Mikha 5:12 - Sura Magali Nuntu Ngkatuwu

¹² Yaku da mangalesaki waʼa nturukimu pai waʼa ntugu anu nupanyomba, komi bareʼemo da mampanyomba anu ndapowia mpalemi ngkaliomi.

Mikha 5:12 Referans Kwoze

Pangkita 22:15

Paikanya waʼa ntau anu mawianaka waʼa mpowia anu ndaposari, waʼa nto powalia, waʼa ntau anu to posalara, waʼa ntau nto popepate, waʼa ntau anu manyomba ri lamoa, waʼa ntau anu kambamba-mbamba madago ri pompaunya bara ri powianya, pura-pura waʼa ntau setu kareʼenya ri sambaliku ngkota setu.

Pangkita 19:20

Paikanya pinatuwu setu ndasoko sangkani-ngkani pai nabi kambamba-mbamba anu roomo mampowia waʼa ntanda ngkuasa ri suara mpinatuwu. (Pai waʼa tanda ngkuasa setumo pinatuwu setu mambambasi waʼa ntau anu mampotumpu tanda mpinatuwu setu, pai waʼa ntau anu manyomba ri turuki mpinatuwu setu.) Nepa pinatuwu pai nabi kambamba-mbamba setu ndatajika tuwu-tuwu ri tasi apu anu mareka-reka pai belerangi.

Yesaya 2:18

Waʼa lamoa pura-pura da ndapakapaya.

Yesaya 27:9

Paikanya waʼa ncalaa nto Isaraeli bareʼemo ndakitanaka podoia lampaʼani waʼa lamoa da natunju ntau seʼe naka malesa ewa awu. Pura-pura lampaʼani pantunju dupa pai turuki Lamoa Weʼa Asera da ndalesaki woʼu.

Ulang 18:14

Ungka lairia natoʼo i Musa, “Waʼa banca anu njau ri tana anu da ndipeari setu mampedongeka waʼa ntotoraka nto pobolobiangi anu mampepali waʼa mpetondoni. Paikanya komi bareʼe ndawai i mPue Ala puemi da mowia ewanceʼe.

YEHESIKIELI 16:41

Tau seʼe da mangantunju waʼa banuamu pai da mampokau waʼa mbeʼa da mampeole pahuku siko. Ewanceʼemo da kupampapeʼonto posalaramu. Siko bareʼemo da mantila-ntila parasee ri waʼa ntengeamu.

YEHESIKIELI 36:25

Roo setu komi da kuwebusika ue anu malino, da naka magali komi ungka ri salami pai ungka mpengaya-ngaya lamoami pai ungka ri mpengaya-ngaya anu mampakakarikamo komi.

Sakharia 13:1

I Pue Anu Makuasa mantoʼo, “Ri eo setu da mebete sambaʼa mata ue anu da mampakagali muli i Daudi pai bangani Yerusale ungka ri salaa pampanyomba lamoa anu nawiakamo ntau seʼe.