Mikha 6:5 - Sura Magali Nuntu Ngkatuwu

⁵ Ee waʼa ntau-Ku, da ndiendomo nunjaa anu narencana i Bala mokole nto Moabi kono komi, pai nunjaa anu napesonoka i Bila ana i Beori ri siʼa. Ndiendomo nunjaa anu mewali ri pelinja ri oyo mpokema ri Sitimi pai Giligali. Ane kono ndiendo pura-pura setu, da ndirata ndayamo nunjaa anu roomo kupowia mancorepaka komi.”

Mikha 6:5 Referans Kwoze

Pombilang 25:1

Sindara ngkaroo-roo banca Isaraeli ri Lembo ntana Sitimi, waʼa ntuama ntau seʼe montepuʼumo mosalara pai waʼa mbeʼa nto Moabi anu njau njairia.

TADULAKO 5:11

Mosu ri waʼa ntibubu ndadonge, tau mongayu madoro, mampau penangi i mPue papongkani-ngkani, penangi nto Isaraeli tau i mPue. Modedemo tau seʼe njoʼu ri baa-baa ngkota.

Yosua 4:19

Katowote nto Isaraeli ri sambota ngKoro Yarade kono ri sampuyu eo mbuya anu kaʼisa, nepa mokema tau seʼe ri Giligali tondo mpebetea kota Yeriko.

Pangkita 2:14

Mau ewanceʼe, reʼe bara tesangkuja ngaya anu bareʼe Kupokono ri oyomi: Reʼe santila tau ri oyomi anu malulu nunjaa anu napaguru i Bilea. Maka i Bilea mampaguru i Bala ewambeʼi jaya da napanawusaka to Isaraeli ri kasalaa: Inceʼemo mangkanarasi tau seʼe da naka nakoni anu roo ndapanyombaka ri lamoa, pai mawianaka engko mposalara.

I Yudas 1:11

Marugimo tau seʼe! Tau seʼe malulumo jaya anu nalulu i Kai. Podo da naparata doi, tau seʼe manawumo ri raya ngkalingu, siwia pai i Bila. Pai tau seʼe da ndagero ua meewa siwia pai Kora.

1 Yohanes 1:9

Paikanya ane tapangakuka waʼa ncalaata ri Pue Ala, Sira da mabangani janji-A da mawianaka anu mayoa. Sira bareʼemo da mangkitanaka waʼa ncalaata pai da mampakagali kita ungka ri waʼa mpowiata anu sala.

2 Petrus 2:15

Bareʼe napokono malulu jaya anu monco painaka lingumo. Tau seʼe malulu jaya i Bila pai i Beori owi. I Bila da rayanya marata doi ua powianya anu majaʼa.

Masmur 143:11

Ndisorepakamo yaku silulu pai janji-Mi, boo Pue, ua kadago ndayami, ndilapasakamo yaku ungka kaparindaya.

Ulang 16:3

Panyomba Pasa setu sangaya-ngaya da ndakoni pai roti anu bareʼe ndaragi. Papitu ndeme kasaenya komi da mangkoni roti anu bareʼe ndaragi, ewa ri tempo mpondadusimi malai ungka ri tana Masiri. Ndikonimo roti setu, roti setu ndapapotoʼoka roti ngkapari, da naka sangkarate ngkatuwumi bareʼe da ndikalingani eo mpalaimi ungka ri tana Masiri ri kareʼe ngkapari ngkatuwumi.

Ulang 9:7

Neʼe ndikalingani ewambeʼi ndipampakarau raya i mPue Ala puemi ri pada bone. Montepuʼu ungka ri pampalaikami tana Masiri rantani rata komi ireʼi, komi maewa i Pue.

Ulang 8:18

Neʼe ndikalingani i Pue Ala puemi anu mawaika komi kakoreʼe. Inceʼe ndapowia maka rantani rata ri eo seʼi Sira ntongo todo ri janji anu ndapareʼe pai tau piamomi.

