Mikha 4:3 - Sura Magali Nuntu Ngkatuwu

³ I Pue mangabotusi kara-kara ri oyo waʼa banca, ri oyo waʼa negara anu maroso, anu lawa bara mosu. Tau seʼe da mangampalu waʼa mpenainya mewali pajeko pai waʼa ntawala ntau seʼe mewali tibo mpongkou wuyua. Waʼa banca bareʼemo da mombeungku, bareʼemo da mompatikali da moʼiwali.

Mikha 4:3 Referans Kwoze

Yesaya 2:4

Sira da mangabotusi ri oyo waʼa lemba, pai mangabotusi kara-kara waʼa banca. Penai da ndapalu mewali pajeko, pai tawala da ndapapewali tibo. Waʼa banca bareʼemo da moʼiwali, pai bareʼemo da mampatikali da poʼiwali.

Hosea 2:18

Ri tempo setu Yaku da mampareʼe pojanji pai mpengaya-ngaya pinatuwu da naka tau seʼe bareʼe marendosi waʼa ntau-Ku. Yaku da mangampapeʼonto pura-pura poʼiwali pai mangantajika waʼa mparewa mpoʼiwali ungka ri tana waʼa ntauku setu, da mampakalindo pai mampakaʼuono katuwu ntau seʼe.

Palaong mPomakau i mPue Yesu 17:31

Maka roomo ndapakanoto sangkani tempo da ndabotusi huku ntau sambawo lino seʼi ri gori ngkamonconya. Tetala setu da nawianaka ntau sambaʼa anu roo ndapilisi i mPue Ala. Pai da napaaya ntau pura-pura kono incetu, tau setu ndawali mpatuwu muni i mPue Ala ungka ri kapate!”

Yesaya 65:25

Serigala pai ana bimba da mangande ewo sangkani-ngkani; singa da maande deami ewa japi, ule bareʼemo da ndapokaeka. Samalele pongku ntanaku anu magali, bemoreʼe anu mepakarugi bara mowia jaʼa.”

Masmur 98:9

Maka Sira rata da mangabotusi lino; waʼa banca da ndabotusi ri kayoa pai ri kamonco.

Masmur 96:13

Maka i Pue rata moparenta ri lino, Sira da mangabotusi waʼa banca ri kayoa pai ri kamonco.

Pangkita 19:11

Ungka lairia kukita suruga teloka, nepa kukita sambaʼa nyara mabuya. Anu mampelamba nyara setu toʼonya i Anu Todo pai i Anu Monco. Sira mayoa ri pobotusi huku pai ri poʼiwali anu nawianaka.

Sakharia 14:3

Ungka lairia i Pue da ndeku moʼiwali maewa waʼa banca setu, ewa anu ndapowiamo iʼowi.

Sakharia 9:10

Ndatoʼo i mPue, “Waʼa ngkareta mpoʼiwali ungka ri Eparai da kutajika, pura-pura nyara ri Yerusale da Kupapaya pai pura-pura pana da Kulesaki. Mokolemu da mamposongkaka kasimadago ri oyo waʼa banca. Ungka ri tasi sambaka njoʼu ri tasi sambaka siʼa da makuasa, ungka ri Koro Eparata rata ri tando lino.”

YOELI 3:2

Pura-pura banca da kupasambaka pai da kukeni ri Yombo mPobotusi. Nepa da Kubotusi tau seʼe njairia ua waʼa mpowia ntau seʼe ri waʼa ntau-Ku ri pangantila-ntila ntau tana nto Isaraeli pai waʼa ntau-Ku tawani ntau seʼe ri waʼa sua ntana anu lawa.

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

Yesaya 60:12

Banca pai lemba anu bareʼe napokono mepue ri siko, da magero pai da opi.

Yesaya 51:5

Katesorepaka anu da kuwai mosumo; tempo mpenangiku mosumo da rata. Yaku ngkalioku da mancongka waʼa banca. Waʼa ntana anu lawa mampepetaʼa Yaku pai mampomata-mata powiaKu anu bangke.

Yesaya 25:3

Siko da naunde waʼa banca anu maroso, pai da ndapokaeka ri waʼa ngkota waʼa banca anu masigari.

Yesaya 9:7

Roomo ndapakanoto i mPue huku tila ngkamokole nto Isaraeli.

Masmur 82:8

Ndikamaʼimo boo Pue Ala, ndibotusimo lino, makapura-pura banca Komi tumpu-Nya.

Masmur 72:7

Tuarapa kayoa da tolele sangkasae mpoparentanya, pai kagana-gana ngkatuwu ri sangkasae ngkareʼe mbuya.

Masmur 46:9

Ndimaʼimo, ndipeole nunjaa anu ndapowia i mPue; maʼai ndapampojingki powia mpalea ri lino!

1 Samuel 2:10

Waʼa iwali i mPue malesa pai magero, merata eka ntau seʼe; maka Sira ewa gundu ungka ri yangi. I Pue da mangabotusi sambawo lino seʼi. Sira da mawai kuasa pai peawa ri mokole anu Sira mampilisi.”

Masmur 72:3

Tuarapa tana mami da uono pai malimbokori, pai da reʼe yoa gala waʼa banca.

Sakharia 8:20

Ndatoʼo i mPue Anu Makuasa, “Da rata tempoya waʼa ntau ungka waʼa ngkota anu ntaninya da maʼai ri Yerusale.

Masmur 46:10

Sira anu mampapeʼonto waʼa mpoʼiwali sambawo lino, gorosi mpana pai tawala ndalesaki, waʼa ngkanta maliogu ndapanowa.

Hosea 2:20

Silulu pai janji-Ku, siko da Kuporongo. Siko da mangaʼaku kayakunya ewa Puemu ngkaliomu.