼe yau waʼa ntau ungka ri lemba i Asere, i Manase pai i Sebulo anu mampokono rata ri Yerusale.

Lukas 12:14

Mesono i Yesu ndatoʼoka siʼa, “Isema anu madika Yaku da mabotusi pantila panta ri komi radua?”

Ulang 30:15

Sandeme seʼi maya ndipilisi anu madago bara anu majaʼa, bara tuwu bara mate.

Yesaya 56:1

Ndatoʼo i mPue ri waʼa ntaua, “Wianakamo nunjaa anu monco pai anu silulu pai padikaku. Maka sakodipa tempo Yaku da rata mancorepaka komi, pai kamoncoku da ndapatongawa.

YEHESIKIELI 33:14

Pai bara jareʼemo kupampatiendo tau majaʼa kasiʼanya da mate. Paikanya ane napeʼontoka mowia salaa pai natepuʼumo mampowia anu madago pai monco, rapanya siʼa mampapewalili aga-aga ntau anu nagade ri siʼa, bara napelima, pai mapoʼinaya ri waʼa mpadika anu mampareʼe katuwu, ane ewanceʼe siʼa bareʼe da mate.

Mikha 6:9

Maʼai ngkaloʼe kita ane mampokaeka i Pue. Sira meboo ri waʼa ntau ri kota, ndatoʼo, “Pedongeka ee komi anu mompasambaka ri kota!

Sakharia 7:9

“Motaʼu-taʼu anu ndaliunakamo Yaku mangawai waʼa ncongka seʼi ri waʼa ntau-Ku, ‘Komi sangaya-ngaya da monco poʼengkomi, da pande mporaya ri kasiyunumi.

Ulang 27:10

Inceʼe painaka ndipepoʼinayamo ri Pue Ala puemi, pai da ndiwianakamo pura-pura songkaa anu kuwaika komi sandeme seʼi.”

Yosua 24:14

Nasumparaka i Yosua paunya natoʼo, “Mewali seʼi-seʼi nditubunakamo i Pue pai ndipeʼurumo ri Sira ri kabuya ndayami pai ri katodo, nditawanakamo waʼa lamoa ntaninya anu iowi napanyomba waʼa ntau piamomi ri Mesopotamia pai ri Masiri. Podo ri Pue da peʼurumi.

Masmur 101:1

Polinga i Daudi. Yaku da mampongayuka kono katodo pai kayoa, tila-Mi boo Pue, ngayu mpeundeku!

Yeremia 9:23

Ndatoʼo i mPue, “Tau anu loʼe bareʼe maya mampekiundeka kaloʼe ntau seʼe, tau anu maroso mampekeni-kenika karosonya, pai tau anu koreʼe mampekeni-kenika kakoreʼenya.