Mikha 4:4 - Sura Magali Nuntu Ngkatuwu

⁴ Sambaʼa-sambaʼa tau da tuwu ri kaʼuono pai kaliondandaya, ri tongo bonde anggoro pai bonde aranya; bereʼe anu da maekati tau seʼe, incetu janji mPue Anu Makuasa.

Mikha 4:4 Referans Kwoze

Sakharia 3:10

Ane ratamo eo setu, sambaʼa-sambaʼa tau da mangancale tau samposori banuanya da maʼi mangamposiepe dago pai kalindo ri tongo waʼa bonde anggoro pai waʼa mpuʼu aramu.”

YEHESIKIELI 39:26

Ane maroo-roo tau seʼe ri kaʼuononya ri tana ntau seʼe ngkalionya pai benoreʼe mau sambaʼa tau anu da masalempori katuwu ntau seʼe, da nakalinganimo woʼu ntau seʼe ewambeʼi ndapampakaeamo tau seʼe ua mangaewa Yaku.

Yesaya 1:20

Paikanya ane komi maewa Yaku, komi da mate ri poʼiwali. Yaku, Pue, anu mompau seʼi.”

Yesaya 54:14

Siko da ndapapotunda ri kamonco, ndawawence ungka ri kapari pai pejeani.

YEHESIKIELI 34:28

Tau seʼe bareʼe da ndapamurui waʼa banca anu bareʼe mangaincani Yaku, bara nasoko waʼa mpinatuwu anu masii. Tau seʼe da tuwu ri kagana-gana pai ri kalindo ndaya; pai bareʼemo da reʼe mau sambaʼa tau ntano anu da mangaekasi tau seʼe.

Yesaya 58:14

Komi da mawongko rayami ua meʼuru ri yaku. Yaku anu mampapewali komi tetubunaka ri sambawo lino. Komi da madago katuwumi ua mampeari tana panta i Yako tau piamomi. Yaku Pue anu mompau seʼi.”

Yesaya 40:5

Maka peawa i mPue da ndapato-ngawa; pura-pura tolino da mangangkita. Monco kojo i Pue ngkalioa anu roo mangajanji!”

YEHESIKIELI 38:11

Siko ndapakanoto da mangaungku kota anu bereʼe bentenya setu pai anu bereʼe parewa mpoʼiwalinya.

YEHESIKIELI 34:25

Yaku da mampareʼe pojanji pai tau seʼe, anu da mampakanoto kaʼuono ntau seʼe. Yaku da mangairi pura-pura pinatuwu anu masii ungka ri sambawo ntana seʼi, da naka uono katuwu ntau seʼe ri waʼa mpada pai yore ri waʼa yopo.

Yesaya 26:16

Komi mangahukumo kami; ri raya ngkapari ndaya kamewalili ri Komi, pai makakai ri Komi, Pue.

TADUMPANYOMBA 26:6

Yaku da mangkariani katuwumi painaka da lintu ngkayoremi bareʼemo reʼe tau ndipokaeka. Pinatuwu masii da kurumba ungka ri tana setu, pai bareʼemo da reʼe poʼiwali ri tanamu.

AYUBI 11:19

Bareʼemo nupokaeka iwali; maria tau anu merapi tulungi ri siko.

Masmur 72:3

Tuarapa tana mami da uono pai malimbokori, pai da reʼe yoa gala waʼa banca.

Yesaya 17:2

Waʼa ngkota ri Siria da ndapalaika rantani masae-sae pai da mewali lambara dompu mpinatuwu; bereʼe mau sambaʼa tau anu da mangairi waʼa mpinatuwu setu.

Yesaya 22:25

Ane tepewalimo inceʼe, poncaraʼu anu maroso ndapampataka da mawuka pai manawu. Inceʼemo kapusanya waʼa ntinanya pai pura-pura tau anu podo meonda ri siʼa. Yaku, Pue, anu mompau seʼe.”

Yesaya 36:16

Neʼe ndipedongeka i Hisikia setu! Yaku mokole nto Asuri, mantoʼoka komi moruana ndipesuwu ungka ri raya ngkota maʼi meʼuru ri yaku. Ane ewanceʼe da ndileʼo mangkoni wua anggoro ungka ri bondemi, pai mangkoni wua ara ungka ri pinamuyami ngkaliomi, pai da mangainu ue ungka ri tibubumi ngkaliomi,

Yeremia 30:10

Waʼa ntauku Isaraeli, neʼe maeka! Watuaku i Yako, neʼe kandende-ndende! Komi pai waʼa mulimi da kusorepaka ungka ri tana anu lawa, kareʼe ndapantawani komi. Komi da mewalili, pai da maroo-roo ri tanami ri karodo ndaya. Komi da ʼuono katuwumi, bemoreʼe anu da ndipokaeka.

1 RAJA-RAJA 5:5

I Pue roo mojanji ri papaku i Daudi ewaseʼi, ‘Anamu anu da kulanti mewali Mokole mancawani siko, siʼa anu da mawangunaka banua mpanyomba ri Yaku.’ Inceʼe painaka kuparata ri komi Mokole Hira anu Meawa, yaku i Salomo roomo kubotusi kayakunya anu da mangawangunaka banua setu.

PATADA 3:25

Neʼe nupokaeka karugi anu da merampe ncoroba ewa lompiu anu da mangarumpa waʼa ntau majaʼa.

Yesaya 32:17

Sambaʼa-sambaʼa tau da mawianaka nunjaa anu monco, painaka da reʼe kadago ngkatuwu pai kaʼuono rantani masae-sae.

Yeremia 23:4

Da kudika topombawanaka anu da mamporewu tau seʼe. Waʼa ntauku bareʼemo da maeka bara da kandende-ndende; bereʼe mau sambaʼa ungka ri oyo ntau seʼe anu da tetaji. Yaku, Pue, anu mompaumo seʼi.”

Mikha 5:3

Ane ratamo tau anu makuasa setu, Siʼa da mamparenta waʼa ntaunya ua roso pai kuasa anu ungka ri Pue Ala puenya. Waʼa ntaunya da tuwu ri kaʼuono, maka pura-pura tau ungka ri sambawo lino da mangaʼaku kabangke-A,

SEPANYA 3:13

Waʼa nto Isaraeli anu yabinya, bareʼemo da mowia jaʼa ri sema ntano; tau seʼe bareʼemo da mombamba pai bareʼemo da metengosi. Tau seʼe da gana-gana pai uono katuwu ntau seʼe, pai bereʼe tau da ndapokaeka.”