Mikha 3:8 - Sura Magali Nuntu Ngkatuwu

⁸ Paikanya anu mangkono koroku seʼi, i Pue mawaimo inosa-A pai kuasaA. Ri yaku ndawai parata ndaya kono kayoa, pai kakoje ndaya woʼu da mampatongawa ri to Isaraeli waʼa ncalaa anu roo nawianaka.

Mikha 3:8 Referans Kwoze

Yesaya 58:1

Ndatoʼo i mPue, “Peboomo ri gori mpangkotomu! Toʼokamo tau-Ku waʼa ncalaa ntau seʼe.

1 Korintus 2:4

Bambari anu kuparataka komi banya ua kaloʼeku mompau da mantima rayami malulu loʼe ntolino. Pamparataku setu, inceʼe anu mampatongawa Inosa mPue makuasa.

YEHESIKIELI 43:10

Nepa mompau woʼu i Pue ndatoʼo, “Ee tolino anu podo awu ntana, paratakamo waʼa nto Isaraeli kakononya Banua-Ku seʼi, pai pokaumo tau seʼe mamparesa nunjaa anu natangara. Pakaeamo tau seʼe ua waʼa ncalaanya.

YEHESIKIELI 16:2

“Ee tolino anu podo awu ntana, tujukamo Yerusale waʼa mpowia anu karika anu roomo nawianaka.”

AYUBI 32:18

Bareʼemo rodo rayaku mampopea. Bareʼemo kukoto mantaʼamaka waʼa mpauku anu da mesuwu.

Matius 7:29

Maka Sira mompaguru pai kuasa, banya ewa waʼa guru agama ntau seʼe.

YEHESIKIELI 22:2

“Ee tolino anu podo awu ntana, bara tokamo siko da mangabotusi kota anu buke pai pepepate setu. Tujukamo siʼa waʼa mpowianya anu mampakakarika setu.”

YEHESIKIELI 20:4

Ee tolino anu podo awu ntana, tikalimo siko da mangabotusi tau seʼe? Wianakamo! Patiendokamo tau seʼe waʼa ngkakarika anu roo nawianaka waʼa ntau piamonya.

YEHESIKIELI 3:14

Kuasa i mPue rata ri yaku marimbo kojo, pai sindara yaku ndaokotaka nakeni Inosaa kuepe ri rayaku mapaʼi pai mapane.

Yeremia 20:9

Paikanya ane kutoʼo ri rayaku, “Mbolimo i Pue da kukalinganimo, bareʼemo kupokono mompau mamposabi toʼo-A,” paikanya nuntumi ewa apu anu membaa-mbaa ri rayaku. Kupebutukamo mantodosaka, paikanya tongawa bareʼe kukoto.

Yeremia 1:18

Pedongekamo! Siko da naewa waʼa ntau bangani ntana seʼi, inceʼemo waʼa mokole Yahuda, waʼa ntopoparenta waʼa ntadu mpanyomba, pai palilinya. Paikanya sandeme seʼi yaku mangawaika siko roso da mangaewa tau seʼe. Siko da mewalimo kota anu mampotumpu bente, ewa nono besi pai tembo tambaga, tau seʼe bareʼe da nakoto manangi siko, maka yaku sangkani-ngkani pai mangka ntawi siko. Yaku, Pue, mantoʼomo seʼi.”

Yeremia 6:11

Karau ndayami ri tau seʼe mareka-reka woʼu ri woto ngkoroku, Pue! Mapari kuepe mantodosaka,” Nepa ndatoʼo i mPue, “Pesawukamo karau ndaya setu ri waʼa ananggodi ri jaya-jaya bangke pai waʼa ntau mangura anu njau motobu-tobu. Tuama pai weʼa da ndasoko, pai waʼa ntau tuʼa woʼu bareʼe da lapa.

Markus 3:17

i Yakobu pai kasangkomponya i Yohane, inceʼe waʼa ana i Ncebedeu (tau seʼe ndalantika i Boanege, posokinya “ana gundu”),

Yesaya 61:1

Kuasa i mPue Anu Ndate ri Peawanya reʼe ri yaku; Sira mampilisi pai mampokau yaku da mangangkeni bambari anu madago ri tau anu kaasi-asi pai mampakaʼosa tau anu mapese rayanya; pai da mampetumbu ri waʼa ntau anu ndapungu, katau seʼe da ronga ndalapasaka, pai ri waʼa ntau anu ndatarunggu, katau seʼenya da ndalapa.

Yesaya 61:2

Pai ndapokau yaku mampobambarika, katamo tempo i mPue mancorepaka; da mampalindo pura-pura tau anu masusa raya, pai mampesawaki pura-pura iwali ntau seʼe;

Ratapan 2:14

Anu naparata waʼa nabi ri siko, podo lopu pai mbamba ngkabongo. Bereʼe napancungketi ntau seʼe salaamu, inceʼe painaka bareʼe majeʼa siko. Paikanya tau seʼe podo mamparataka siko waʼa mpau mbamba anu mampakawongko raya.

YEHESIKIELI 23:36

Ndatoʼo i mPue ri yaku, “Ee tolino anu podo awu ntana, bara tokamo siko da mangabotusi i Ohola pai Oholiba? Sekomo tau seʼe kono kakarika anu nawianaka ntau seʼe.