Mikha 4:1 - Sura Magali Nuntu Ngkatuwu

¹ Ri reme-reme anu nepa da rata, pongku ntana kareʼe mpotunda Banua i mPue, da toa mekakore pai da meuntu-untu ndateka meruu ri waʼa buyu pai waʼa mpongkuntana. Mpengaya-ngaya banca da mangguyu-ngguyu njoʼu njairia,

Mikha 4:1 Referans Kwoze

Yeremia 3:17

Ri tempo setu kota Yerusale da ndatoʼo ‘Gadera mPoparenta i mPue’, pai mpengaya-ngaya banca da mompasambaka ri kota setu da manyomba ri Yaku. Tau seʼe bareʼemo da malulu pepokono ndaya ntau seʼe anu tengo pai majaʼa setu.

Masmur 22:27

Tau kaasi-asi da mangkoni rantani mabosu; tau anu rata ri Pue da maunde Sira, tuarapa komi da lindo rantani masae-sae.

Sakharia 8:3

Yaku da mewalili ri Yerusale, kota-Ku anu magali setu. Yerusale da tetoʼo ewa sambaʼa kota anu todo. Pai pongkuntana i mPue Anu Makuasa da natoʼo Pongkuntana Magali.

Masmur 86:9

Pura-pura banca anu ndipapewali da rata, boo Pue, da manyomba ri Komi pai maunde kabangke mpeawami.

Palaong mPomakau i mPue Yesu 2:17

Ndatoʼo i mPue Ala, ‘Ri tempo da kapusa lino, Yaku da mawai Inosa-Ku ri pura-pura tau. Waʼa anami anu tuama pai waʼa anami anu weʼa da mampetumbuka komi nuntu anu Kuparataka tau seʼe. Waʼa ngalitaumi da mangangkita waʼa anu da Kutujuka tau seʼe. Waʼa ntau tuʼami da mangipi da mampangipika anu da Kutoʼoka tau seʼe.

Hosea 3:5

Paikanya da rata temponya banca Isaraeli da mewalili ri Pue Ala pue ntau seʼe pai ri mokole ntau seʼe ungka ri muli i Daudi. Nepa da maeka pai da metubunaka tau seʼe ri Pue, pai mantarima waʼa mpombai-A.

YEHESIKIELI 43:12

Inceʼimo kantaninya katedikanaka Banua i mPue: Juku-juku tana anu mantolilimi ri lolo buyu setu magali mpodago.”

MALEAKI 1:11

Yaku natubunaka waʼa banca ri sambawo lino. Ri mbeʼi-mbeʼi ndatunju dupa da mantubunaka Toʼo-Ku pai ndapanyombaka waʼa mpanyomba anu sintinaja, maka pura-pura banca mantubunaka Yaku!

Sakharia 2:11

Ri tempo setu maria banca anu da rata ri Pue da mewali tau-A. Siʼa da maroo-roo ri oyomi, pai da ndiincanimo kaʼi Puenya anu mampokau yaku ri komi.

Yesaya 54:2

Pakabinimo waʼa ngkema mpearimu; pakaratemo wayaanya pai pakarosoka waʼa mpatonya!

Pangkita 20:4

Nepa kukita waʼa gadera mpoparenta, pai waʼa ntau anu motunda ri waʼa gadera mpoparenta setu ndawaika kuasa da mangabotusi huku. Kukita woʼu waʼa ntanoana waʼa ntau anu roomo ndapewoʼoki, maka tau seʼe anu mawai posabi kono i Yesu, pai mampobambarika nuntu ungka ri Pue Ala. Waʼa ntau setu bareʼe manyomba ri pinatuwu, bara ri turukinya. Tau seʼe woʼu bereʼe napantarima tanda mpinatuwu setu ri tongo ndoʼu bara ri pale ntau seʼe. Inceʼe painaka tuwu muni tau seʼe nepa moparenta ewa mokole sangkani-ngkani pai i Kerisitu sancowu ntaʼu kasaenya.

Pangkita 11:15

Malaʼeka anu kapapitu mantawuisi surupetanya, ndadonge waʼa oni nganga anu marimbo kojo ungka ri suruga anu mantoʼo, “Kuasa anu da mamparenta lino seʼi-seʼi reʼe ri pale mPueta Mokole Tadungkadago anu ndajanjika kita. Sira da moparenta rantani masae-sae!”

