Mikha 4:2 - Sura Magali Nuntu Ngkatuwu

² Pura-pura tau da mangantoʼo “Maʼimo kita mandake ri pongkuntana i mPue Ndeku ri Banua i mPue Ala, pue nto Isaraeli! Sira mampaguruka kita nunjaa anu da tawianaka. Kita da mangalulu jayaa maka pompaguru i mPue ungka ri Yerusale kamaʼinya; ungka ri Sioni Sira mompau ri waʼa ntau-A.”

Mikha 4:2 Referans Kwoze

Yesaya 2:3

tau seʼe pura-pura mangantoʼo, “Maʼimo tapandake ri Pongku ntana i mPue, njoʼu ri Banua mPue Ala pue nto Isaraeli. Sira anu da mampaguruka kita nunjaa anu da tawianaka. Kita da mangalulu jaya-A, maka pompaguru i mPue ungka ri Yerusale kamaʼinya, Sira mompau ungka ri Sioni.”

Yeremia 31:6

Monco kojo, da rata temponya waʼa ntopojaga kota da meboo ri buyu mongkodo Eparai, ‘Maʼimo takandeku ri Sioni, ri Pue Ala pueta.’ ”

Palaong mPomakau i mPue Yesu 1:8

Paikanya komi da marata kuasa, ane Inosa mPue Ala rata ri komi. Pai komi da mewali waʼa sabi-Ku ri Yerusale, ri samalele Yudea, ri Samaria, pai rata ri tando lino.”

Yesaya 54:13

Pura-pura tau banganimu mewali anaguru-Ku, tau seʼe da gana-gana katuwunya pai da uono.

Masmur 25:12

I Pue mampaguruka tau meaya, jaya anu monco anu da nalulu.

Yohanes 7:17

Tau anu mampokono malulu pepokono i mPue Ala, da narata ndaya pompaguru-Ku bara ungka ri Pue Ala puʼunya bara podo ungka ri Yaku ngkalio-Ku.

Roma 15:19

simpoyunu pai waʼa ntanda ngkuasa anu ndapojingki ndaya; pura-pura setu mewali ua kuasa Inosa mPue Ala. Nuntu ngKatuwu kono i Kerisitu, kupobambarika pura-pura ri waʼa ntau, montepuʼumo ungka ri Yerusale jela ri Ilirikumi.

Lukas 24:47

Ewanceʼe woʼu ri raya ntoʼo Mokole Tadungkadago setu sangaya-ngaya da ndapobambarika ri mpengaya-ngaya banca, tolino sangaya-ngaya da majea, pai i Pue Ala bareʼemo mangkitanaka salaa. Pai bambari setu sangaya-ngaya da ndapobambarika montepuʼu ungka ri Yerusale.

Markus 16:20

Malaimo waʼa anaguru-A mampobambarika nuntu ungka Pue Ala ri mbeʼi-mbeʼi kanjoʼunya. Pai i Pue seʼe njoʼu motetala sangkani-ngkani pai tau seʼe, pai tongawa ri waʼa tanda ngkuasa kamonco nuntu anu napetumbu ntau seʼe. [

Sakharia 14:16

Ungka lairia, pura-pura tau anu ntongo tuwupa ri oyo waʼa banca anu maungku Yerusale, da njoʼu ri kota setu manyomba ri Datu, Pue Anu Makuasa, pai da mabangkei Posusa mPokuani.

Palaong mPomakau i mPue Yesu 13:42

Pesuwu i mPaulu pai i Baranaba ungka ri banua mpekakai setu, merapi woʼu waʼa ntau da naka ri eo Umapo anu da rata da maʼi woʼu tau seʼe mantotoraka woʼu kono inceʼe.

Yohanes 6:45

Lau ndaʼuki ri sura waʼa nabi ewaseʼi, pura-pura tau da ndapaguru i mPue Ala. Mewali pura-pura tau anu mancabe madonge i Papa pai meguru ri Sira da jela ri Yaku.

Ulang 6:1

“I Pue Ala puemi mampokau yaku da mampaguruka komi pura-pura waʼa mpadika seʼi, da naka ndiwianaka ri katuwumi ri tana anu bareʼemo masae da ndipearimo.

Sakharia 2:11

Ri tempo setu maria banca anu da rata ri Pue da mewali tau-A. Siʼa da maroo-roo ri oyomi, pai da ndiincanimo kaʼi Puenya anu mampokau yaku ri komi.

Hosea 6:3

Inceʼe painaka maʼimo tapompari-mpari ri gori ngkamonconya mangaincani i Pue. Manoto Sira da maʼi ri kita, da ewa powinangkasi ndeme, pai da ewa uja anu mangayoʼosi tana ri potando turo mpouja.”

Masmur 110:2

Ungka ri Sioni ndapabini i mPue poparentamu; da nuparentamo waʼa iwaliku!

Masmur 119:1

Yontomo kalindo ndaya ntau anu ri katuwunya bereʼe posarinya pai mepoʼinaya ri waʼa mpadika i mPue.

Masmur 119:171

Yaku bareʼe bali-bali da mangaunde Komi, maka Komi mampaguruka yaku pepokono-Mi.

Masmur 122:1

Ngayu mpesidoe i Daudi Mawongko rayaku sindara pantoʼo ntau ri yaku, “Maʼi takanjoʼu ri Banua i mPue!”

Yesaya 56:7

“Komi da kukeni ri Sioni, ri pongku ntana-Ku anu magali, pai da Kuwai kawongko ndaya ri banua mpanyomba-Ku. Waʼa mpanyomba anu ndipanyombaka ri lampaʼani-Ku da Kutarima. Banua-Ku da Kupapotoʼo banua mpekakai tila pura-pura banca.”

Yeremia 42:3

Da naka i Pue Ala mantujuka kami ri mbeʼi da kanjoʼu mami pai nunjaa anu sangaya-ngaya da kawianaka.”

Sakharia 9:10

Ndatoʼo i mPue, “Waʼa ngkareta mpoʼiwali ungka ri Eparai da kutajika, pura-pura nyara ri Yerusale da Kupapaya pai pura-pura pana da Kulesaki. Mokolemu da mamposongkaka kasimadago ri oyo waʼa banca. Ungka ri tasi sambaka njoʼu ri tasi sambaka siʼa da makuasa, ungka ri Koro Eparata rata ri tando lino.”