Mikha 4:7 - Sura Magali Nuntu Ngkatuwu

⁷ Tau seʼe ndalenteimo pai tuwu lawa ungka ri lipu mpebete ntanoananya. Paikanya ungka ri waʼa ntau yabinya setu, Yaku da mantepuʼu sambaʼa muli anu dawoʼu. Tau seʼe da mewali banca anu bangke pai maroso. Yaku da mamparenta tau seʼe ungka ri Pongkuntana Sioni rantani masae-sae.”

Mikha 4:7 Referans Kwoze

Lukas 1:33

Pai siʼa da moparenta ewa mokole ri muli i Yako rantani masae-sae. Poparentanya bareʼe da reʼe kapusanya.”

Mikha 7:18

Bereʼe Pue Ala anu ewa Komi, boo Pue, anu bareʼe mangkitanaka salaa waʼa ntau anu ndipilisi anu totaʼa. Banya rantani masae-sae karau ndayami; paikanya ndipokono mantuju towemi anu bereʼe kapusanya setu.

Mikha 2:12

Ndatoʼo woʼu i mPue, “Ee waʼa nto Isaraeli anu njaupa yau yabinya! Komi sangaya-ngaya da Kupasambaka pai da Kupasambaʼa-mbaʼa da ewa bimba anu mewalili ri monconya. Da ewa pada ewo anu buke-buke pai bimba, da ewanceʼemo woʼu tanamu da buke pai waʼa ntau anu sondo.

DANIELI 7:14

Siʼa ndawaika katetubunaka pai kuasa ewa mokole, painaka waʼa ntau ungka ri mpengaya-ngaya banca, lemba pai basa meʼuru ri siʼa. Kakuasanya da toa rantani masae-sae, pai poparentanya bareʼe da posa.

Yesaya 24:23

Wuya bareʼemo da mesindi pai reme bareʼemo da merara, maka i Pue Anu Makuasa da moparenta ewa Mokole. Sira da moparenta ri Yerusale, da wawo Pongkuntana Sioni, mampatongawa peawaa ri waʼa topombawanaka ntaua.

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

Mikha 5:3

Ane ratamo tau anu makuasa setu, Siʼa da mamparenta waʼa ntaunya ua roso pai kuasa anu ungka ri Pue Ala puenya. Waʼa ntaunya da tuwu ri kaʼuono, maka pura-pura tau ungka ri sambawo lino da mangaʼaku kabangke-A,

YOELI 3:17

“Ee, Isaraeli, seʼi-seʼi da ndiincani, ka-Yakunya Pue Ala puemi. Yaku maroo-roo ri Sioni, buyu-Ku anu magali. Painaka Yerusale woʼu mewali kota anu magali, tau mencua bareʼe da wali mpesua.

Hosea 1:10

Banca Isaraeli da mewali sondo ewa kasondo bone ri wiwi ntasi, painaka bareʼe da ndakoto da mangantubu bara mangaimba. Seʼi-seʼi i Pue Ala mompau ri tau seʼe, “Komi banya tauku,” paikanya da rata temponya Sira da mangantoʼoka tau seʼe, “Yakumo Pue Ala anu tuwu pai komi waʼa ana-Ku!”

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

Yesaya 66:8

Isema anu reʼemo napadonge anu ewancetu? Isema anu reʼemo napangkita pewalinya anu ewanceʼe potaʼanya? Paikanya banca Isaraeli ndapoanamo, ri tempo Sioni maepe kajuʼa mpoana.

Yesaya 60:22

Sakopa sombori anu kodi-kodi pai kapuru raya da mewali banca anu bangke pai maroso. Yaku Pue da ronga mawianaka, ri tempo anu singkono kojo.”

Yesaya 6:13

Pai ane ri oyo ntau sampuyu ntoʼo reʼepa sambaʼa anu totaʼa ri tana seʼi, siʼa seʼe da kuʼopisaka. Paikanya da ewa puʼu nunu ane ndatowo ntongo da laupa tuʼanya, ewanceʼe seʼe ntongo da reʼepa yabinya ungka ri banca setu anu da mampomulika tau anu magali.”

Masmur 2:6

Ndatoʼo, “Ri Sioni pongku ntana-Ku anu magali roo Kulanti mokole anu Kupilisi.”

Yesaya 16:5

Ungka lairia sambaʼa tau ungka ri muli i Daudi da mewali mokole, pai siʼa da mamparenta bancanya ri towe pai katodo. Siʼa da mampapekakore kayoa pai ganggara polengkonya mawianaka anu monco.)

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

DANIELI 4:34

Ri kapusamo ntempo anu papitu ntaʼu setu, metingara yaku ri yangi, nepa wali ngkayoa muni rayaku. Inceʼe painaka kuunde i Pue Ala Anu Ndate ri Peawanya. Kuunde pai kubangkei Sira anu tuwu rantani masae-sae setu. “Pue Ala anu mewali datu rantani masae-sae. Sira anu makuasa rantani pusa lino.

YOELI 2:32

Paikanya bara isema anu merapi pompelae i mPue, inceʼe anu da ndasorepaka. Ndatoʼo i mPue, “Ri Yerusale waʼa ntau anu Kupilisi da tesorepaka.”

SEPANYA 3:13

Waʼa nto Isaraeli anu yabinya, bareʼemo da mowia jaʼa ri sema ntano; tau seʼe bareʼemo da mombamba pai bareʼemo da metengosi. Tau seʼe da gana-gana pai uono katuwu ntau seʼe, pai bereʼe tau da ndapokaeka.”

YEHESIKIELI 43:7

“Ee tolino anu podo awu ntana, inceʼemo gadera mpoparenta-Ku. Ireʼimo da karoo-rooku ri tongo-tongo nto Isaraeli pai pai moparenta ri tau seʼe rantani masae-sae. Madago tau seʼe, ewanceʼe seʼe waʼa mokole ntau seʼe, bareʼemo da mampakakarika Toʼo-Ku anu magali ri panyomba lamoa bara ri pangadayo ntau seʼe watangkoro waʼa mokole ntau seʼe ireʼi.

OBAJA 1:21

Waʼa ntau bangani Yerusale anu gana-gana katuwunya da maungku pai da mampapeʼuru Edomi. Pai Yaku Pue da moparenta ewa sambaʼa datu.”

Mikha 2:13

Yaku da mangawete jaya pai da mangangkeni mpesuwu ungka ri kareʼe pantawani. Komi da mangaruasi waʼa baa-baa nepa malai mpaliu. Yaku, Pue ngkalio-Ku, inceʼemo Datumi pai Yaku anu da mawawanaka komi mesuwu.”

SEPANYA 3:20

Da rata temponya, waʼa ntaumu anu jianja da Kuponinika mewalili. Komi da Kupakatetoʼo ri sambawo lino, pai kagana-gana ngkatuwumu da ndapapewalili muni.” I Pue anu mantoʼomo seʼi.