Ibrani 1:2

Paikanya ri tempo ngkapusanya seʼi Sira monuntu ri kita mampoliu Ana-A. Mampoliu Ana-A seʼe i Pue Ala mampapewali yangi pai lino sangkani pai waʼa banganinya. Pai roo ndapakanoto i mPue Ala Ana-A seʼe anu mampotumpu mpengaya-ngaya.

DANIELI 7:27

Kuasa pai kabangke waʼa ngkamokole ri lino da ndawaika waʼa ntau i mPue Ala Anu Ndate ri Peawanya. Kuasa ntau seʼe da moparenta bereʼe kapusanya pai pura-pura anu makuasa ri lino meʼuru ri tau seʼe ri pepoʼinaya.”

DANIELI 2:44

Ri tempo mpoparenta waʼa mokole setu, i Pue Ala ri suruga mangampatunda sambaʼa kamokole anu da todo rantani masae-sae, pai bareʼe da reʼe banca anu mangkoto manganangi. Kamokole setu da mangagero pura-pura kamokole anu ntaninya setu.

Yesaya 49:6

Ndatoʼo i mPue ri yaku, “Tetala anu meruu ngkabangke mampopea siko, ee watuaku; siko banya podo da mampapewalili yabi muli i Yako pai da mawali wangu muni katetoʼo waʼa lemba nto Isaraeli, paikanya kupapewali woʼu reme ri waʼa banca, da naka sambawo lino ndasorepaka.”

Pangkita 15:4

Isema anu bareʼe da mampokaeka Komi Boo Pue? Isema anu bareʼe mampokono mampobambarika kabangke ngkatetoʼo-Mi? Podo Komi anu magali. Waʼa lemba da rata manyomba ri komi ua waʼa mpobotusimi mayoa nakitamo waʼa ntau pura-pura.”

Mikha 3:12

Ua kajaʼamu setu, Sioni da nasuʼa mpajeko ewa jamaa, Yerusale da mewali pobuyu-buyu awu, pai pongku ntana Banua i mPue da mewali yopo mapepu.

DANIELI 7:18

Paikanya tau i mPue Anu Ndate ri Peawanya da mantarima kuasa moparenta pai poparentanya da mekakore rantani masae-sae.”

DANIELI 7:14

Siʼa ndawaika katetubunaka pai kuasa ewa mokole, painaka waʼa ntau ungka ri mpengaya-ngaya banca, lemba pai basa meʼuru ri siʼa. Kakuasanya da toa rantani masae-sae, pai poparentanya bareʼe da posa.

DANIELI 2:35

Turuki setu liu-liu madungka, mewalimo wune anu lau besi, tana puyu, tambaga, salaka, wuyawa anu mageromo ewa awu ri kareʼe mpangawaro gandu ri tempo mporeme. Wune setu mawaro nawui ngoyu, painaka bemoreʼe sako wakanya. Paikanya watu anu mampere turuki setu mewali bangke ewa buyu anu mangabuketi sambawo lino.

DANIELI 2:28

Paikanya ri suruga reʼe Pue Ala anu mampatongawa mpengaya-ngaya rahasia, pai Sira anu roo mantoʼoka komi nunjaa anu da mewali ri reme ripuri. Mewali seʼi-seʼi mbolimo ndiwai tempo ri yaku da mantotoraka pangipi pai pepatongawa anu nditarima ri sindara ngkayoremi setu.

YEHESIKIELI 40:2

Ri raya sambaʼa pepatongawa, i Pue Ala mangkeni yaku ri tana Isaraeli pai madika yaku ri wawo buyu anu ndateka. Ri suaraku kukita satobu banua anu motaʼa ewa sambaʼa kota.

YEHESIKIELI 38:16

Nepa nuungku waʼa ntauku Isaraeli ewa lompiu mayoro lino. Ane ratamo temponya siko da kupakatu da mampotundasi tana-Ku. Ua powiaku anu mampoliu siko, ee Gogi, waʼa banca anu maincani isema Yaku, inceʼemo Pue Ala anu magali.

Yeremia 48:47

Paikanya ripurinya Yaku da mawali wangu muni katedikanaka Moabi. Yaku, Pue, anu mompaumo seʼi.” Incetumo anu da ndawianaka i mPue tila Moabi.