Epesus 2:11

Da ndiendo ndayamo katedikanakami ntongo i owi; komi ndatoʼo, “Tau anu bareʼe ndasuna”, pantoʼo nto Yahudi anu mampetoʼo-toʼoka tau seʼe anu roo ndasuna (anu ndatinako ndaya inceʼemo tau seʼe anu maratamo petondoni anu napowia ntolino ri koro ntau seʼe).

Ulang 8:2

Neʼe ndikalingani! Aopo mpuyu ntaʼu kasaenya i Pue Ala puemi mawawanaka komi ri raya mpelinjami anu lawa malempo pada bone. Ri raya mpelinja setu komi ndapebutuka i mPue da ndapangkita nunjaa bangani ndayami pai bara da ndilulu waʼa ncongkaa.

Pombilang 31:16

Ara banya waʼa mbeʼa saretumo anu napokau i Bila mangkanarasi to Isaraeli ri Peori da mampalaika i Pue! Pai incetumo anu mampareʼe rugi ri waʼa ntau i Pue!

Pombilang 31:8

tesua alima mokole nto Mijea, inceʼemo: i Ewi, i Reke, i Suri, i Horu pai i Reba. I Bila ana i Beori woʼu ndapepate.

Pombilang 23:27

Natoʼo i Bala, “Maʼimo tapalai ri sambakanya. Boi da ndawaimo i mPue Ala da mantadeasi kaku ti Isaraeli njairia.”

Pombilang 22:41

Bangke reme napoyunumo i Bala i Bila mandake ri buyu Bamoti Baali. Ungka ndatiria da napampetiro i Bila santila to Isaraeli.

Masmur 111:4

I Pue seʼe matowe pai pande mporaya, Sira mangawianaka waʼa mpowia anu bangke. da naka neʼe bali tapangaendo Sira.

Masmur 71:19

Boo Pue Ala, kayoa-Mi sawi ri yangi; ara bangkesa waʼa mpowia-Mi; isema anu mangkoto mangkasiwiaka Komi?

Masmur 36:10

Komimo puʼu ngkatuwu pura-pura anu moʼinosa, ri pesindi ngkilaya-Mi kakita mareme-reme.

1 Samuel 12:7

Seʼi-seʼi neʼepa riunya malai komi, maka reʼe anu da kutoʼo kono komi ri suara i mPue Ala. Dandilele ndayamo waʼa ngkapuru ndaya i mPue anu ndapapaepekamo komi pai ri waʼa ntau piamomi.

Yosua 2:1

Ungkalairia, ungka ri kareʼe mpokema nto Isaraeli ri Sitimi, napokau i Yosua radua tau njoʼu padaso ri Kanaʼa. Tau radua setu nasongka da njoʼu mamparesa tana Kanaʼa, kanjoʼu ntau seʼe da mesasambuni, anu kaʼisa da napadasoki ntau seʼe inceʼemo kota Yeriko. Njoʼumo kojo tau radua setu ri kota Yeriko, tau seʼe melinggona ri banua sambaʼa weʼa anu bareʼe tumoro, toʼonya i Rahabu.

Yosua 3:1

Bangke reme mowuro-wuro mpodago i Yosua sangkani pai waʼa nto Isaraeli mompatikalimo, malaimo ungka ri kareʼe mpokema ntau seʼe ri Sitimi, megencumo ri wingke ngKoro Yarade. Njairia tau seʼe mawangu kema malantu-lantu tempo da mpowote.

TADULAKO 11:25

Nusarumaka siko anu meruu kakuasamu pai i Bala ana i Sipora mokole nto Moabi setu? I Bala bareʼe nataha maewa kami da moʼiwali.

Yesaya 1:27

I Pue mayoa, inceʼe painaka Sira da mancorepaka Yerusale pai waʼa ntau anu moncosoi.

Pombilang 25:2

Waʼa mbeʼa setu maenggeri tau seʼe njoʼu ri waʼa mposusa panyomba da mabangkei lamoa ntau seʼe. To Isaraeli tesua woʼu mangkoni panyomba setu pai manyomba ri lamoa nto Moabi.

Ulang 23:6

Sangkasae ngkatuwumi pai rantani masae-sae, neʼe boi nditulungi waʼa banca setu bara da mampakagana-gana katuwunya.