Mikha 4:8 - Sura Magali Nuntu Ngkatuwu

⁸ Pai siko Yerusale, kareʼe i mPue Ala majagai waʼa ntau-A, ewa topongkambi majagai dompu bimbanya, siko da mewalili mewali ibu kota ngkamokole ewa iʼowi.

Mikha 4:8 Referans Kwoze

Yesaya 1:26

Da kuwaika muni komi waʼa ntopobotusi pai topepatuju ewa iʼowi. Da naka Yerusale da ndatoʼo woʼu kotaanu mayoa pai todo.”

Sakharia 9:10

Ndatoʼo i mPue, “Waʼa ngkareta mpoʼiwali ungka ri Eparai da kutajika, pura-pura nyara ri Yerusale da Kupapaya pai pura-pura pana da Kulesaki. Mokolemu da mamposongkaka kasimadago ri oyo waʼa banca. Ungka ri tasi sambaka njoʼu ri tasi sambaka siʼa da makuasa, ungka ri Koro Eparata rata ri tando lino.”

Pangkita 22:5

Tau seʼe bareʼemo mampake silo bara rara ndeme, maka bareʼemo reʼe wengi, maka i Pue Ala ngkalio-A anu da mampakareme tau seʼe. Tau seʼe da moparenta ewa datu rantani masae-saenya.

Sakharia 9:12

Pewalilimo ee waʼa ntau anu ndataji, seʼi-seʼi komi reʼemo pampomata-mata. Pewalilimo ri kareʼe mpetatondomu, Yaku bareʼe bali-bali mangadonco komi. Pedongeka, komi da kudonco ruangkani karianya ua waʼa ngkapari ua ndiepemo.

OBAJA 1:21

Waʼa ntau bangani Yerusale anu gana-gana katuwunya da maungku pai da mampapeʼuru Edomi. Pai Yaku Pue da moparenta ewa sambaʼa datu.”

Pomulanya 35:21

Roo setu nepa melinja mpaliu i Yako, nepa nawangu kemanya ri sambali Menara Ederi.

Epesus 1:21

Lanti i ngKerisitu setu maʼai mperuu ngkandatekanya pai waʼa lanti ntopoparenta, waʼa anu makuasa, waʼa ntadulako, waʼa ntau ndatubunaka pai bara isema woʼu anu ndawaika lanti anu bangke; madago anu ri tempo wawaseʼi madago woʼu ri tempo anu nepa darata.

Markus 12:1

Ungka lairia ndatepuʼu i Yesu mampau nuntu mporapa ri waʼa ntadulako ntadumpanyomba, waʼa guru agama pai waʼa ntopombawanaka nto Yahudi setu. Ndatoʼo i Yesu, “Reʼemo sambaʼa tau mampomuya anggoro ri salimpu bonde anggoronya, nawaya ncape. Roo setu nakae wayau ndapadika parewa mpapaa anggoro, nepa nawangu sambaʼa kandepe mpojaga. Roo setu nepa napesaroka bonde anggoro setu ri bara tesangkuja topotetala, nepa malai siʼa ri tana ntaninya.

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

2 Samuel 5:7

Mompau i Daudi ri waʼa ntaunya, natoʼo, “Bara reʼe ri oyomi seʼi anu mampobanciika to Yebusi, maka yaku seʼi mampobanciika tau seʼe? Pai maʼai kojo napampobanciika painaka da rayanya mampepate tau seʼe? Ane ewanceʼe ndipesuamo malulu wayau mpoili ue seʼi, njoʼu ndipepate waʼa ntau dingge pai tau buta anu kupobanciika setu.” (Inceʼe painaka natoʼo ntau ewaseʼi, “Tau buta pai tau dingge bareʼe maya mesua ri banua i mPue.”) Naleʼo i Daudi mancuaki pai manangi bente Sioni painaka napotundasi kota setu. Napapotoʼoka “Kota i Daudi”. Kota setu ndawangu mantolilimi bente setu, ndatepuʼu ungka ri tondo pebetea ri pongku ntana anu ndapaka ndateka ndaiwunika tana.

Pombilang 24:19

Ungka ri Yako mebete sambaʼa tau topoparenta, anu mangagero waʼa iwalinya.”

Matius 21:33

Ndatoʼo i Yesu, “Ndipedongeka woʼu nuntu mporapa anu sambaʼa seʼi. Reʼe tau sambaʼa mampotumpu tana, tana setu napobonde anggoro, nawaya ncape, pai nakae wayau da ndapampaa wua anggoro, nepa nawangu kandepe mpojaga. Roo setu nadika waʼa ntau anu ndasaro da mampotetalaka bonde anggoro setu, nepa malai siʼa njoʼu ri tana ntaninya.

DANIELI 7:18

Paikanya tau i mPue Anu Ndate ri Peawanya da mantarima kuasa moparenta pai poparentanya da mekakore rantani masae-sae.”

Yesaya 5:2

Napomanggi tananya pai nayalisi waʼa mbatunya. Napomuya anggoro anu ndapilisi, nawangu kandepe mpojaga. Nakae sambaʼa wayau tampa pampaa anggoronya, jamo nalantu katasa mbuanya, paikanya wuanya podo anggoro anu maincu.

Yesaya 10:32

Sandeme seʼi iwali ndate ri kota Noba, ndatiria palemonya jangguru napasintondo Pangku ntana Sioni kota njoʼu Yerusale.

Masmur 48:3

Sioni, Pongkuntana i mPue, meuntu-untu madolidi kota Mokole Bangke mampakawongko raya ntau sambawo lino.

Masmur 61:3

Lawa ungka ri banua kumeboo ri Komi, ua teloomo rayaku. Komi da mayunuki yaku njoʼu ri kareʼe anu uono; ri kareʼe anu ndateka gaga ri yaku,

Mikha 2:12

Ndatoʼo woʼu i mPue, “Ee waʼa nto Isaraeli anu njaupa yau yabinya! Komi sangaya-ngaya da Kupasambaka pai da Kupasambaʼa-mbaʼa da ewa bimba anu mewalili ri monconya. Da ewa pada ewo anu buke-buke pai bimba, da ewanceʼemo woʼu tanamu da buke pai waʼa ntau anu sondo.

Masmur 24:7

Ndilokamo bangke-bangke baa-baa, da ndapesua Mokole anu meawa.

NGAYU I NCALOMO 4:4

Leʼemu ewa potaʼa menara i Daudi, anu ndawangu da ndapangadika parewa mpoʼiwali. Enumu ewa potaʼa kanta sancowu, tarasulu waʼa mpomakoje pura-pura.

Sakharia 9:9

Ee bangani Sioni, pakawongkomo rayamu! Ee bangani Yerusale, ponggoramo! Peolemo! Mokole rata mangkeni penangi! Siʼa Mokole anu mayoa anu mangkeni katesorepaka. Paikanya Sira lauka raya, Sira rata mampelamba kalide, sambaʼa kalide anu mangurapa.