Mikha 3:7 - Sura Magali Nuntu Ngkatuwu

⁷ Waʼa ntau anu mantonaa kono eo anu da rata da marata ea mata maka pontonaanya bareʼe monco. Da maea mata ntau seʼe maka i Pue Ala bareʼe mancono pekakai ntau seʼe.

Mikha 3:7 Referans Kwoze

Sakharia 13:4

Ri eo setu, waʼa nabi da maea moʼengko ewa sambaʼa nabi. Tau seʼe bareʼe da morengko ewa da maea moʼengko ewa nabi da napake mombamba pai da mampekiundeka waʼa mpepatongawa anu nakita.

Yesaya 44:25

Yakumo anu mangaompo tonaa ntau topontonaa, pai mampogeleka waʼa ntopowurake. Kusapu waʼa mpau ntau loʼe, kaloʼe ntau seʼe kupapewali katengo.

AMOSI 8:11

I Pue Anu Ndate ri Peawanya mantoʼo, “Da rata temponya Yaku da mampareʼe pari oro bangke ri tana seʼi. Tau da maoro, paikanya banya mampomaoro pangkoni. Tau da maranganga, paikanya banya mampomaranganga ue. Tau seʼe da mampomaoro pai da mampomaranganga nuntu-Ku.

YEHESIKIELI 24:17

Neʼe boi ndadonge kakancodu-ncodumu. Neʼe boi melinja siko bareʼe mosiga, bara bareʼe mosandale ewa tau anu mongkabalusi. Neʼe woʼu boi nusilu liomu pai neʼe boi nukoni roti mpongkabalusi.”

1 Samuel 28:6

Inceʼe painaka naperapi i Saulu totoraka ungka ri Pue, paikanya bareʼe liu-liu ndasono i mPue, madago mampojaya pangipi ntano bara mampojaya Uri pai Tumi, bara mampoliu nabi.

TADUMPANYOMBA 13:45

Tau anu nakono njuʼa majaʼa, sangaya-ngaya da mampake baju anu masempa-sempa pai wuyuanya neʼe nasara. Pai siʼa da masilu ajenya nepa meboo-boo, “Karika! Karika!”

Mikha 7:16

Waʼa banca da mangangkita inceʼe pai da maea matanya maka da naepe ndayamo ntau seʼe, waʼa roso ntau seʼe bereʼe yowenya. Da paya akala ntau seʼe, painaka bareʼe nakoto mompau bara mampedongeka.

YEHESIKIELI 24:22

Nepa komi da mawianaka ewa anu kuwianaka seʼi. Komi bareʼe da masilu liomi pai mangkoni roti pongkabalusi.

Masmur 74:9

Waʼa nabi pai waʼa ntanda ngkuasa bareʼemo reʼe ndakita, pai bereʼe mau sambaʼa tau anu mangaincani sangkuja ngkasae da kaʼewanceʼinya.

1 Samuel 28:15

Mompau i Semueli natoʼoka i Saulu, “Wenu painaka nurendosi yaku? Wenu painaka nupeboo yaku mewalili?” Mesono i Saulu natoʼo, “Kupeboo komi maka lingumo rayaku napoʼiwalika nto Pelisiti, seʼi yaku ndapalaikamo i mPue Ala. Bareʼemo ndapokono masono pompeoasiku, madago mampojaya nabi, bara pangipi. Inceʼe painaka yaku rata meoasi ri komi, da ndipantoʼoka yaku nunjaa anu da kuwianaka.”

1 Samuel 14:37

Inceʼe painaka meoasi i Saulu ri Pue Ala, natoʼo, “Bara da maya yaku maungku to Pelisiti? Bara da ndipepombaika tau seʼe ri pale nto Isaraeli?” Paikanya ri eo setu bereʼe sononya ungka ri Pue Ala.

1 Samuel 9:9

Mesono i Saulu, natoʼo, “Madago! Maʼimo takanjoʼu.” Malaimo kojo tau seʼe njoʼu ri kota mpeari pomokau i mPue Ala setu. Pandake ntau seʼe ri pongkuntana ri jaya anu da njoʼu ri kota setu, simpadopa tau seʼe pai waʼa anaweʼa anu da njoʼu mantombu ue ri tibubu. Meoasi tau seʼe ri waʼa anaweʼa setu, natoʼo, “Bara njau topontonaa setu ri raya ngkota?” (Ri tempo setu, nabi napapotoʼo ntau seʼe topontonaa, mewali ane reʼe anu da napeoasi ntau ri Pue Ala, da natoʼo ntau, “Maʼimo takanjoʼu mampeoasi ri topontonaa.”)

Posuwunya 9:11

Waʼa ntopowalia bareʼemo nakoto mombesuara pai i Musa maka koro ntau seʼe napujumo bisu, ewanceʼe seʼe waʼa nto Masiri anu ntaninya.

Mikha 3:4

Maʼipa temponya da rata komi meboo merapi tulungi ri Pue, paikanya Sira bareʼe ndapokono mangasono. Sira bareʼe da mampedongeka waʼa mpekakaimi, maka komi mawianakamo anu majaʼa.

Yeremia 18:18

Natoʼo ntau seʼe, “Maʼimo tapampasintuwu rayata da maewa i Yeremia. Banya podo siʼa anu mangkoto mompau pai Pue Ala. Bareʼe bali-bali kareʼe ntadu mpanyomba anu da mawai totoraka, reʼe tau anu loʼe da mawai patuju pai reʼe nabi anu mangkoto da mamparataka kita waʼa nuntu ungka ri Pue Ala. Maʼi tapampogiluka siʼa ri topobotusi pai neʼemo tapedongeka waʼa mpaunya.”