Yeremia 16:19

Pue, Komimo anu mangkariani yaku pai mawai roso ri yaku; Komi anu mantulungi yaku ri tempo ngkapari. Waʼa banca ungka ri tando lino da rata ri komi da mantoʼo, “Tau piamo mami podo mampotuwu pue anu bemonco, anu beliu-liu reʼe yowenya.

Yesaya 43:6

Kusongkaka utara pai selata, da naka maliga-liga ndalapasaka tau seʼe. Da naka waʼa anamu tuama mewalili ungka ri kalawanya, pai waʼa anamu anu weʼa mewalili ungka ri waʼa ntando lino.

Yesaya 27:13

Ri tempo setu da ndapapoʼumoni surupeta anu bangke da mawali mpeboo muni pura-pura to Isaraeli anu ndataji ri tana nto Asuri pai Masiri. Tau seʼe da tepasambaka ri Yerusale da mampanyomba i Pue ri pongkuntana-A anu magali.

Masmur 110:3

Ri tempo ngkaratami pai kuasami, ri pongku ntana anu magali, waʼa mpalilimi melinja ri kabuya ndayanya. Ewa podede rini ri tempo mpowuro, karata waʼa mpemuda ri siko.

Pomulanya 49:10

I Yahuda da mangkekeni toko mpoparenta, mulinya da moparenta rantani masae-sae. Waʼa banca da mangkeni asele, pai da manyomba meʼuru ri suaranya.

Pomulanya 49:1

Roo setu napeboo i Yako waʼa ananya nepa natoʼoka, “Ndipompasambakamo ri soriku seʼi. Nepa da kutoʼoka komi nunjaa anu da ndipomberataka ri reme ri purinya:

2 Petrus 3:3

Anu kaʼisa da ndiincani kojo kono ri eo-eo anu kapusanya, da jela waʼa ntau anu katuwunya nakuasai waʼa ncawoyo ndayanya ngkalionya. Pai komi da napasinggiri ntau seʼe,

DANIELI 10:14

Yaku rata da mawaika siko parata ndaya kono nunjaa anu da mewali raneonya ri bancamu. Pepatongawa seʼi kono reme anu nepa da rata.”

DANIELI 7:22

Ungka lairia Sira anu tuwu bereʼe kapusanya setu rata pai mangawai botusi anu mampakamonco waʼa ntau i mPue Ala Anu Ndate ri Peawanya. Maka ratamo temponya tau seʼe mantarima kuasa da moparenta.

Masmur 48:1

Ngayu ntina i Kora.

Yesaya 56:7

“Komi da kukeni ri Sioni, ri pongku ntana-Ku anu magali, pai da Kuwai kawongko ndaya ri banua mpanyomba-Ku. Waʼa mpanyomba anu ndipanyombaka ri lampaʼani-Ku da Kutarima. Banua-Ku da Kupapotoʼo banua mpekakai tila pura-pura banca.”

Yeremia 26:18

“Sindara i Sikia mewali mokole ri Yahuda, i Nabi Mika ungka ri Morese, mamparata ri waʼa ntau sondo pau ewaʼi ungka ri Pue Anu Makuasa. ‘Sioni da ndapajeko ewa bonde, Yerusale da mewali pobuyu-buyu banua malesa, pai pongkuntana Banua i mPue da mewali yopo!’

Yeremia 31:12

Ri Pongku ntana Sioni da karata ntau seʼe, seʼi mongayu ri wongko ri wongko ndaya, ua pura-pura pombaiku ri tau seʼe inceʼemo gandu, lana, anggoro, japi pai bimba. Tau seʼe da ewa bonde anu gana-gana uenya, pai bereʼe nunjaa-njaa anu napomakura.

Sakharia 14:10

Sambawo ntana ungka ri Geba tondo utara rata ri Rimoni tondo selata, da mewali karatana. Paikanya Yerusale da meuntu-untu ndateka, meruu ungka ri tana anu mantolilimi; kota setu da tebini ungka ri Baa-baa Benyami rata ri baa-baa sunonya, kanjau baa-baa Bangke pai ungka ri Menara Hananeli rata ri pampaa anggoro i mokole.