Mikha 5:3 - Sura Magali Nuntu Ngkatuwu

³ Ane ratamo tau anu makuasa setu, Siʼa da mamparenta waʼa ntaunya ua roso pai kuasa anu ungka ri Pue Ala puenya. Waʼa ntaunya da tuwu ri kaʼuono, maka pura-pura tau ungka ri sambawo lino da mangaʼaku kabangke-A,

Mikha 5:3 Referans Kwoze

Matius 1:21

I Maria da mampoana sambaʼa ana tuama. Ananggodi setu da nupapotoʼoka i Yesu, maka siʼa da malapasaka waʼa ntaua ungka ri kasalaa ntau seʼe.”

Mikha 4:7

Tau seʼe ndalenteimo pai tuwu lawa ungka ri lipu mpebete ntanoananya. Paikanya ungka ri waʼa ntau yabinya setu, Yaku da mantepuʼu sambaʼa muli anu dawoʼu. Tau seʼe da mewali banca anu bangke pai maroso. Yaku da mamparenta tau seʼe ungka ri Pongkuntana Sioni rantani masae-sae.”

Hosea 11:8

Ndatoʼo i mPue, “Ee Isaraeli, bareʼe mewali siko da kupapaliuka bara da kupalaika. Ara da mewali siko da kugero ewa i Adima? Bara da kupowia ewa i Seboi? Bareʼe loʼu rayaku da mampowia ewanceʼe, maka maʼai gaga kupampomawo siko!

Mikha 7:13

Paikanya lino da mewali londa-londa ua kajaʼa ntau anu mampeari.

Hosea 2:14

Ndatoʼo i mPue, “Inceʼe painaka yaku da mangangkeni siʼa ri pada bone; njairia siʼa da kukanarasi pai waʼa mpau ngkamawo.

Hosea 2:9

Inceʼe painaka ri turo mpomota, yaku mangawali ntima muni waʼa mpombaiku setu, ewa gandu, anggoro, ayapa wuyu bimba pai ayapa lena anu kuwaika siʼa da naporengko.

Roma 8:29

Waʼa ntau anu roo ndapilisi i mPue Ala, lawi ungka ri tepuʼunya da mewali siwia pai Ana-A i Yesu Kerisitu, inceʼe painaka Ana-A setu mewali anu uyue ri oyo ntau maria.

Matius 25:40

Da mesono i Mokole setu, ‘Da nakanoto ri rayami, pura-pura anu roo ndipowia ri sambaʼa kasangkompo-Ku anu mapari katuwunya seʼi, inceʼemo powiami ri Yaku.’

Matius 12:50

Maka tau anu mawianaka pepokono mPapa-Ku ri suruga inceʼemo kasangkompo-Ku tuama, kasangkompo-Ku anu weʼa pai ine-Ku.”

Mikha 6:14

Komi da mangkoni paikanya bareʼe da mabosu – ja da maoro mpaliu. Komi da manganteo waʼa aga-aga paikanya bareʼe ndikoto mampakoroka ri kaʼuononya. Pai nunjaa ntano anu ndipakoroka da Kulesaki ri raya mpoʼiwali.

Yeremia 31:1

Ndatoʼo i mPue, “Da rata temponya, Yaku da mewali Pue Ala ri pura-pura lemba nto Isaraeli, pai tau seʼe da mewali waʼa ntau-Ku.

Yesaya 11:11

Ri eo setu i Pue sangkani woʼu da mantuju kuasaa pai da mangkeni mpewalili yabi waʼa ntaua ri tana nto Asuri pai to Masiri, ri waʼa lemba nto Patarosi, Sudani pai Elami, ri Babeli, Hamati pai waʼa ntogongi anu lawa.

2 Tawarikh 30:7

Neʼe ndilulu engko waʼa ngkaimi pai to Isaraeli anu ntaninya anu bareʼe todo mepoʼinaya ri Pue Ala pue ntau seʼe. Ndikitamo ngkaliomi ewambeʼi kaneenya ndapangahuku tau seʼe.

1 RAJA-RAJA 14:16

Tau seʼe da ndapalaikamo i mPue, maka i Yerobea mampowiamo salaa inceʼe woʼu popuʼunya kanawu nto Isaraeli ri salaa.”

AMOSI 5:15

Ndipobanciikamo anu majaʼa, ndipomawomo anu madago, pai ndipatoa kayoa. Tuarapa i Pue da mampokapuru waʼa ntau anu totaʼa ungka ri banca Isaraeli.

Mikha 5:7

To Isaraeli anu maroo-roo ri oyo waʼa banca da ewa singa ri tongo waʼa mpinatuwu yopo bara ewa ri tongo dompu bimba ri pada ewo. Singa setu mesua ri tongo-tongo dompu bimba setu, naija-ijaki pai nasempati; bereʼe anu mangkoto malapa waʼa bimba setu.

Mikha 5:8

Isaraeli da manganangi waʼa iwalinya pai da mangagero tau seʼe pura-pura.

Masmur 67:3

Boo Pue Ala, tuarapa pepokonomi ndaincani ri sambawo lino, pai katesorepaka ungka ri Komi ndapatongawa ri oyo pura-pura banca.

Yesaya 49:6

Ndatoʼo i mPue ri yaku, “Tetala anu meruu ngkabangke mampopea siko, ee watuaku; siko banya podo da mampapewalili yabi muli i Yako pai da mawali wangu muni katetoʼo waʼa lemba nto Isaraeli, paikanya kupapewali woʼu reme ri waʼa banca, da naka sambawo lino ndasorepaka.”

Yeremia 23:5

Ndatoʼo i mPue, “Da rata temponya da kupangalanti sambaʼa mokole anu mayoa ungka ri muli i Daudi, mokole setu da moparenta ri kaloʼe ndaya, pai da mawianaka anu mayoa pai monco ri pura-pura lemba.

YEHESIKIELI 34:16

Anu tetaji da kupepali, anu lingu da kukeni mpewalili, anu mawela da kuwewesi welanya, anu majuʼa da kupakulisi; paikanya anu maboko pai anu maroso inceʼe da kuʼopisaka, maka Yaku topongkambi anu da mangawianaka nunjaa anu madago.

Mikha 4:4

Sambaʼa-sambaʼa tau da tuwu ri kaʼuono pai kaliondandaya, ri tongo bonde anggoro pai bonde aranya; bereʼe anu da maekati tau seʼe, incetu janji mPue Anu Makuasa.

Sakharia 10:6

“Bangani Yahuda da kupakaroso, waʼa nto Isaraeli da Kusorepaka. Kukeni mpewalili tau seʼe ri tananya, ua mapuru rayaku ri tau seʼe. Tau seʼe da kupowia ewa sambaʼa banca anu bereʼe Kupampesapuka. Yakumo Pue Ala pue ntau seʼe waʼa mpekakainya da kupedongekamo.