Mikha 4:6 - Sura Magali Nuntu Ngkatuwu

⁶ Ndatoʼo i mPue, “Da rata temponya Yaku da mampasambaka waʼa ntau anu Kuhuku, inceʼemo waʼa ntau seʼe anu maepe pari ri kareʼe mpantawani.

Mikha 4:6 Referans Kwoze

SEPANYA 3:19

Da rata temponya anu mamparini siko da Kugero, tau anu dingge da Kusorepaka; pura-pura tau ndatawani da Kuponinika mewalili. Kakapuru raya ntau seʼe da Kuwalisaka mewali katetubunaka; ri mbeʼi ntano ri sambawo lino tau seʼe da ndabangkei pai da ndaunde.

Yohanes 10:16

Ntongo reʼepa waʼa bimba-Ku anu bareʼe sayunu-yunu pai waʼa bimba anu kukambi seʼi tau seʼe woʼu da kukambi pai da napedongeka ntau seʼe oni nganga-Ku. Tau seʼe pura-pura da mewali pai sambaʼaja topongkambinya.

Yesaya 56:8

Ewanceʼi pau i mPue Anu Ndate ri Peawanya anu mangkeni to Isaraeli mewalili ungka ri pantawani, “Yaku da mangkeni waʼa ntau ntaninya da mompasambaʼa-mbaʼa pai tau seʼe anu tepasambakamo.”

Masmur 147:2

I Pue da mawali wangu Yerusale; waʼa ntau ndatawani da ndakeni mpewalili.

Lukas 19:10

Maka kajela i Ana Manusia da mampepali pai da mancorepaka tau anu tetaji.”

Mikha 2:12

Ndatoʼo woʼu i mPue, “Ee waʼa nto Isaraeli anu njaupa yau yabinya! Komi sangaya-ngaya da Kupasambaka pai da Kupasambaʼa-mbaʼa da ewa bimba anu mewalili ri monconya. Da ewa pada ewo anu buke-buke pai bimba, da ewanceʼemo woʼu tanamu da buke pai waʼa ntau anu sondo.

YEHESIKIELI 36:24

Ungka ri waʼa banca pai lemba, da kupampasambaka komi pai da kupapewalili ri tanami ngkaliomi.

Yeremia 31:8

Ungka ri utara tau seʼe kukeni mpewalili; Kupasambaka tau seʼe ungka ri waʼa ntando lino. Tau buta pai tau pungku da sangkani-ngkani pai tau seʼe ewanceʼe seʼe weʼa anu nepa roo mpinca moʼongaa pai anu matuʼamo komponya. Tau seʼe pura-pura da rata muni ri gori ngkasondo imbanya ri tana seʼi.

Yeremia 3:18

Isaraeli da mompasambaʼa-mbaʼa pai Yahuda, pai da sangkani-ngkani karatanya ungka ri tana pantawani ri tondo utara. Tau seʼe da mewalili ri tana anu roo kuwaika da mewali tana panta ri tau piamomi.”

Masmur 38:17

Neʼe ndipapaliuka iwaliku mampokawongko mangkita kapariku, neʼe ndipapaliu tau seʼe mampasinggiri yaku sindara ngkalingu ndayaku.