Mikha 4:13 - Sura Magali Nuntu Ngkatuwu

¹³ Ndatoʼo i mPue, “Ee waʼa bangani Yerusale, palaimo njoʼu nulandasi waʼa iwalimu! Yaku da mampakaroso komi, ewa japi anu mampotondu labu pai mampokayupa tambaga. Komi da mangalesaki sondo banca pai kakoreʼe anu napamuru ntau seʼe da ndipanyombaka ri Yaku, Pue tumpu ntana pai ue.”

Mikha 4:13 Referans Kwoze

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

Yesaya 23:18

Rasi pai saronya anu narata bareʼe da nadika-dika, paikanya da napanyombaka ri Pue. Waʼa ntau anu manyomba ri Pue da mampake doi setu naolika rengko pai pangkoni ntau seʼe.

Yesaya 18:7

Da rata temponya waʼa mpanyomba da ndakeni ri Pue Anu Makuasa ungka ri tana anu nalempo waʼa ngkoro ue, ungka ri bancanya anu maroso pai matarusu, ungka ri waʼa ntaunya anu malangkati pai maʼalusu pelanya anu ndapokaeka ri sambawo lino. Tau seʼe da maʼi ri Pongku ntana Sioni, kanjau i mPue Anu Makuasa ndapanyomba.

1 Korintus 16:2

Sangkani-sangkani eo minggu, mbolimo komi pura-pura da mampatani doimi sakodi, malulu pandatanya sambaʼa-sambaʼa tau. Doi setu da ndipakoroka rantani rata yaku. Da naka neʼe sangadi jelamo yaku nepa da ndipasambaka.

Sakharia 6:5

Mesono sira ndatoʼo, “Tau seʼe da njoʼu ri aopo payompo yangi, ane roomo njoʼu mancuara i Pue tumpu ntana pai yangi.

Sakharia 4:14

Ndatoʼoka yaku, “Incetu inceʼemo tau radua anu roo Ndapilisi i mPue tumpu ntau-A pai yangi anu ndapakanoto mamporiokoi Sira.”

Yeremia 51:33

Bareʼemo masae tau seʼe da ndanangi pai da nalandasi iwali ewa gandu ri kareʼe mpoʼii. Yaku, Pue Anu Makuasa, Pue ala pue nto Isaraeli, anu mantoʼomo seʼi.”

Masmur 68:29

I Pue Ala puemi mantangara karosomi; boo Pue Ala, ndipatodomo nunjaa anu roo ndipowia tila mami.

Yosua 6:19

Pura-pura aga-aga anu motaʼa salaka, wuyawa, tambaga pai besi inceʼe da ndapatani tila i mPue, pai da ndapakoroka ri kareʼe mpadika aga-aga i mPue.”

Yesaya 5:28

Mata mpananya malolo pai gorosinya tokamo da mepana. Rayanya mapeni ewa watu ntela pai bola ngkaretanya montarapupu ewa pewui lompiu.

Masmur 72:10

Waʼa mokole ri Tarusu pai waʼa ntogongi da mangkeni panyomba ri sira. Waʼa mokole nto Ara pai Etiopia rata mawawa asele.

Ulang 33:25

Tuarapa waʼa ngkotanya da natatondoi waʼa dampo baa-baa anu maroso anu ndapowia ungka ri tambaga pai besi da naka katuwunya lindo pai maʼuono.”

Yesaya 21:10

Bancaku Isaraeli. Siko ndalanda-landasi pai ndaii ewa ogu gandu. Seʼi-seʼi kupetumbuka siko bambari madago anu kudonge ungka ri Pue Anu Makuasa, Pue Ala pue nto Isaraeli.

Yeremia 51:20

Ndatoʼo i mPue, “Babeli siko ewa rapanya palu, parewaku da kupake moʼiwali. Siko da kupake mangawombo waʼa banca pai waʼa negara.

Hosea 10:11

Iʼowi Isaraeli ewa japi anu mangurapa anu ndapaguru mpodago, pai madoyo maʼii gandu mau bareʼe ndasaʼubaka pasanga ri leʼenya anu magaya setu. Paikanya seʼi-seʼi roo kupakanoto Yaku da mangariso motetala manee. Yahuda kupokau mopajeko, pai Isaraeli Kupokau mosara.

HABAKU 3:12

Ri kapane ndaya dilinjaki lino; Ndilanda waʼa banca ua kapane ndaya-Mi.

Masmur 24:1

Polinga i Daudi. I Pue tumpu lino sangkani pai waʼa banganinya, lino seʼi pai pura-pura anu mampeari.

Mikha 5:7

To Isaraeli anu maroo-roo ri oyo waʼa banca da ewa singa ri tongo waʼa mpinatuwu yopo bara ewa ri tongo dompu bimba ri pada ewo. Singa setu mesua ri tongo-tongo dompu bimba setu, naija-ijaki pai nasempati; bereʼe anu mangkoto malapa waʼa bimba setu.

Sakharia 12:3

Paikanya ane ratamo eo setu Yaku da mampowia Yerusale ewa watu anu manee; banca mbeʼi ntano anu mampebutuka da mangaʼokotaka da marugi. Pura-pura banca ri dunia da mompasanjuyu maungku Yerusale.

Sakharia 12:6

Ri eo setu waʼa ncombori nto Yahuda, da kupapewali ewa apu ri raya osipa ngkaju apu bara ewa obori anu mareka-reka ri ara dongko gandu, tau seʼe da mangagero waʼa banca anu mantolilimi tau seʼe. Paikanya bangani Yerusale da rodo mpaliu ri raya ngkota ri kaʼuononya.